NDANIEL 1:2 - Nanduk Ngget Tul Pidnak Wene

² Nagawan Indo indi-n pidnak pem-et Nebukatnesat iri na lobok yosolar-e, Nagawan Yoyakim iri urugwe nggwe rak puruk, silobulo onggo nggok Yerusalem iri me Nagawan Indo ama woraso ereba na-ge ereb-e wanogolar-e, ap kamat inpidnak min silobulo onggo nggok mengga wanidnak min-et mburunuruk mberarik, at ugugwiwak uwi iri na me inpil mbutluk, silobulo mengga wanidnak ereba ugugwiwak uwi iri na arem yi mende ndi mende ndok wosa pugwi sa ereba na me pil nggwij-o.

NDANIEL 1:2 ပူးပေါင်းရင်းမြစ်များ

NDAK WIRIDNAK WENE 11:2

Woragolar-e, ir-e mo luwaso ambigit nggwe waring kagolar-e, o nggweyak yamuk tak Mbabilonia iri me karug-e, iri na me-t woraiga-o.

ESERA 1:7

Nde, Nagawan Kores-nen it wok ondosolar-e, nanduk Yerusalem iri me-nen Mbal Pem Nagawan ama iri me yabu wanogolat-nen wanugwi yi kenanggugwi yimbe min yimbe erep min Mbal Pem Nagawan ama woraso Nebukatnesat-nen waruk lobok yarik, at-nen erembel wanoso kugwiwak uwi iri na me ndok worak pid ereba na-ge wok indij-o.

YESAYA 42:24

Isarael iri-ge nden unpuwaklug-e ta-nen iminep wisirik pij-o? Iri-ge Nagawan Indo ondomok-net iminep wisirik pamu-o. Iri kwarid iri-ge nit-nen at erengen pem-e at-nen yidnak yidnak kwarigit lak yogolat, meya nak kwarogolat, at-nen mul nindidnak wene na imbirik mbirigit lak yogola karuk, at-net iminep wisirik pij-o.

NDANIEL 5:13

Nde, Ndaniel iri na-ge ndag-et nak nagawan eram imin lobok yiga-o. Iri yogola, nagawan-nen Ndaniel kin wok obosolar-e: ”An neid-nen Yewura nggweyak pem-nen wok kuburuk lobok yidnak Yawuri nap Ndaniel-e kar-a?

NDANIEL 5:18

Mbal Pem Nagawan Mondok Kek tak iri na-net kat keid Nebukatnesat iri na kwarak obosolar-e, mondok nagawan kek tak uburuk, anggu obok worak tak ebamu-o.

ABAKUK 1:16

Iri yogolar-e, it-nen ap wok unpugwi sum iri na kek tak pogolar-e, sum iri na bem-nen nunggwi mende kwarat wanogolat, yi mende ndi mende ndak tak onposola karuk, ap wok unpugwi sum iri na kek tak pogolar-e, wam wosa amanggim pili-o.

TUGURUK YIDNAK WENE 32:30

Ap misiget-nen ap seribu (1.000) nuk iniyudtag-e, ndag-a? Mberen nap nak-nen ap sepulu ribu (10.000) langgara wirik unpurag-e ndag-a? Nagawan Indo Enmbal Pem Nagawan-nen-e ir-e ap enpem onggo wanosolat, Enmbal Pem Nagawan amawi worak iri na-nen keya inpij-o.

WENE MBENARUGWI NAP-NEN KWARIDNAK WENE 4:2

Iri kwarogola-ge, Nagawan Indo-nen keya enpamu, Kanaan nagawan Yabin o Asot iri me woraso iri na nen yemndak unpuruk woragij-o. Nde, at-nen idnak san ombo onowe unu-ge Sitera-o. Nde, Sitera iri-ge o Aroset Agoyim woragij-o.

1 SEMUEL 5:2

Iri na me urul pidnak wene labu mbarak iri na waruk mbirigarig-e, it unkugwiwak Ndagon iri na uwi iri na me waruk nggwigarik, it unkugwiwak ndak worak iri na eralu piga-o.