NDANIEL 12:1 - Nanduk Ngget Tul Pidnak Wene

¹ Nde, aid nap sum linen sum yirik iri na-nen tuguruk yosolar-e: ”Iri tarem abog-e aid nap kek tak kit kenlem Isarael nap nggetlel kunpuruk woraso Mikael iri na wok ma-o. Iri luk imbirig-e anggun panggun wolmomtak tarem irit wok ma iri-ge ap nanduk woraiga ereba woragolat-nen enpem mboso nggal-e lag-o. Are, terak mena anggun panggun wolmomtak tarem irit wok ma-o. Alat nde, kit kenlem nap unnu Mbal Pem Nagawan engga bem mbarak worasu nab-e inmiri-t yuwa-o.

NDANIEL 12:1 ပူးပေါင်းရင်းမြစ်များ

NDAWI ENGGA 69:28

Unluk woragwi nap unnu mbarak engga bem-nen it unnu-ge korak purag-o. Mot mot kwarugwi nap unnu mbarak engga enggendumu-ge it unnu lak wolmag-o.

YESAYA 9:7

At-nen-e Ndaut-nen wigarak, at ondolma nagawan o tena wolma-o. Nde, at-nen tenaguwa wi-ge mondok terak mena irit tenaguwa-o. At-nen tenaguwa wi-ge konak yamuk tak irit wolma-o. At-nen tenagidnak wi-ge yawo-nen kuri pem irit woralar-e, ndemeret mot mot nak irit wolma-o. Nagawan Indo Mondok Amawi Worak iri-nen-e ndemeret mondok kwaruwar-o. 9:8–10:34 Pasal yeba arem-e Mbal Pem Nagawan-nen abare abam (utara) nggwe woragwi Isarael nap enpem angin worak pidnak wene iri na-ge abare ena (selatan) nggwe woragwi Yewura nap ereba na mirik unpuwakluk yak tidnak wene mbarak worasu-o. Alat nde, Mbal Pem Nagawan-nen at ilirak meya nak kwarugwi ereba na lel mberel unpuwakluk enlem Asiut nap ininggem pij-et nde, it Asiut iri na mondok lak tak unpurak wene na mbarak worasu-o.

YESKIEL 34:24

Iri rak pumu worala-ge, Nagawan Indo an-e it Enmbal Pem Nagawan kwat yosola, an ndegel noboso nap Ndaut nggal iri na-ge it enanggul pem kek tak amawi worak it tena unpuruk wolma-o. Nagawan Indo an-nen yigi-o.

NDANIEL 10:13

Perisia nagawan-nen tenagidnak wi iri na nggetlel unpuruk woraso aid nap iri na-nen an nimin wim mbarosolar-e, 21 hari irit nimin wim mbarosolat irit woragij-o. Iri kwarosoma, aid nap ereba na enanggul pem kek tak woraso Mikael iri na-nen-e an-e yongga nirij-o. Nde, at iri na-ge Perisia iri me keya ibigi-o.

NDANIEL 7:10

Nde, at koreyak woraso ondoro iri me-nen-e kanduk misik yi nggal urusu kundugu mborosola kagi-o. Nde, ap kwarat (ribuan)-nen-e at ndegel obogola eneyagi-o. Ap mondok kwarat (jutaan)-nen-e at eram mendak woragola eneyagi-o. Woragolar-e, ap enpem wene mbarugwi tel korogolar-e, engga ereba na-ge pinggiril lobok yiga-o.

NDANIEL 9:12

Kat-nen-e nit-nen idnak nagawan min nit min ’Kwat kinpimin-o’ luk urul yak nindigen ereba na ndak ndag-et kwat ninpigen-o. Iri kwat nonposolar-e, nggweyakma yu me-nen mbi o siri misik mbi yu nggal-e kwat inpigit lag-et nde, Yerusalem nenpem-e mondok angin worak irit mberak pigen-o.

YOEL 2:2

Iri tarem-e mondok muruk tak, ndamuk mom ki irit ma-o. Nde, sil-e mondok kwarat ndobo bem nggan nggan langgurak ereba nggal-et lobok yuwa-o. Nde, sil ereba nggal-e nanduk woragolar-e, iri nggal-e mondok kagwi bug-o. Iri-nen abok na iri nggal-e mondok kwat ma bug-o.

MALEAKI 3:16

Nde, Nagawan Indo indi aye worak woragwi nap ereba na-nen yak kerak mbogola-ge, Nagawan Indo-nen-e it-nen yili wene-ge kwara kolosolat, yebet kasolat woragij-o. Nde, at kek tak obogolat, at aye worak woragolat kwarugwi nap ereba na unnu-ge at eram at-nen unnu mbaroso engga iri na bem mbarij-o.

MATIUS 24:21

Iri tarem andi bandi mondok nggulok kujwa iri-ge ndak worak pid kuri-nen yawo kuri-ge andi bandi iri mende-ge mondok kagwi bug-o. Abok na iri nggal tuguruk kujwa bug-o.

MARAKUS 13:19

Iri tarem-e andi bandi kagwi mende mbuma iri-ge nanduk Mbal Pem Nagawan-nen nggweyak yu ndak wiridnak kuri-net yawo kuri-ge andi bandi iri nggal-e kagwi-ge bug-o. Nde, woragolat nagolat na andi bandi iri nggal-e wok ma bug-o.

LUKAS 10:20

Irit nde, kugi-nen kit-nen yidnak yidnak kwaruwa iri bem nak kenalen kudtak pug-o. Are, ’Nit nunnu aid arem mbarak worasu-o’ luk-nen kenalen kagolat wolmer-o” luk yak indij-o.

OROMA 11:15

Nde, it Isarael nap na Mbal Pem Nagawan-nen amberam tak inpid pem-e nggweyak ma nap oboksa-ge Mbal Pem Nagawan imin kundik inpij-o. Iri ala-ge, Mbal Pem Nagawan-nen Isarael nap wok onposola-ge, ngge nde ma-o? Lag-o. Iri-ge wat yidnak nap unluk yidnak nggal-nen yusu-o.

OROMA 11:26

Iri lug-e, Isarael nap oboksa inmiri yuwa iri-ge Mbal Pem Nagawan engga mbarak pem-nen yosolar-e: ”Inmiri Yoso Nab-e o Sion-nen lobok yuwa-o. Lobok yosolar-e, Yakup-nen wigarak-nen meya yidnak pidsa-ge lak tak puwa-o.

EPESUS 1:21

Kerisut na iri me kek tak ibidnak worasu-ge, pemerinta nagawan min amawi worak nagawan min enmawi yugwi nagawan min nagawan-nen tenagaidnak wi min unnu worak nagawan nagawan min yawo worali na irit, abok wolma nap na irit, it oboksa-ge teberak woragola, terak minik ombol pem kek tak woraso-ge Kerisut irir-o.

PILIPI 4:3

Nde, an tot-no yabu wanosolat, mot mot nak yabu wanoso nanggam Sunsugos wa-e. Kwami mberen iri min Kelemens min an totno yabu wanugwi nap erep na min-e an nimin totno aid wene wigarogolar-e, enmawi kundidnak me, kwami mberen iri-ge kat-nen yongga indi-o luk kemengen mbarusu-o. It iri unnu-ge unlug-et wolmomtak engga bem mbarak worasu-o.

YURAS 1:9

Iri kwatli iri-ge, aid nap nagawan Mikael na-nen iri nggal kwarigit lag-o. Mikael na-ge Musa orogak wene lit lit Sere imin ngguno pogolar-e, Mikael-nen Sere na mbilaro ngin wene yak turag-e kwiye ala, yu nggal yak tij-o: ”Nagawan Indo-nen met kubuwa-o” luk yij-o.

NAM PARA WENE 12:7

Iri luk, aid arem-nen wim ngariga-o. Mikael min at-nen idnak aid nap erep inmin-nen-e aywa nggal nggok na min at-nen idnak aid nap min inmin wim pogolat woraiga-t nde,

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.

NAM PARA WENE 17:14

It iri-nen-e Lomba Wam Marik iri na min wim puwa-o. Alat nde, Lomba Wam Marik min at-nen wene mbo unpuruk, len enpaga at imin nugwi nap at-nen yidnak yidnak kwarugwi nap inmin-nen-e nagawan nagawan ereba na-ge urugwe nggwe rak unpuwa-o. Nde, iri yuwa iri-ge Lomba Wam Marik iri-ge ap yok nggok onmbol pem Nagawan Indo, nggweyak ma nagawan oboksa onmbol pem Nagawan me, urugwe nggwe rak unpuwa-o” luk yij-o.

NAM PARA WENE 20:12

Nde, an yik kaginggal-e, wat yidnak nap nggulok min marik min nagawan-nen koreyak woraso ondoro iri urugwe nggwe mendak woragola eneyagi-o. Engga kwarat ereba na punggutlug-e, engga misik, unluk nak wolmomtak engga iri na pinggirij-o. Ponggorosola-ge, at wat yidnak nap ereba na-nen it woragolat-nen kwarogolat woraidnak engga kwarat ereba na arem mbarak worasu ereba na ndak ndag-et enpem wene mbarij-o.

NAM PARA WENE 20:15

Nde, unluk nak wolmomtak engga arem unnu mbarigit lak nab-e kan mare arem mbo inpil nggwij-o.

NAM PARA WENE 3:5

Amawi luk ombol nggwe yuwa nap iri-ge iri nggal kwasa sum loro yirik wolma-o. Nde, unlug-et wolmomtak engga bem-nen it unnu kurik pimin pug-o. An Neid min at-nen idnak aid nap min inmbiri bem ’It iri-ge an narengge-net yili-o’ luk nam-et para yimin-o.

NAM PARA WENE 7:14

Yosoloma-ge, an-nen wene iri erep nggarosolar-e: ”Nap wa-e. An naru bug-o. Kat perak nde karu-o” luk yosolakmu, at-nen yak norosolar-e: ”Ap yeba-ge andi bandi mende nggulok it enpem mbidnag-et nde, ob-et woraidnak nab-o. It unsum marogolar-e, Lomba Wam Marik eyabi bem-net unsum-e masa loro rak pidnag-o.