NDANIEL 12:2 - Nanduk Ngget Tul Pidnak Wene

² Nde, wat yidnak nap ennggendumu-nen ap kwarar-e tuguruk unluk ma-o. Nde, it ereb-e pem-et unluk woralik nalik irit wolma-o. Nde, ereb-e teberak enlengenma nggal tak irit onpogolat, kwiye-nen enaboro lera mboso mende arem irit pem-et woralik nalik irit wolma-o.

NDANIEL 12:2 ပူးပေါင်းရင်းမြစ်များ

YESAYA 66:24

”Nde, it mburukmu-ge, ap an nimin eyak wat tenak woragwi-ge worak iniyujwa-o. Ubugwe it nok unpuwa ereba na-ge mondok war-e ma bug-o. It kan unpuwa kandug-e mondok nigi yuwa bug-o. Ap oboksa-nen iri yik kagolar-e, mondok kwiye-nen unmunggum linggi yogolat wolma-o” luk yij-o.

YEREMIA 20:11

Iri yili-t nde, Nagawan Indo wa-e. Kar-e an nambigit nggwe yusu-o. Kar-e kwiye lak, kamawi worak-nen yusu-o. Nde, it an muk neyagolat, yemndak nobogolat kwatli nab-e urugwe nggwe rak onposola, enmawi yuwa bug-o. It-nen ”Iri kwarul-o” luk yimnik pidnak ereba na-ge ebe lak yosolat, it-nde pem irit innggiri kagolat wolma-o. It-nen innggiri kujwa mende iri na-ge meme rak pigit lak irit wolma-o.

YESKIEL 37:12

Iri bem-e, an-nen nilirak Isarael nap kwat unpurak wene yak indi-o. Yak ondosolar-e: ’Nagawan Indo Mondok Kek tak an-nen-e kir-e yapma kinpidnak sa-nen tu kuwara lesa kinpil waruk, tuguruk wok kunpuruk Isarael nggweyak pem kinpil lobok yimin-o.

OSEA 13:14

It enlem yu-ge wat yugwi elem ininggiyapma-nen inmiri yimin pug-o. Wat yugwi elem wa-e. Kat-nen idnak wat momtak kugwi-ge wigari-o! Kat keyabu yigisa lak tak poso iri na mondok wanosolat wolmin-o! An-e it enlem yu-ge tuguruk enabuwa yimin pug-o.

MATIUS 25:46

Iri ala-ge, it iri na-ge pempa andi bandi kagolat woragwi sa inpil ngguwa-o. Nde, lud tak nak kwarugwi nap na-ge pempa unlug-et woragwi sa iri me ngguwa-o” luk yij-o.

YIDNAK YIDNAK WENE 24:15

Lud tak nak yugwi nap-nen na, meya kwarugwi nap-nen na wat yidnak nap ennggendumu-nen unluk ma-o luk, it-nen yili iri nggal-et an-nen na iri nggal-et kwat ma-o luk nindi mbung mbung tak worasu-o.

YIDNAK YIDNAK WENE 7:60

Yurug-e, ar-e endaru yunggusa kore yosolat-nen at ene ngguloksa-t yosolar-e: ”Nagawan Indo wa-e. It meya yidnag-e it enpem keya burak pug-o” yurug-e, wat yig-o. 8:1a Nde, Saulus-nen perasolar-e: ”Sepanus iri-ge ob-et witli-o” luk peragaij-o.

OROMA 9:21

Nggweyak yimbe konoso nap-nen-e ndangen nggweyak iri-ge at indi-n puruk nak-nen konoso-o. Nggweyak lubarak misik-nen-e yimbe mberen konosolar-e, misig-e yimbe konak irit konosolat, nde, misig-e we meya nggal konoso nar-o.

1 TESALONIKA 4:14

Yesus na wat luk, tuguruk uruk yij-o luk iri bem-e nit ninndi angin tubu yili-o. Iri bem-e, Mbal Pem Nagawan-nen-e Yesus ebem inndi angin tubu luk wat yidnak nab-e at imin totno wolmakluk unluk tak puwa-o luk, ninndi angin tubu yili-o.

NAM PARA WENE 20:12

Nde, an yik kaginggal-e, wat yidnak nap nggulok min marik min nagawan-nen koreyak woraso ondoro iri urugwe nggwe mendak woragola eneyagi-o. Engga kwarat ereba na punggutlug-e, engga misik, unluk nak wolmomtak engga iri na pinggirij-o. Ponggorosola-ge, at wat yidnak nap ereba na-nen it woragolat-nen kwarogolat woraidnak engga kwarat ereba na arem mbarak worasu ereba na ndak ndag-et enpem wene mbarij-o.