NDANIEL 10:2 - Nanduk Ngget Tul Pidnak Wene

² Ereya tarem-e an-e minggu kenan yip pem nak woragi-o.

NDANIEL 10:2 ပူးပေါင်းရင်းမြစ်များ

NEMIA 1:4

Yak norogoloma kulurug-e, an-e kore yosolar-e, yip tigi-o. Nde, ereya na tarem woralar-e, mondok nindi puru rak nak irit woragi-o. Woralar-e, nunggwi mende mondok ninggit lak, Mbal Pem Nagawan eram nak tepan yosolat woragi-o.

NDAWI ENGGA 42:9

An-nen an nambigit yoso Nembal Pem Nagawan yak kurusu-o: ”Kar-e noluk an meme rak nubusu-o? Noluk-nen an nuwim nap-nen anggun panggun tak nobogola, an-e andi bandi kundugu kasolat worasu-o?”

NDAWI ENGGA 43:2

Kar-e an Nembal Pem Nagawan nggetlel nuburuk woraso-nen yusu-o. Noluk-nen kar-e keya nubusu-o? Noluk-nen nuwim nap-nen anggun panggun tak nobogola, mondok andi bandi kerenak worasu-o?

YESAYA 66:10

O siri iri na abuwa kagwi nap oboksa wa-e. Yerusalem min-et kenalin kenalen mber-o. At abuwa-nen kinndi puru rak woragwi oboksa wa-e. Yawo-ge at min-et kenalin kenalen yer-o.

YEREMIA 9:1

An nelem nap wim nap-nen indiga ereba na unpud yib-e kubu-nen lengge-nen kundugu yip tenak worayek-nen an nanggul-e yi kenanggugwi ondoro yi kobong tak nggal woralat, nde, niyip lengen-e yi ugul kundugu pempa so tenak woraso ereba na nggal-nen-e mondok konak lombog-o!

NDANIEL 10:12

Men yosolakmu, at-nen an yak norosolar-e: ”Ndaniel wa-e. Kwiye kasu-ge meyog-o. Kat-nen kindi nggat nggat worak kwat yurak pem ’nindi teberak peyeg-o’ luk yebet karuk, kindi teberak pigen iri na tarem-net kat-nen tepan yigen-e Mbal Pem Nagawan-e abu kolamu-o. Nde, an lobok yigi yu-ge kat-nen tepan yigen iri bem nibil lobok yij-o.

MATIUS 9:15

Kin wok obogolikma-ge, Yesus-nen it yak ondosolar-e: ”Kwe wanurak nap iri na anggamirak-nen-e kwe wanurak nap na it inmin worasola-ge, inndi puru pera yugwi-a? Mondok lag-o! Alat nde, kwe wanurak nap na it ennggendumu-nen wok uburak tarem wok yosola-n perak nde mburu ninggit lak, we wolma-o.

OROMA 9:2

An nowe nowosi, an nelem nap iri enabuwa-nen an nindi puru pera kwarat luk, pempa pempa nindi puru rak worasu-o.

YAKOBUS 4:9

Kir-e niri nera-o luk, kinndi puru yogolat, yip ter-o. Nda tugwi na keya buruk, yip togolat, kenalin kenalen woragwi na keya buruk, kinndi puru yogolat mer-o.

NAM PARA WENE 11:5

Nde, ap-nen nde it andi bandi rak unpuwokluk sil eneyagola-ge, it enmendam nggwe-nen kanduk yirip wirip wasolar-e, it inmin wim nap iri-ge nok unpuwa-o. Nde, it andi bandi rak unpuwokluk yuwa nab-e iri nggal kwasa wat ma-o.