NDANIEL 2:19 - Nanduk Ngget Tul Pidnak Wene

¹⁹ Nde, iri na tarem-et kubu-ge Mbal Pem Nagawan-nen nabi nggal pem nabi iri na-ge para Ndaniel mirik ibij-o. Iri yosola-ge, Ndaniel-nen-e Mbal Pem Nagawan aid arem woraso iri na erembel wanosolat-nen yosolar-e:

NDANIEL 2:19 ပူးပေါင်းရင်းမြစ်များ

AYUP 4:13

Iri yosola, iri na-nen ndowaga an-e nggiringgendumu nabi meya karuk-nen kwarugwi nggal kwara nene yigit lak yigi-o.

NDANIEL 1:17

Nde, Mbal Pem Nagawan-nen ap sujwe empat ereya na wok ondosolar-e, inndi nggat nggat elem min enaru yugwi elem min irit wok endamu, yi mende ndi mende elem pidsa kwara enaru yiga-o. Nde, erep Ndaniel wok tosolar-e, nabi bem nggal yik kagwi elem min nabi kaidnak iri ebe-ge iri nggal-o luk para yurak elem min irit wok tij-o.

NDANIEL 2:22

At nak-nen wene kura mondok arem-et nde, pugara nam tak posolat, kubu nggwe-nen kwaridnak na ar-e aru-nen yusu-o. At iri-ge yaya iri na abinal-nen muruk tak worasu-o.

NDANIEL 4:26

Nde, aid nap-nen yegolar-e: ’E undugul iri nak keya ber-o’ luk yiga iri-ge nap kat-nen para yosolar-e: ’Yi wi ndi wi oboksa Mbal Pem Nagawan inggem-et worasu-o’ luk para yosola, tuguruk kar-e nagawan yugun-o.

NDANIEL 4:9

Mbelsasat wa-e. Yi mende ndi mende enaru nap enanggul pem kek tak kar-e an-e naru-o. Kar-e marak mbal pem nagawan ereba na indi-nen yebet tak kibidnak-nen yusu-o. Iri bem-e kat kambigir-e kura wene misik kura wolmomtag-e meya-o. Iri ala-ge, an-nen nabi kagi yu kuluruk, nabi ebe-ge iri nggal-o luk nam para yak niri-o.

NDANIEL 7:7

Nde, an-e yik karok worasoma-ge, empat pem tak posolat lok lok noso imbirik misik nam yij-o. Iri-ge mondok kwiye worak-nen amawi worak yik karug-e, enaboro min wat yoso irit nam yij-o. Nde, eyag-e nggok-nen mbesi amawi worak iri na bem-e at-nen wosa naso mende ereba na-ge leraben wanosolat ndamera lak tak pij-o. Iri yosolar-e, eyak ngen ereba na-ge ijok-nen lul lul wirij-o. Nde, iri-ge nanduk luwagid ereya na nggal-e lag-o. Iri-ge arig-et anggul ambo-ge sepulu worag-o.

AMOS 3:7

Nagawan Indo Mondok Kek tak iri na-nen-e at-nen kwarurak piridnak iri na-ge at ndegel ubugwi ene lomboksa yugwi nap ereba kirimbi yak indigit lak-nen-e mondok kwaroso bug-o.

WONARIDNAK WENE 12:6

Nagawan Indo-nen yak ondosolar-e: An yak kindimin yu kwara koler-o! Kit kennggendumu nde an nene lomboksa yugwi nap nde woragola-ge, an-e nabi bem nggal at imbiri bem nam yaga mirik nobosolat, nabi nggal pem imin wene yosolat kwaroso-o.