NDAK WIRIDNAK WENE 9:2 - Nanduk Ngget Tul Pidnak Wene

² Nde, towe oboksa min keyane min urugup worak erep oboksa-nen na kat kaye kagolat wolma-o. Nde, ereba oboksa-ge kat kinggem nak wolma-o.

NDAK WIRIDNAK WENE 9:2 ပူးပေါင်းရင်းမြစ်များ

NDAK WIRIDNAK WENE 1:21

Nde, Mbal Pem Nagawan-nen yi koma arem woraso urugup worak mondok yok nggok min yi ma woraso urugup worak nin tak nan tak min, yi towe ndi towe oboksa min ndak worak pij-o. Nde, iri na yik karug-e, Mbal Pem Nagawan-e alen kagaij-o.

NDAK WIRIDNAK WENE 1:26

Iri rak puruk, Mbal Pem Nagawan-nen yosolar-e: ”Yawo-ge nit nggal kwat yurak, nit nenpage worak ap mbi ndak wuruwog-o. Nde, ndak wurulmu-ge, it-nen-e keyane min towe min, erengen kege lak na irit, erengen kege worak na irit, marik na irit, nggok na irit, nin tak nan tak oboksa it-nen ombo wolmakluk ndak wuruwog-o” yij-o.

NDAK WIRIDNAK WENE 1:28

Iri rak puruk, imbiringgat tak onposolat-nen yosolar-e: ”Kit-nen wigarak yi wi ndi wi woragolar-e, o tena wolmag-o. Nde, keyane yi ma woraso min towe teram nggwe noso min nggweyak ma woraso erengen kege lak min worak min oboksa kit-nen tena worabokluk kininggem pusu-o.

NDAK WIRIDNAK WENE 2:19

Nde, Nagawan Indo Mbal Pem Nagawan-nen nggweyak marig-et mbi waga yarig-e, kona kegesa wam min mena min nggweyak ma woraso mende oboksa min, towe teram nggwe woraso mende oboksa min ndak wirij-o. Ndak worak purug-e, ndak worak pidnak mende ereba na-ge Aram eram pil lobok yij-o. Iri pil lobok yid iri-ge, ”Ndak worak pidnak mende ereba na unu-ge nggesa unu yara wok til lobok yosola kamin-o?” peraruk-nen eram pil lobok yamu-o. Wam min towe mena nggweyak ma woraso min teram nggwe pubu noso min oboksa unu-ge iri nggal kwasa yarij-o.

NDAK WIRIDNAK WENE 35:5

Iri rak puruk, Yakup na ilirak inmin nduguluk mborogola-ge, Mbal Pem Nagawan-nen-e o siri ereba me eralu eralu woragwi nap ereba na-ge mondok kwiye elem-nen nak nggetla keya enpamu, it-nen-e Yakup-nen lit karuk mbitli ereba na-ge muk eneyaruk mbirigit lag-o.

NDAK WIRIDNAK WENE 9:1

Mbal Pem Nagawan-nen Nu elirak inmin imbiringgat tak onposolat-nen yosolar-e: ”Kit-nen wigarak yi wi ndi wi wolmakluk, kit-nen wigarak konoworak konmborak kwarat wigak mag-o.

NDAK WIRIDNAK WENE 9:3

Nggweyak pem yak yoso mende oboksa kat norak mende kwat yid iri na nggal-et, towe mena min urugup worak oboksa ereba-ge kat-nen nanokluk, wok kurusu-o.

AYUP 39:11

Kar-e at amawi kwarat ala karuk, kindi-ge ebem-et wat tak puruk, keyabu nggok angin worag-e at ebem purag-e ndag-a?

YESKIEL 34:25

It kona yamuksa wolmakluk, it yamuksa wolmomtak wene an-nen-e urul yak indimin-o. Nde, iri-ge ndakngge eyak worak oboksa it woragwi sa-nen sera wirik pimin-o. Iri rak pumu, an nolomba ereba na-ge tusuangge taroso sa ereba na me kona yamuksa woralat, walma ereba-t nene yosolat kwaruwa-o.

OSEA 2:18

Nde, iri tarem-e yi mende ndi mende eyak worak oboksa imin-e ’An nilirak sil iniyudtak pug-o’ luk imiri mbarak pimin-o. An-nen-e an nilirak woragwi sa-nen wim lak tak posolat, wim pugwi mende mingin mare oboksa inggi mbara wirik pimin-o. Iri rak unpuruk, yamuksa kona woragwi rak inpimin-o.

YAKOBUS 3:7

Nde, erengen kege worak mende oboksa min towe min keyok keyok noso mende min keyane min oboksa-ge wanggo rak purak ndak me, ap-nen wanggo rak pugwi-o.