NDAK WIRIDNAK WENE 8:1 - Nanduk Ngget Tul Pidnak Wene

¹ Nde, Mbal Pem Nagawan-nen-e Nu min towe mena oboksa Nu imin e koma wi wirid iri na arem worasu ereba na-ge meme rak inpigit lag-o. Are, indi-ge enpem-et woralar-e, Mbal Pem Nagawan-nen-e obube puk kujwakluk obube rak pamu-ge, obube-nen puk kasolar-e, yi na-ge eberek yil mboso kwat yij-o.

NDAK WIRIDNAK WENE 8:1 ပူးပေါင်းရင်းမြစ်များ

NDAK WIRIDNAK WENE 19:29

Mbal Pem Nagawan-nen-e o siri ereba Lot woragid o lid iri na-ge iri nggal kwasa lak tak pij-et nde, Mbal pem Nagawan-nen-e Abarakam-nen yidnak iri na indi yebet karuk, Lot na-ge yongga worosola, mengga mberamu-o.

NDAK WIRIDNAK WENE 30:22

Nde, Arakel na Mbal Pem Nagawan-nen indi yebet karug-e, at-nen tepan yoso iri na kulurug-e, la ndaguwakluk la wi tu kuwarak pamu,

NDAK WIRIDNAK WENE 9:10

towe mena nde, urugup worak nggweyak nggwe woraso oboksa nde kinmin e koma wi arem-nen kenangga waigep oboksa kenmanggim-et watsa urul pusu-o.

AYUP 14:13

Ap watluk ndok wurugwi sa kura nibi-o. Nggetlel nuburuk irit worasoma, kat kisilepma lak mag-o. Kindi an yebet niyudtak lud tak pi-o.

NDAWI ENGGA 105:42

Iri kwarid iri-ge Nagawan Indo-nen at ndegel oboso nap Abarakam imin ”Iri kwat kibimin-o” luk urul yak tid iri na indi yebet kasolat-nen kwarij-o.

NDAWI ENGGA 115:12

Nagawan Indo-nen indi yebet neneyarug-e, at-nen imbiringgat tak nunpuwa-o. At-nen Isarael nap min tepan ombo Arun-nen wigarak oboksa min imbiringgat tak unpuwa-o.

NDAWI ENGGA 132:1

Nagawan Indo wa-e. Ndaut min at-nen andi bandi kagaid oboksa min-e kindi yeberak wolmin-o.

NDAWI ENGGA 136:23

Nit urugwe nggwe rak nonpogola-ge, at-nen-e meme rak nunpuruk keya ninpigit lag-o. At-nen-e pem kundugu irit enabuwa yoso-nen yusu-o.

NDAWI ENGGA 137:7

Nagawan Indo wa-e. Erom nap-nen Yerusalem lak tak pogolat-nen kwariga ereba na-ge kindi yebet yebet tak wolmin-o. It-nen yogolar-e: ”O siri iri-ge tud tak pogolat, mondok nggweyak min mbereksa lak tak per-o” luk yiga iri na yeberak wolmin-o.

MBIRIGA WENE 14:21

Iri sa woragolar-e, Musa-nen-e yi koma ambigit inggi ndimirik posola-ge, Nagawan Indo-nen-e mo luwaso (timur) nggwe-nen o wija mondok amawi worak irit pil lobok yamu, tag-et kubu iri-ge puk kerenak woralar-e, yi koma na-ge puk kaga ogorak nak nde rak pij-o.

MBIRIGA WENE 15:10

Alat nde, Nagawan Indo-kat-nen kemnde age misik pem nak pu yigen pem yi koma-nen Mesira nap yemen inpij-o. Ir-e posid kerep angin worak yoboksa mboso nggal yi mondok yubuk tak kwiye worak ma lak yiga-o.

MBIRIGA WENE 2:24

Kulurug-e, at-nen Abarakam min Isak min Yakup min urul yak indid ereba na yebet kagij-o.

NGGOMO WENE 25:23

O wija abare abam (utara) nggwe-nen nde lobok yosola-ge, ndemeret talme pil lobok yoso-o. Iri nggal-et onpok pugwi mende iri-nen-e insilepma yugwi mende nam tak poso-o.

YESAYA 44:27

An-nen yi koma yak tosolar-e: ’Eberek yi-o! Kat-nen idnak yi ulusu ereba na eberek tak pimin-o’ luk yak toso-o.

AMOS 8:7

Iri yogola, Nagawan Indo Isarael nap Enmbal Pem Nagawan-nen owak mbarosolar-e: ”An-e it-nen mondok meya kwatli yeba-ge mondok meme rak pimin pug-o.

YUNUS 4:11

Iri ala, noluk-nen an-nen Niniwe siri nggok iri na nindi yebet eneyasolat, numud eneyagit lak yurag-o? Nde, iri me-ge wam-e kwarat, wonarurak pug-et worasu-t nde, iri me-ge konak min meya min lunugwi buk li marig-e 120.000 ombol nggwe nggal worali-o” luk yij-o.

ABAKUK 3:2

Nagawan Indo wa-e. Kat-nen kwaroso wene-ge kuligi-o. Kolosolar-e, an narem-e kwiye wok yij-o. Nde, kat-nen kwiye worak kwarigen iri-ge tuguruk nit worali tarem ya kwari-o. Kar-e kisilepma yosolar-et nde, nenabuwa yi-o.

WONARIDNAK WENE 22:32

Aid nap iri na-nen Mbileyam kin wok obosolar-e: ”Kar-e noluk-nen kegelerai-ge kenan pem-et wirigen-o? An-nen yebet kasolar-e, kat mburusu iri-ge meya-t ala karuk, an-e kerarem pak til tal mburusu-o.

NAM PARA WENE 16:19

Nde, o siri nggulok iri na-ge ngara kenan kwat yosolat, enlem nin nap-nen tenagaidnak unuwi siri oboksa ndamara abapno yij-o. Iri luk, Mbal Pem Nagawan-nen o Mbabel nggulok iri na indi yebet karuk, anggut engen amburu at idmbe arem Mbal Pem Nagawan isilepma kenanggo kobong tak na mak tij-o.

NAM PARA WENE 18:5

Kwe iri meya yidnag-e kwarat ligik mbal pem lasola me, Mbal Pem Nagawan-nen-e kwe iri-nen meya yidnag-e yebet yebet tak worasu-o.

1 SEMUEL 1:19

Nde, kub-e Elkana ogwela inmin-e kuplila men yogolar-e, Nagawan Indo erembel wanurug-e, tuguruk enma Arama mbiriga-o. Mbirigarik woragolar-e, Elkana-nen ogwe Ana iri na imin nene yosola-ge, Ana-nen tepan yid iri na Nagawan Indo-nen ene erep nggarosolar-e,