NDANIEL 1:20 - Nanduk Ngget Tul Pidnak Wene

²⁰ Nde, pempa Nebukatnesat-nen-e iri me wene nde worasola-ge, at-nen-e ngge nggal-o? luk it kin wok onposolat, iri-nen ngge nggal kwarurag-o? luk kin wok onposoma-ge, it enpe ap sujwe empat ereya na-nen yugwi wene min it-nen yebet kagwi min-e at-nen tenagidnak wi iri me woragwi nap-nen ”Iri nggal kwat ma-o” luk urul pugwi nap min kwiye worak kwarugwi nap min ereba-nen enaru yidnak ereba-ge mariger-et nde, it empat ereya-nen enaru yidnag-e terak minik ombol nggwe irit eneyagaij-o.

NDANIEL 1:20 ပူးပေါင်းရင်းမြစ်များ

NDAK WIRIDNAK WENE 31:7

Irit nde, onggo an wok nururag-e namberam lasolat sepulu bem-et nden yaga nin tak pij-et nde, Mbal Pem Nagawan-nen-e an meya rak nubuwakluk keya ibigit lag-o.

NDAK WIRIDNAK WENE 41:8

Karuk, kup o nda yosoloma-ge, nagawan na-ge yobosa wolmomtag-e meya alama-ge, at-nen-e Mesira woragwi nap kagwi buk mende kwarugwi enaru nap min yi elem ndi elem enaru nap min oboksa wene mbo enpaga ndok worak unpuruk, at nabi kagaid iri na kiringgij-et nde, ap misiget ter-o luk-nen ”Nabi iri-ge ebe-ge iri nggal kaigen-o” luk yak turag-e meya irit agaij-o.

NEMIA 4:12

it Yawuri nap it endam worali ereba na-nen-e wim nap-nen wene mbatli ereba na-ge pempa yak nindil lobok yogolat woraiga-o.

AYUP 19:3

Kir-e pem kundugu kandugu kinnggiri lag-et kenlengenma nggal tak nobogolat, lel mberel nibili-o.

NDAWI ENGGA 119:99

Kat-nen kwarurak nebem pidnak wene mbenat tenak woraso me, an mul nurugwi nap-nen yebet kagwi-ge teberag-et nde, an-nen yebet kaso-ge terak minik-net yusu-o.

MBIRIGA WENE 7:22

Alat nde, Mesira woragwi nap kagwi buk mende kwarugwi nap-nen na enaru yidnak pem kagwi buk mende iri na nggal-et kwarogola-ge, nagawan iri na-ge indi amawi irit woragij-o. Iri kwarid iri-ge Nagawan Indo-nen yosolar-e: ”Musa min Arun min kenne-ge kuluwa bug-o” yid iri na ndak ndag-et kwarosolat kwarij-o.

MBIRIGA WENE 8:19

Iri ala karuk, it kagwi buk mende kwarugwi nap ereba na-nen nagawan iri na yak togolar-e: ”Yu-ge Mbal Pem Nagawan-net kwarusu-o” yak togola-t nde, Pirayon na-ge indi amawi irit yij-o. Iri kwarid iri-ge, Nagawan Indo-nen yosolar-e: ”Nagawan iri-ge Musa min Arun min enne-ge no mende nggal tak puwa-o” yid iri na ndak ndag-et kwarij-o.

MBIRIGA WENE 8:7

Alat nde, o iri woragwi nap-nen na, it-nen enaru yidnak mende bem kagwi buk mende kwarogolat Mesira uwi iri me mangge kwarat tak piga-o.

NDANIEL 1:17

Nde, Mbal Pem Nagawan-nen ap sujwe empat ereya na wok ondosolar-e, inndi nggat nggat elem min enaru yugwi elem min irit wok endamu, yi mende ndi mende elem pidsa kwara enaru yiga-o. Nde, erep Ndaniel wok tosolar-e, nabi bem nggal yik kagwi elem min nabi kaidnak iri ebe-ge iri nggal-o luk para yurak elem min irit wok tij-o.

NDANIEL 2:13

Nde, nagawan-nen wene wirik pid iri na naru karu mborosolar-e, ap inndi tenggerak enaru nap ereba na oboksa min Ndaniel min at anggamirak kenan ereya na inmin-et unduwokluk onkore yiga-o.

NDANIEL 2:21

Nanduk-nen kwaridnak min abok-nen kwat ma min iri-ge Nagawan Indo inggem nag-o. At nak-nen nagawan-e mendak onposolat, lak tak onposolat kwaroso-nen yusu-o. At nak-nen inndi nggat nggat elem wok ondosolat, yebet kagwi mende wok ondosolat yoso-nen yusu-o.

NDANIEL 5:17

Yosoloma, Ndaniel-nen onggo yosolar-e: ”Nab-o. We wok undugwi mende ereba-ge an wok nururag-e lag-o. Ereba-ge ap erep nde wok indi-o. Nde, engga mbarak iri-ge an-nen wonatluk, ebe-ge iri nggal-o luk para yak kirimin-o.

WONARIDNAK WENE 14:22

It ap yu-ge nabinal kagolat, Mesira-nen na irit ap lak ma yeba-nen na an-nen kwiye worak mende kwarat ennggendumu kwarosola-ge, kagotlat-net nde, an-nen yidnak yidnak kwarigit lak, an nak nindi ngal tenak woragola me, an-nen onmborak urul yak indigi o iri na me-ge mondok ngguwa bug-o.