NDANIEL 12:6 - Nanduk Ngget Tul Pidnak Wene

⁶ Nde, at misik iri na-nen aid nap yi ulusu nggwe mendak iri na kin wok obosolar-e: ”Kwiye worak mende kwat yusu yeba-ge mepme tarem nggal-nen lak ma-o?” luk kin wok obosola kagi-o.

NDANIEL 12:6 ပူးပေါင်းရင်းမြစ်များ

NDANIEL 12:5

Nde, iri luk imbirik yik kaginggal-e, ap mberen-e ap misig-e yi eyak ele bem mendak, nde, misig-e eyak yu bem mendak irit eneyagi-o.

NDANIEL 12:8

At-nen yid wene-ge ndemeret kuligi-t nde, ebe-ge iri nggal yosolat-nen yusu-o luk, yenggerak pigit lag-o. Iri ala, an-nen kin wanosolar-e: ”Nab-o. Ereba oboksa-ge lag-et ma, lak?” luk kin wanigi-o.

NDANIEL 8:13

Iri luk, an-nen kuliginggal, aid nap misik-nen aid nap misik yak tosolar-e: ”Nabi nggal pem kasu ereba kwat tenak worasolar-e, nunggwirik tarem nggal wolma-o? Nde, o nda yidnak irit wosa Mbal Pem Nagawan amanggim wosa kan pugwi iri na meya nggok kwarogolar-e, nunggwirik tarem nggal wolma-o? Nde, san ombo aid arem woragwi min Nagawan Indo erembel wanugwi o iri min-e nunggwirik tarem nggal lul lul wat tenak wolma-o?” luk yij-o.

NDANIEL 8:16

An-nen kuliginggal-e Yi Ulai iri na eyak ele bem-nen ene nggoksa yosolar-e: ”Nggabiriel wa-e. At iri-nen nabi bem nggal kagaid iri-ge ebe-ge iri nggal-o luk kerengga yak ti-o” luk yij-o.

MATIUS 24:3

Yesus na-ge Saitun ndobo bem koreyak worasoma-ge, at owosirak ereba na enarikmu-nen wene yuwokluk, at eram lobok luk-nen at kin wok obogolar-e: ”Kat yigen iri na-ge mepme tarem-nen kwat ma-o? Nde, no mende karuk-nen kat lobok yurak min i worok yurak tarem min-e panggo yusu-o luk yenggerak pul-o? Yak nindi-o” luk yiga-o.

MARAKUS 13:4

”Kat yigen na-ge mepme tarem-nen kwaruwa-o? E! Yawo kwat momtak tarem-e panggu yusu-o luk yenggerak purak mende-ge no bem-nen yenggerak purag-o? Yak nindi-o” luk yiga-o.

EPESUS 3:10

Kura woragaid iri-ge, yawo-nen-e lambuk tak inpidnak nap-nen-e Mbal Pem Nagawan indi nggat nggat elem nin tak nan tak iri-ge aid arem pemerinta min aid arem tena woragwi min mirik unpuwakluk yij-o.

1 PETERUS 1:12

Nde, Mbal Pem Nagawan-nen at ene lomboksa yugwi nap yak indid iri-ge, it ondomok enmanggim yak indigit lag-o, Are, kit kenmanggim-et yak indij-o. Kit yawo kwara kulili Aid Wene iri-ge aid wene yugwi nap-nen-e aid arem-nen mbuwaidnak Konak Indi na amawi bem-nen mul kindiga-o Nde, wene iri-ge aid nap-nen na enaru momtag-e ukwe worag-et worali-o.

NAM PARA WENE 15:6

Iri luk, Mbal Pem Nagawan ama-nen-e aid nap tuju iri-ge andi bandi mende tuju min waiga-o. Nde, it unsum-e konak abinal yerek nggorek tak iri yirik, nde, inmigwag-e emas-nen konidnak kere logoksa yirik irit waiga-o.

NAM PARA WENE 19:14

Aid arem woragwi san winde-ge at imin unsum-e sum loro konak kopkap lak yutluk, kuda wam loro ereba na ombolwak pem yere kore at imin mbiriga-o.

NAM PARA WENE 6:10

It iri-nen enne ngguloksa yogolar-e: ”Kamawi Mondok Kwarat worak, lenak irit woraso, lud tak nak kwaroso Nagawan Indo wa-e! Nunggurik woraruk-nen nggweyak ma woragwi nap enpem wene mbatluk, nit nindiga onggo pugun-o?” luk yiga-o.