NDANIEL 1:8 - Nanduk Ngget Tul Pidnak Wene

^8-9 Nde, Ndaniel iri na-nen yebet kasolar-e, nagawan woraso sa iri me-nen nunggwi nunggwi mende min anggut amburu min ereba na kugwi amanggim pidnak ala, norak isili-nen Ndaniel-nen Aspenas yak tosolar-e: ”Nab-o. An-e nunggwi mende-ge we nin ereba nak namin-o” luk yak tij-o. Nde, Mbal Pem Nagawan-nen arem yabu wanosola-ge, Aspenas-nen-e Ndaniel iri na-ge ubud kasolat, indi kundugu irit woragij-et nde,

NDANIEL 1:8 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 5:5

Nagawan Indo-nen neid Ndaut yak tosolar-e, yu nggal yak tij-o: ’Kat kondolma kambara men ma iri-nen an nerembel wanurak uwi-ge wuruwa-o’ yak tidnak me, iri bem-e nap Iram kunu worak wa-e. O yanem yu-ge an Salomo-nen Nagawan Indo Mbal Pem Nagawan erembel wanurak uwi wururak wat tak puruk worasu-o.

NDAWI ENGGA 119:106

Kat-nen mot mot mbaridnak wene iri na puksa tena wolmomtak pem-e an-nen ”Irit kwarimin-o” luk owak mbarigi iri na-ge ndak ndak tak pimin-o.

NDAWI ENGGA 119:115

Meya yugwi nap wa-e. An neram-nen mberer-o! An-e an Nembal Pem Nagawan-nen nebem pidnak ndak ndak irit kwarosolat woramin-o.

NGGOMO WENE 23:3

Nunggwi mende undu konak saga kurugom puwa ereba na-ge mondok kwarat ninggi nenggerak iri-ge yurak pug-o. Erep-nen-e kat kare posolat-nen kwaruwa nde ma-o.

NDANIEL 1:5

Nde, it ap ereba na enmanggim-e nunggwi mende min yi min irit nagawan iri na ama woragwi nap-nen nunggwi ereba na ereb-et nonggolat wolmomtag-o luk nagawan iri na-nen yij-o. Nde, it ereba na-ge sekola yogolat olengen kenan worarug-e, nagawan woraso sa iri me-t yabu wanurak pem nagawan eram mbururag-o.

NDANIEL 5:4

Nonggolar-e, it unkugwiwak emas min perak min tembaga min mbesi min e min kerep min pem-nen konidnak ereba na erembel waniga-o.

YIDNAK YIDNAK WENE 11:23

Wirik ibikma, wok yidnggal-e, Mbal Pem Nagawan-nen we wok ondoso mende iri na kasolug-e, alin alen kagaij-o. Karuk, it pidsa-nen tugup lak Nagawan Indo-nen yidnak yidnak kwat tenak wolmakluk nggomo indij-o.

YIDNAK YIDNAK WENE 15:20

Alat nde, nunggwi mende kugi amanggim pidnak min mbabi yugwi min pip ndonggoksa wat yidnak ino min eyabi min mondok keya ber-o luk it enmanggim engga mbaruwog-o.

1 KORINTUS 7:37

Alat nde, ap mbi-nen ”Irit kwarurag-o” luk enne amawi min yak tigit lak, at ondomok indi-n yebet karuk, at indi-n peraruk-nen: ”Nara ndugum-e ap wok timin pug-o” luk yusu na konag-et kwarusu-o.

2 KORINTUS 9:7

Iri ala-ge, ap enambik lombok-net Mbal Pem Nagawan amanggim pogolar-e, at indi-n peraruk-net puwag-o. At indi angin min-et nde nin nap-nen ”Iri nggal purag-o” luk yuwa bem nak-nen purag-e lag-o. Alen min-et poso nap iri perak nde, Mbal Pem Nagawan-nen-e abuwa kaso-o.

TUGURUK YIDNAK WENE 32:38

Kit-nen it enmanggim wam wosa kan pogola, ningga-o. Nde, anggut engen amburu enmanggim pogola, ningga me, ”Yongga nindil lobok yer-o” yak ender-o. Ir-e nggetlel kunpugwi kwat mag-o.