NDAK WIRIDNAK WENE 9:6 - Nanduk Ngget Tul Pidnak Wene

⁶ Nde, ab-e an nebage worak, an nggal-et ndak ndag-et ndak wiridnak me, ta-nen nde ap worosola-ge, ap erep-nen-e at na wuruwar-o.

NDAK WIRIDNAK WENE 9:6 ပူးပေါင်းရင်းမြစ်များ

NDAK WIRIDNAK WENE 4:14

Yawo-ge kat keram yu me-nen sera wirik nibigenma, an-e nggweyak ma yu me-ge nondoro lak, we waring tenak nak woramin-o. Worasoma, ta-nen nde nimin lid pid yogolar-e, nuruwa-o” luk yij-o.

NDAK WIRIDNAK WENE 42:22

Yogoloma, Uruben-nen yosolar-e: ” ’La iri ebem-e yi kwatlik ndi kwatlik kwarurak pug-o’ luk nanduk yak kindigi na-t nde, kir-e an nene-ge kuligit lak yigeb-o. Iri na bem emep onggo-ge nit nunduwa-o” luk yak indij-o.

NDAK WIRIDNAK WENE 5:1

Aram-nen wigarak wonarag-e yu-o. (Mbal Pem Nagawan-nen nandug-et ap ndak worak inpid iri na-ge at Mbal Pem Nagawan ondomok abage ndak worag-e ndak wat enpamu-o.

1 NAGAWAN NAGAWAN-NEN KWARIDNAK WENE 2:9

Alat nde, kat-nen kwarurak yak kereyeg-o. Ar-e keya uburak pug-o. An-e naru-o. Kar-e kindi nggat nggat worak me, Simei iri-ge ap indi worag-et nde, kamawi-t kundugundik at-nen kwaridnak pem wururag-er-o” luk yak tij-o.

NDAWI ENGGA 51:4

Ndemeret kat kimin, kat kimin nag-et meya kwarigi-o. An-e kat-nen meya-o luk yik kaso mende irit kwarigi-o. Iri bem-e kat-nen ap enpem wene konoso-ge mot mor-et mbenaroso me, kat-nen nebem angin worak pugun iri-ge il pem-et pugun-o.

MBIRIGA WENE 20:13

Ap wururak pug-o.

AID WENE YOSO NAP 3:3

undurak tarem min ki rak unpurak tarem min mijarurak tarem min o wururak tarem min wat tak pusu-o.

MATIUS 26:52

Alama-ge, Yesus-nen at yak tosolar-e: ”Yalawi wanugwi nap oboksa-ge yalawi bem unduwa me, keyalawi-ge ondolma yarak pi-o.

OROMA 13:4

Pemerinta iri-ge kit konak nak worabokluk Mbal Pem Nagawan eyabu wanugwi nap-nen yili-o. Alat nde, kit-nen nde meya kwarogola-ge, it enaye yugub-o. Nde, pemerinta-nen san ininggem worali iri-ge we-t ininggem worali-ge lag-o. Pemerinta iri-ge Mbal Pem Nagawan ndegel ubugwi nap me, Mbal Pem Nagawan isilepma-ge meya kwarugwi nap enpem pili-o.

1 KORINTUS 11:7

Ab-e Mbal Pem Nagawan ut mimirik nde, Mbal Pem Nagawan unu kek tak pugwi mende-nen yusu me, enanggulmbij-e purak pug-o. Alat nde, kwami-ge ap unu kek tak pugwi mende-nen yusu-o.

YAKOBUS 3:9

Nit nenma yu bem-nen Nineid Nagawan Indo erembel wanogolar-et nde, nenma yu bem-net Mbal Pem Nagawan at ut mimirik ndak wat inpidnak nap na inmbiri lamut tak inpili-o.

NAM PARA WENE 13:10

Ap-nen mondok yemen unpuwag-o yidnak nab-e yemen-et unpuwa-o. Nde, yalawi bem unduwag-o yidnak nab-e ndemeret yalawi bem unduwar-o. Iri bem-nen Mbal Pem Nagawan ilirag-e mondok inndi luruk puruk, inndi angin tubu luk wolmomtag-o.

1 SEMUEL 15:33

Lobok yosola, Semuel-nen yosolar-e: ”Kat keyalawi-nen kweyap kwarat inlirak lak tak onposo iri na nggal-et kat kiya-ge ambara na lag-et mag-o” yosoluk yarik, Nggilnggal-nen wam wosa Mbal Pem Nagawan amanggim kan pugwi sa eralu iri me Agak na-ge yalawi bem-nen mbarep parepsa keya bij-o.