NDANIEL 10:1 - Nanduk Ngget Tul Pidnak Wene

¹ Nde, Perisia Nagawan Kores iri na Perisia iri me nagawan men yarik, olengen kenan pem tak posoma-ge, Nagawan Indo-nen wene misig-e Ndaniel, unu misig-e Mbelsasat, iri na nam-et yak tij-o. Wene yak tid iri-ge ndemerer-et nde, wene iri-ge yebet kudtag-e mondok nggesa nggal angin worag-o. Nde, wene iri na-ge ebe-ge iri nggal-o luk, Ndaniel yak tosolar-e, nabi nggal pem-nen yak tij-o.

NDANIEL 10:1 ပူးပေါင်းရင်းမြစ်များ

NDAK WIRIDNAK WENE 41:32

Kat-nen nabi mberen pem kaigen iri-ge ebe-ge yu-o: Mbal Pem Nagawan-nen ’Irit kwat mag-o’ luk wat tak posolat, yanem-et Mbal Pem Nagawan-nen kwarak puwa-o.

ESERA 3:7

Yewura nap oboksa-nen Nagawan Indo uwi iri na wururak pem kerep konugwi nap min e ngarugwi nap min onggo wok undurak pem tol ndok wiriga-o. Iri-nen it-net nunggwi mende min yi min saitun engen amburu min ereba na-ge e libe Libanon woraso ereba na onggo onggo yurak pem nunggwi mende ereba na-ge Tirus min Siron min pil mbiriga-o. Iri yikma-ge, e ereba na-ge yi koma bem Yapo pil lobok yiga-o. Nde, ereba oboksa-ge Perisia nap Nagawan Kores iri na yak turuk, ob-o yidnak pem-net kwariga-o.

ESERA 6:14

Nde, Yawuri nap ennggendumu ap enne kulugwi nap ereba na-ge Mbal Pem Nagawan ene lomboksa yugwi nap Agat min Sakaria min-nen eneyak marogola-ge, Nagawan Indo uwi iri na-ge mondok kundugu-t worogolat woraiga-o. Iri kwarogolar-e, Isarael nap Enmbal Pem Nagawan min iri-nen Perisia nap nagawan nagawan Kores min Ndarius min Aratatasta min-nen yidnak yidnak ndak ndag-et o iri na-ge abu worak piga-o.

ESERA 6:3

”Olengen mondog-et Kores nagawan men yid iri na bem-e Nagawan Kores-nen yosolar-e: ’Nagawan Indo uwi Yerusalem iri-ge mondok tuguruk wutluk, iri me-ge Nagawan Indo amanggim pidnak mende pil mborogolat, at amanggim kan pogolat kwarurak sa mondok wururag-o. Nde, o iri-ge mot kek tak nggwe-ge 27 meter purag-o. Abak nggwe na iri nggal-et 27 meter purag-o.

YESAYA 44:28

An-nen Kores yak tosolar-e: ’Kat-nen-e an nondolma sa nagawan woralar-e, an nindi-n pidnak ndak ndak kwarosolat woragun-o. O Yerusalem iri na tuguruk worosolat, Nagawan Indo uwi iri na ugwi bosolat yonokluk kebem pigi-o’ yak tigi-o” luk yij-o.

NDANIEL 1:17

Nde, Mbal Pem Nagawan-nen ap sujwe empat ereya na wok ondosolar-e, inndi nggat nggat elem min enaru yugwi elem min irit wok endamu, yi mende ndi mende elem pidsa kwara enaru yiga-o. Nde, erep Ndaniel wok tosolar-e, nabi bem nggal yik kagwi elem min nabi kaidnak iri ebe-ge iri nggal-o luk para yurak elem min irit wok tij-o.

NDANIEL 1:21

Iri ala karuk, Ndaniel iri na-ge nagawan woraso sa iri na me-t yabu wok tenak worasoma, iri-net Perisia nap Nagawan Kores-nen Mbabilonia urugwe nggwe rak puruk at-nen Mbabilonia wi tenagij-o.

NDANIEL 1:7

Nde, nagawan woraso sa iri na me-nen ene kulugwi nap iri na-nen-e it empat ereya na unnu ki yarosolar-e: Mbelsasat min Sanderak min Mesak min Abetnego min irit yarij-o.

NDANIEL 10:14

Nde, an lobok yigi-ge kat kelem nap enpem abok kwat ma mende ereba na kwara karu rak peyekluk lobok yigi-o. Nde, nabi nggal pem yik kaigen yu-ge abok-nen kwat ma wene kaigen-o” luk yak nirij-o.

NDANIEL 11:2

Nde, an-nen kat yak kirimin wene yeba-ge mondok ndemeret wener-o” luk yak nirij-o. 11:3-45 Ayat ya arem-e Ndaniel-nen nabi bem kagaid iri na ebe-ge iri nggal-o luk aid nap-nen yak tosolar-e, Mesira min Siria min-nen tenagidnak wi ereba na abok-nen kwat unpurak wene mbarak worasu-o.

NDANIEL 12:4

Iri yosoluk, aid nap iri na-net tuguruk yak norosolar-e: ”Ndaniel wa-e. Yawo-ge engga iri-ge lombok tak pi-o. Iri rak purug-e, lombok tak irit worasoma, i worok tak purak tarem wok makluk, lop nok tak pugwi mende lop nok tak pi-o. Nde, ap kwarat-nen: ’Kwat yusu mende ereba na-ge iri nggal kwat yusu-o’ luk, lombot pugwi wal kagolat wolma-t nde, it-nen iri kwaruwa ereba na-ge ebe-ge kwat ma bug-o” luk yak nirij-o.

NDANIEL 12:9

Iri yosolukmu, at-nen onggo yak norosolar-e ”Ndaniel wa-e. Wene yeba-ge kura teberak nak irit worasoma iri-net i worok tak puwa tarem wok yurak me, kar-e yawo-t mbiri-o.

NDANIEL 2:21

Nanduk-nen kwaridnak min abok-nen kwat ma min iri-ge Nagawan Indo inggem nag-o. At nak-nen nagawan-e mendak onposolat, lak tak onposolat kwaroso-nen yusu-o. At nak-nen inndi nggat nggat elem wok ondosolat, yebet kagwi mende wok ondosolat yoso-nen yusu-o.

NDANIEL 4:8

Alat nde, abok nggwe-ge Ndaniel an nugugwiwak unu nggal Ndaniel unu misig-e Mbelsasat iri lobok yij-o. Nde, marak mbal pem nagawan ereba na arem kobong yidnak nap iri na imbiri bem-e nabi iri na ndindirigi-o. Ndindorosolat-nen yosolar-e,

NDANIEL 5:12

At iri-ge mondok kwiye worak indi nggat nggat worak-nen nabi kaidnak ebe-ge iri nggal-o luk para yoso aru nap, kura wene-t nde, nam tak posolat, wene mondok nil kil tag-et nde, mondok konosolat kwaroso-o. At iri unu-ge Ndaniel-et nde, Nagawan Nebukatnesat-nen-e unu-ge Mbelsasat yarij-o. Iri ala-ge, at-nen engga mbarak iri-ge ebe-ge iri nggal yosolat-nen mbaridnag-o luk yak kuruwak-nen wene mbo ibi-o” luk yak tij-o.

NDANIEL 5:17

Yosoloma, Ndaniel-nen onggo yosolar-e: ”Nab-o. We wok undugwi mende ereba-ge an wok nururag-e lag-o. Ereba-ge ap erep nde wok indi-o. Nde, engga mbarak iri-ge an-nen wonatluk, ebe-ge iri nggal-o luk para yak kirimin-o.

NDANIEL 6:28

At iri-ge inmiri yosolat, wisirik onposolat kwaroso-nen yusu-o. Mbal pem-nen na irit, nggweyakma-nen na irit kwiye worak kwarosolat, kagwi buk mende kwarosolat yoso-o. Nde, Ndaniel-e singa emndam-nen imiri yij-o” luk mbarij-o

NDANIEL 8:16

An-nen kuliginggal-e Yi Ulai iri na eyak ele bem-nen ene nggoksa yosolar-e: ”Nggabiriel wa-e. At iri-nen nabi bem nggal kagaid iri-ge ebe-ge iri nggal-o luk kerengga yak ti-o” luk yij-o.

NDANIEL 8:26

Mbal Pem Nagawan amanggim keyama min kuplila min wosa purak wene nabi bem nggal kaigen wene kerengga kat yak kiriga iri na-ge ndemeret kwar-et ma-t nde, iri kwarurak tarem-e abok ereba-nen kwat momtak awo worasu-o. Iri ala-ge, iri wene-ge ap misiger-o luk mbi mondok yak undurak pug-o” luk yij-o.

LUKAS 1:20

Alat nde, an-nen yak kurusu yu-ge kwat yurak tarem ndak ala-ge, an-nen yidnak wene yu-ge luj-et ma-t nde, kar-e te rak pusu-o. Te rak pusu me, kene lak yuwama, kene yigit lak woragundik, an-nen tul pusu wene yu kwat yosola-net kene kuwak ma-o” luk yak tij-o.

NAM PARA WENE 19:9

Iri luk, aid nap iri-nen an yak norosolar-e: ”Wene yu mbari-o: ’Lomba Wam Marik-nen kwe wanosola saguwa sa lobok yuwakluk yonggo unpuwa nab-e inmbiringgat-nen yili-o’ ”. Nde, aid nap iri-nen tuguruk yak norosolar-e: ”Wene yu-ge Mbal Pem Nagawan-nen yidnak ndemeret wene-net yusu-o” luk yij-o.