NDANIEL 12:13 - Nanduk Ngget Tul Pidnak Wene

¹³ Ndaniel wa-e. Kar-e mondok tugup lak irit worasoma, woroksiyem wok mag-o. Kar-e wat yugun-et nde, woroksiyem-e onggo wanurak pem men-et yugun-o” luk yak nirij-o.

NDANIEL 12:13 ပူးပေါင်းရင်းမြစ်များ

NDAWI ENGGA 1:5

Nde, meya yugwi nab-e enpem wene mbaroso Mbal Pem Nagawan-nen enpem wene mbarosolat, at ilirak ennggendumu-nen lenak unpuwa-o.

NDAWI ENGGA 16:5

Nagawan Indo wa-e. An narengge-ge kat nag-o. An-nen wolmomtak iri-ge kat kinggem nak worasu-o.

NDAWI ENGGA 16:9

Iri bem-e, nindi alen kasolat, nalen-nen nene nggok yosolat, nebe na yamuksa kona worasu-o.

MBIRIGA WENE 33:14

Yosoloma, Nagawan Indo-nen yosolar-e: ”An-nen urul yak kindigi nggweyak iri na wunde yobokluk an-nen kinmin-et mbirimin-o” luk yij-o.

NDANIEL 12:3

Nde, enne kulugwi indi nggat nggat worak nap ereba na-ge eneyaya-ge o yaya nggal irit wolma-o. Nde, ap kwarat-nen ndemeret mot mot nak kwarogolat wolmakluk ap kwarat mul ondogolat woraidnak nap ereba na-ge wonaru abinal nggal enabinal-e pem irit kere kere rak wolma-o” luk yij-o.

NDANIEL 12:4

Iri yosoluk, aid nap iri na-net tuguruk yak norosolar-e: ”Ndaniel wa-e. Yawo-ge engga iri-ge lombok tak pi-o. Iri rak purug-e, lombok tak irit worasoma, i worok tak purak tarem wok makluk, lop nok tak pugwi mende lop nok tak pi-o. Nde, ap kwarat-nen: ’Kwat yusu mende ereba na-ge iri nggal kwat yusu-o’ luk, lombot pugwi wal kagolat wolma-t nde, it-nen iri kwaruwa ereba na-ge ebe-ge kwat ma bug-o” luk yak nirij-o.

MATIUS 19:28

Yosoloma-ge, Yesus-nen it yak ondosolar-e: ”An yak kendeyeg: O ngget ndak worak puwa iri me-nen-e Ap Ambara na-ge at-nen idnak nagawan ebem koreyak woraso sa abinal worak na bem kore yuwarig-e, an nimin nili nap kir-e nagawan-nen kore yugwi ondoro duabelas na ebem kore luk, Isarael nap enlem duabelas iri na enpem wene mbarugub-o.

LUKAS 21:36

Nde, abok kenpem mbuma mende inggem-nen mengga mbururak amawi wok kondosolat, Ap Ambara an nimbiri bem mendak wolmomtak nap tak konposolat makluk, kir-e kunluk woragolat, tepan kundugu kundugu yogolat wolmer-o” luk yij-o.

2 KORINTUS 5:1

Wene yu-ge nenaru-o. Nit nggweyak ma yu me luru woragwi nunuwi na mijarak pogola-ge, Mbal Pem Nagawan-nen nit nenmanggim wiridnak uwi mbi aid arem worasu-o. Nde, o iri-ge ininggi-nen wiridnak wi-ge lag-o. Are, woralik nalik wolmomtak wi irit worasu-o.

2 TESALONIKA 1:7

Iri kwarosolar-e, kit yawo andi bandi kali nap na, nit na, nenmanggim-e Nagawan Indo Yesus na-ge at-nen idnak aid nap amawi worak inmin luk aid arem-nen nam ma tarem-e Mbal Pem Nagawan-nen-e yamuksa woragwi elem wok nunduwa-o.

NAM PARA WENE 14:13

Iri luk, an kuliginggal-e, aid arem-nen ene misik-nen yosolar-e: ”Wene yu engga bem mbari-o. Yawo kuri-net Nagawan Indo eyabu wanukmu wat yuwa nab-e enalen kujwag-o!” luk yij-o. Nde, Konak Indi-nen yosolar-e: ”Ndemerer-o. It-nen yabu wanidnak ebe-ge pempa it inmin wolma me, it eneyabu anggun panggun wanugwi na keya buruk, enpabok kwaruwa-o” luk yij-o.