NDANIEL 1:19 - Nanduk Ngget Tul Pidnak Wene

¹⁹ Iri yamu, Nagawan Nebukatnesat-nen it oboksa inmin wene mbarosolat-nen lombot onposoma-ge, ap erep ereba na-ge teberag-et nde, Ndaniel min Anania min Misael min Asaria min it ereya na nak perak nde it-nen enaru yidnag-et ombol nggwe irit eneyagaij-o. Iri ala karuk, it ereya na-ge nagawan woraso sa iri na me yabu wanugwi tel kwiriga-o.

NDANIEL 1:19 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 17:1

O Nggileat nggweyak arem o siri Tismbe nap Mbal Pem Nagawan ene lomboksa yoso nap mbi unu-ge Elia irit woragij-o. Nde, misik tarem-e Elia na-ge Nagawan Agap eram mberarik-nen yak tosolar-e: ”Nagawan Indo uruk nak woraso Mbal Pem Nagawan, Isarael nap-nen kek tak ubugwi an-nen ndegel ubusu owag-o. Mondok nap kat yak kereyeg-o. Abok olengen mberen, lak? Are, kenan lak? woragolar-e, ereya arem-e mondok lilangen ala na talme mariget ala na mondok mbuma bug-o. An-net yosola-nen perak mbuma-o” luk yak tij-o.

NGGOMO WENE 22:29

Ab-e yabu-ge mondok enpam ndak wanogola, eneyaso, lak? Ap iri-ge we o ma yabu ereba wok turag-e lag-o. Are, yabu-ge nagawan woraso sa iri me wok turag-o.

YEREMIA 15:19

Iri yosola, Nagawan Indo-nen onggo yak norosolar-e: ”Kat-nen nde tuguruk lobok yosola-ge, an-nen-e wog-et kibimin-o. Wok kuburug-e, tuguruk an ndegel noboso nap tak kibimin-o. Kat-nen nde ebe lak kenesiget wene keya buruk, ndemeret ebe worak wene-t yak ondosola-ge, kar-e tuguruk an nene lomboksa yoso nap tak kibimin-o. Iri yosola-ge, ap-nen-e kat keram nde lobok yogolat wolma-t nde, kat-nen-e it endam-e mburugun pug-o.

NDANIEL 1:18

Nde, nagawan-nen sekola yogolat olengen kenan wolmomtag-o yid iri na ndak ndag-et olengen kenan worarug-e, Aspenas-nen-e ap sujwe ereba na-ge Nagawan Nebukatnesat eram wok unpuruk mbirij-o.

NDANIEL 1:4

Ap sujwe ereba-ge enpem ambut lak, mondok enpe na sujwe enmawi min, sekola nggok yidnak, inndi tenggerak-nen mondok enaru nap, nagawan woraso sa mondok yabu wanurak nap irit len unpuruk, Aspenas kat-nen mul ondosolar-e, Mbabel wene iri na wonarogolat, mbarogolat yuwakluk mul undurag-o” luk ebem pij-o.

NDANIEL 1:5

Nde, it ap ereba na enmanggim-e nunggwi mende min yi min irit nagawan iri na ama woragwi nap-nen nunggwi ereba na ereb-et nonggolat wolmomtag-o luk nagawan iri na-nen yij-o. Nde, it ereba na-ge sekola yogolat olengen kenan worarug-e, nagawan woraso sa iri me-t yabu wanurak pem nagawan eram mbururag-o.

NDANIEL 1:6

Nde, ap sujwe ereba na ennggendumu-ge Ndaniel min Anania min Misael min Asaria min irit woraiga-o. It ereya oboksa-ge enlem-e Yewura nap nag-o.

NDANIEL 1:7

Nde, nagawan woraso sa iri na me-nen ene kulugwi nap iri na-nen-e it empat ereya na unnu ki yarosolar-e: Mbelsasat min Sanderak min Mesak min Abetnego min irit yarij-o.

NDANIEL 2:13

Nde, nagawan-nen wene wirik pid iri na naru karu mborosolar-e, ap inndi tenggerak enaru nap ereba na oboksa min Ndaniel min at anggamirak kenan ereya na inmin-et unduwokluk onkore yiga-o.

NDANIEL 3:29

Iri bem-e, ap enlem lombok min enne lombok min oboksa-nen Sanderak min Mesak min Abetnego min Enmbal Pem Nagawan iri na nde nggweyel puwa nab-e, mondok mbarep parep keya unpuruk, unuwi min mijara keya bosoma, tudsa owak nak nggururak wolma-o. Kugwiwak misik mbi-nen Mbal Pem Nagawan-nen inmiri yid iri nggal-e mondok inmiri yoso buk-nen yusu-o” luk yij-o.