NDANIEL 12:7 - Nanduk Ngget Tul Pidnak Wene

⁷ Iri yak tosola-ge, aid nap iri na-ge inggi-ge mberensa mbal nggwe ligik puruk-nen yosolar-e: ”Kwat yoso mende kwiye worak ereba-ge olengen tiga setenga ereya bem-e kwat yosolat irit wolma-o” luk, Mbal Pem Nagawan pem irit woraso iri na owak mbarosola kuligi-o. Iri yosolat-nen yosolar-e: ”Mbal Pem Nagawan ilirak anggun panggun tak inpili iri keya bogola-ge, kwat yoso mende kwiye worak mende kwat yusu ereba min-et lak ma-o” luk yij-o.

NDANIEL 12:7 ပူးပေါင်းရင်းမြစ်များ

NDANIEL 10:5

Woralat-nen nerengen lik kaginggal-e ap misig-e usum-e linen-nen konidnak sum yirik, nde, ubugulwak kere-ge emas kopkap lak pem-nen konidnak irit logoksa yirik kagi-o.

NDANIEL 12:6

Nde, at misik iri na-nen aid nap yi ulusu nggwe mendak iri na kin wok obosolar-e: ”Kwiye worak mende kwat yusu yeba-ge mepme tarem nggal-nen lak ma-o?” luk kin wok obosola kagi-o.

NDANIEL 12:8

At-nen yid wene-ge ndemeret kuligi-t nde, ebe-ge iri nggal yosolat-nen yusu-o luk, yenggerak pigit lag-o. Iri ala, an-nen kin wanosolar-e: ”Nab-o. Ereba oboksa-ge lag-et ma, lak?” luk kin wanigi-o.

NDANIEL 4:31

At-nen wene iri na-ge awo nggaruk tak pigit lak ma, mbal pem-nen ene misik kulij-o. Ene iri na-nen yosolar-e: ”Nagawan Nebukatnesat wa-e. Wene yu kwara kuli-o! Nagawan kat-nen tenagidnak wi-ge kat kinggem-nen wanusu-o.

NDANIEL 4:34

Nde, nagawan an-nen yosolar-e: ”Olengen tuju iri na worarug-e, an nerengen-e mbal lik kasola-ge, ap nindi kwat yij-o. Iri yosola-ge, Mbal Pem Nagawan Mondok Kek tak iri na kek tak obosolat, at pem-et woralik nalik woraso iri na erembel wanosolat kek tak pigi-o. Iri yosolar-e: Mbal Pem Nagawan-e pem irit nagawan wolma-o. At-nen tenagidnak wi-ge pem irit wolma-o.

NDANIEL 7:21

Nde, an-nen anggul ambo marik iri na yik kaginggal-e Mbal Pem Nagawan ilirak inmin wim mbarosolar-e, urugwe nggwe rak onposola kagi-o.

NDANIEL 7:25

Nde, at iri-nen-e Mbal Pem Nagawan Mondok Kek tak iri na obok mbarosolat, Mbal Pem Nagawan ilirak anggun panggun tak unpuwa-o. At-nen-e imiri mbarak pidnak wene ereba na nden yaga nin tak posolat, Mbal Pem Nagawan ilirak-nen Nagawan Indo erembel wanogolat nggok sakwi tarem sakwi ereba na nden kudtak yebet kasolat ma-o. Iri kwarosolat, Mbal Pem Nagawan ilirak yemndak unpuruk woralar-e, olengen kenan tak puruk, misig-e ngaksa waneya enam irit wolma-o.

NDANIEL 8:14

Yosoloma, kuliginggal-e, aid nap misik iri na-nen wene onggo yosolar-e: ”Iri-ge, 1.150 pem ereya woragolar-e, Mbal Pem Nagawan amanggim keyama wosa pugwi min kuplila wosa pugwi min-e pigit lak wolma-o. Nde, iri woraruk ombol nggwe-nen perak Nagawan Indo erembel wanugwi o iri na-ge tuguruk ngget tak puwa-o” luk yij-o.

NDANIEL 8:24

At iri-ge mondok amawi kwarat ma-o. Alat nde, at ondomok amawi-ge lag-o. At-nen-e lak tak onposo mende kwiye worak irit pil lobok yosolat, at-nen kwaruwa mende-ge oboksa ombol nggwe nak ma-o. At-nen-e enmawi worak nap min Mbal Pem Nagawan ilirak min-e mondok lak tak unpuwa-o.

LUKAS 21:14

Iri bem-e, awo kwat kinpigit ma-nen ’An nondomok nimiri yosolar-e, no nde yimin-o?” luk kinndi kabak yugup naru mondok kinndi uwi ya-t wolmer-o.

LUKAS 21:24

Ap ereb-e yalawi bem ondogolat, ereb-e kamasa wok unpuruk yi wi ndi wi mborogolat ma-o. Mbal Pem Nagawan-nen kuri pidnak tarem ndak yigit lak worasola-ge, Mbal Pem Nagawan enaru buk nap-nen-e Yerusalem na-ge unuwok liri rak pogolat wolma-o” luk yij-o.

TUGURUK YIDNAK WENE 26:19

Nagawan Indo-nen-e at-nen ndak wat inpid nap oboksa ennggendumu-nen kir-e mondok kek tak kunpuwama, kentembel wanogolat, kit nak kunnu kek tak pogolat yuwa-o. Kir-e at-nen urul yak kindid iri na ndak ndag-et at ilirak kwat yugub-o” luk yak indij-o.

TUGURUK YIDNAK WENE 32:36

Nagawan Indo-nen-e at ilirak nde yik eneyasolar-e, ndeyak yogola, enmawi lak ala karug-e, at ndegel ubugwi nap enabuwa kasolar-e, at ilirag-e inmiri yuwa-o.

TUGURUK YIDNAK WENE 32:40

Mbal Pem Nagawan an-e nuruk nak woraso nondomok nunu bem ninggi ligik puruk, owak mbarosolar-e:

TUGURUK YIDNAK WENE 7:6

Kit-nen ereba oboksa kwarugup iri-ge nggweyak ma yu me worali oboksa ennggendumu-nen Nagawan Indo Kenmbal Pem Nagawan-nen lesa wok kunpuruk at elem nap tak kinpidnak, at ilirak tak kinpidnak ala-n kwarugub-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

NAM PARA WENE 12:14

Alat nde, kwe na-ge at ondoro karu me iri me pubu mburuwaklug-e, towe ud nggulok isiyamu mberen irit wok tij-o. Wok tamu, karu me waro na aye-nen iri me mberarik worasolar-e, Mbal Pem Nagawan-nen ndegel obosolat olengen kenan setenga (3 ½ tahun) irit woragaij-o.

NAM PARA WENE 12:6

Nde, kwe iri na-ge Mbal Pem Nagawan-nen ondoro amanggim konidnak sa karu me ap lak ma mberarik worala iri me ndegel obosolat woralar-e, seribu dua ratus enam pulu (1,260) tarem irit woragaij-o.

NAM PARA WENE 13:5

Ndakngge isilepma worak iri emendam nggwe-nen-e at ambik kek yosolat, Mbal Pem Nagawan ebem imbiri lamut wene yuwakluk keya bosolat, at-nen o tena worasolat waneya empat pulu dua (42) nak wolmakluk Mbal Pem Nagawan-nen keya nak ibij-o.

NAM PARA WENE 4:10

it enne kulugwi nap dua pulu empat (24) iri-nen-e nagawan koreyak woraso ondoro ebem koreyak worasu na eralu tud luk, urug-et pem woralik nalik wolma nap na erembel wanugwi-o. Iri luk, ontopi nagawan-nen pugwi pago ereba na-ge at koreyak woraso ondoro urugwe nggwe yonggora mbo bogolat-nen yogolar-e:

NAM PARA WENE 4:9

Nde, it untugup worak mende empat ereya-nen-e at nagawan koreyak woraso ondoro ebem koreyak worasu nap, urug-et pem woralik nalik wolma nap na-ge ndawi bem erembel wanogolat, kek tak pogolat, wa yak togolat yogola-ge,