NDANIEL 10:19 - Nanduk Ngget Tul Pidnak Wene

¹⁹ Iri yosola, at-nen yosolar-e: ”Mbal Pem Nagawan-nen-e kar-e kabuwa-t kasu-o. Kar-e kumud kalik, kwiye kalik yurak pug-o. Ndak kamawi kwat min-o” yak nirij-o. Iri na yak norosoma ereya na-net an-e namawi kwarat kwat yosolat, an-nen yosolar-e: ”Nab-o. Wene yi-o. Nap kat-nen namawi rak pigen-o” luk yak tigi-o.

NDANIEL 10:19 ပူးပေါင်းရင်းမြစ်များ

NDAWI ENGGA 138:3

An-nen kat keram wene pil luwasola-ge, kat-nen nene erep nggarosolat, kat-nen nindi uwi yabosola, an-e kwiye kaso bug-o.

YESAYA 35:4

Kit-nen inndi kabak yidnak nap ereba na yak ondogolar-e: ”Kir-e kinndi tugup lag-et wolmer-o. Kwiye yurak pug-o. Kenmbal Pem Nagawan-nen-e kunuwim nab-e angin worak enpem posolat, kit kinmiri yekluk-nen lobok yuwa-o” luk yak undurag-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 41:14

Nagawan Indo-nen yosolar-e: ”Isarael wa-e. Kar-e kamawi lak, enlengen kopkap nggal-et nde, kwiye yusu-ge meyog-o. Kat yongga kurusu an yu-ge Nagawan Indo-net yusu-o. Isarael nap Enmbal Pem Nagawan Mondok Marak iri-ge kat kinmiri yoso-nen yusu-o.

NDANIEL 10:18

Iri yosolakmu, at inggi tuguruk an nebem pidnggal-e an namawi-ge siyak wok yij-o.

NDANIEL 9:23

Kat-nen Mbal Pem Nagawan emengen mbaroso tel korosola, at-nen-e kene erep nggarij-o. At-nen kat kabuwa karuk, kat-nen nabi bem nggal kaigen ebe-ge iri nggal-o luk yak kereyekluk lobok yigi-o. Iri bem-e an-nen kat-nen nabi nggal pem kaigen iri na-ge iri nggal-o luk yak korosola-ge, kar-e kwara kuli-o.

YOANES 11:3

Iri ala-ge, Lasarus iridtak mberen iri-nen wene wosa Yesus eram pil mborogolar-e: ”Nagawan Indo wa-e. Nit nintid kanggam abuwa worak na-ge kugi worak worasu-o” luk yiga-o.

YOANES 11:36

Yip tosola karuk, it Yawuri nap-nen yogolar-e: ”At anggam Lasarus ebem indi kundik woraso-ge ijar-o!” luk yiga-o.

YOANES 11:5

Nde, Yesus-nen-e Marata min Maria na min Lasarus min enabuwa kasolat woragaij-o.

YOANES 14:27

Yamuksa woragwi elem-e an-nen kit kenpem keya busu-o. Nde, yamuksa woragwi elem iri wok kundusu iri-ge an-nen idnak irit wok kundusu-o. Nde, iri-ge nggweyak ma nap-nen yamuksa woragwi elem wok undugwi nggal-e lag-o. Iri bem-e, kit kinndi kabak yogolat, kwiye kagolat yurak pug-o.

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

YOANES 19:26

Worakmu-ge Yesus-nen at ija min at imin noso nap indi kundik na min iri me mendak woragola eneyaruk, at-nen at ija yak tosolar-e: ”Niya-o kat kambara-ge irir-o” luk yak tij-o.

YOANES 21:20

Yak tosoloma-ge, Peterus na nden kaga yik kagaidnggal-e, Yesus imin noso indi kundik na-ge it inmbirik lobok yosola, kagaij-o. Nde, at iri-ge it kubu nggwe nunggwi mende nonggolat-nen Yesus eralu lomboksa koreyak worasolat-nen at kin wok obosolar-e: ”Nagawan Indo wa-e. Kat kiminep wusururak nab-e ta-o?” luk kin wok ibid nap iri nar-o.

1 KORINTUS 16:13

Kenpage kwil kwalsa wolmer-o. Kinndi angin tubu yidnak pem tugup lak woragolat, kwiye lag-et woragolar-e kenarong min wolmer-o.

2 KORINTUS 12:9

Alat nde, Nagawan Indo-nen nene erep nggarosolar-e: ”Kat ndeyak yidnak pem an namawi-ge iminep mbal yusu me, an-nen idnak we wok ondoso elem-e kat kamanggim-e ndak-nen yusu-o” luk yij-o. Iri bem-e, Kerisut amawi an nebem mbumag-o luk an ndeyak yidnak pem an nindi kek tak posolar-e, an nalin nalen kasu-o.

EPESUS 6:10

Worok tak posolar-e, Nagawan Indo ebem woragolar-e, at amawi kwarat iri bem kenarong worak irit wolmer-o.

2 TIMOTIUS 2:1

Nambara wa-e. Nir-e Kerisut Yesus imin misiget yogola, we wok ondoso elem wok nundusu iri na bem kamawisa wolmin-o.

YOSUA 1:9

An-nen kat yak korosolar-e: ’Kar-e kindi uwi yaga tugup lak, kwiye lak irit wolmin-o’ yak kirigi iri na kindi yeberak wolmin-o. Nagawan Indo Kembal Pem Nagawan an-e kat mburugun sa-ge pempa kimin nosolat woramin me, kar-e kwiye yosolat, kamawi lak yurak pug-o” luk yak tij-o.

NAM PARA WENE 1:17

Nde, an-nen at yik kaginggal-e, ap wat yidnak nggal luk, at eralu mbud yigi-o. Alat nde, at-nen at inggi kigit nggwe-nen an tena nuburuk, yak norosolar-e: ”Kwiye kasu meyog-o! An-e tel koroso min woroksiyem min-nen yusu-o.

WENE MBENARUGWI NAP-NEN KWARIDNAK WENE 6:23

Alat nde Nagawan Indo-nen yosolar-e: ”Kar-e kwiye kagit lak, kondok tag-et wolmin-o. Kar-e wat yugun-e lag-o” yak tij-o.