NDANIEL 2:12 - Nanduk Ngget Tul Pidnak Wene

¹² Wene iri na yogola kulurug-e, nagawan iri na-ge isilepma kwarat luk, ”Ap inndi tenggerak mondok enaru nap Mbabel woragwi nap ereba na-ge mondok oboksa undurag-o” luk wene wirik pij-o.

NDANIEL 2:12 ပူးပေါင်းရင်းမြစ်များ

AYUP 5:2

Ap wid nak-nen perak inndi abi kalok yogolat iri-nen ndowaga wat yugwi-o.

NGGOMO WENE 20:2

Nagawan isilepma-ge singa urum ene ngolo nggal yusu-o. Nde, ap-nen nde nagawan iri na isilepma rak pogolat nde ala-ge, it enambikpebe lak tak unpurak enare bili-o.

NDANIEL 2:24

Iri lug-e, Ndaniel iri na nagawan-nen Mbabel iri me woragwi inndi tenggerak enaru nap undurak lenak pid nap Ariok iri na eram mberarik-nen yak tosolar-e: ”Ap inndi tenggerak enaru nap ereba-ge undurak pug-o. Nagawan iri-nen nabi kagaij-e iri nggal-o luk an-nen para nagawan yak teyek-nen nagawan eram nibil mbiri-o” luk yak tij-o.

NDANIEL 2:5

Yak togolikma-ge, nagawan iri na-nen yosolar-e: ”Kit nak-net nabi kagi iri yak nutluk, nabi ebe na iri nggal-o luk yak nururak nak wat tak pigirik worasu-o. Kit-nen nde iri nggal yurak meya ala-ge, kir-e mbarep parep mbo konposolat, kunuwi min mondok mijara keya kinpimin-o.

NDANIEL 3:13

Yak togolikma, nagawan iri na-nen wene iri na kulurug-e, mondok isilepma kwarat yosolar-e: ”Ap kenan ereya-ge an neram wok unpuruk lobok yurag-o” luk wene wirik pij-o.

NDANIEL 3:19

Iri yogola karug-e, Nagawan Nebukatnesat iri na-ge isilepma-ge mondok kwiye worak Sanderak min Mesak min Abetnego min enpem posolar-e, erare-ge mep nak worok luk keya bij-o. Iri luk, at-nen wene wirik posolar-e: ”Kan-e mabugwi ereba na nggal-e keya buruk, mondok terak mena tuju bem-et embem tak pogolat maburag-o” luk yij-o.

NDANIEL 5:19

Iri rak ebamu-ge ap enlem oboksa min ap enne lombok oboksa min at aye-nen lele yogolat woraiga-o. Nde, at-nen nde ap misik nde wururak perasolar-e, ap iri na-ge mondog-et woroso-o. Nde, at-nen ap misik imiri yurak perasolar-e, mondok imiri yoso-o. Nde, at-nen ap kek tak onposolat na, teberak onposolat na, at indi-n pidnak pem nak kwaroso-o.

MATIUS 2:16

Erores-nen lombot pidnggal-e, wonaru mbenarugwi nap-nen at amberam laidnak alama-ge, at isilepma kwarat luk-nen yosolar-e: ”Li marik Mbetleyem woragwi min inggi inggi woragwi min ndesa mburuk dua tahun ala na, dua tahun urugwe nggwe woraidnak ala na, oboksa undurag-o” luk wene wosa wirik pij-o. Iri yid iri-ge wonaru mbenarugwi nap-nen at yak tidnak ndak ndak ndet yidnak ala-nen iri yij-o.

MATIUS 5:22

Alat nde, an-nen yak kondosolar-e: Ta-nen nde at anggam imin isilepma yuwa nap iri na ebem-e wene mbarurag-o. Nde, ta-nen nde mondok meya wene at anggam yak tuwa nap iri na ebem-e wene mbarugwi nap yok nggok na-nen ebem wene mbarurag-o. Nde, ta-nen nde at anggam yak tosolar-e: ’Wid num kum tak yu-ge wa-e’ luk yak tuwa nap iri na-ge kan mare wulok tenak woraso sa iri na me pil ngguwa-o.