NDAK WIRIDNAK WENE 7:21 - Nanduk Ngget Tul Pidnak Wene

^21-23 Lasolar-e, nggweyak ma yu me woraso urugup worak mende oboksa, ap min towe mena sil waro oboksa, nggok-nen marik-nen oboksa-ge Mbal Pem Nagawan-nen yi bem-nen lak tak inpij-o. Alat nde, Nu min at imin e koma wi iri na arem woraiga ereya na nak lak tak inpigit lag-o.

NDAK WIRIDNAK WENE 7:21 ပူးပေါင်းရင်းမြစ်များ

NDAK WIRIDNAK WENE 1:25

Nde, Mbal Pem Nagawan-nen-e ndak worak pid ereba na oboksa yik karug-e, alen kagaij-o.

NDAK WIRIDNAK WENE 6:13

Iri ala karuk, Mbal Pem Nagawan-nen Nu yak tosolar-e: ”An-e nggweyak ma yu me worasu urugup worak oboksa mondok lak tak purak wene abu abu wat tak puruk worasu-o. O yu-ge it-nen meya kwarugwi nak-nen kobong tak me, o yu lak tak posolar-e, imin-et it na lak tak inpimin-o.

NDAK WIRIDNAK WENE 6:17

Nde, an-nen nggweyak ma yu me urugup worak worasu oboksa lak tak puwakluk, yi kobong tak pimin-o. Iri rak pumu, nggweyak ma yu me yi mende ndi mende oboksa wat ma-o.

NDAK WIRIDNAK WENE 7:4

Nde, an-nen ndak worak pigi mende urugup worak iri na oboksa lak tak puwakluk talme mberak pumu, pok yigit lak, nok tenak kubu-nen lengge-nen empat pulu (40) tarem wolmomtak na mberak purag-e yawo-ge tuju nak nene luk mberak pimin-o” luk yak tij-o.

OSEA 4:3

Iri bem-e o yu-ge amburu lak yosolat, yi mende ndi mende worasu-ge mondok wat ma-o. Urugup worak mende towe min nggweyak lok lok noso min yi koma arem woraso min oboksa wat ma-o” luk yij-o.

YOEL 2:3

Kanduk-nen nuruk lak tak poso nggal yagidnak mende oboksa sil-nen nuruk lak tak puwa-o. Nde, ninggit lak ma-ge o iri me-ge Nagawan Indo-nen idnak Eren nggal-et woraso-t nde, abok nujwama-ge, nggweyak umbuk nembaga nggal kwat yusu-o. Yi mende ndi mende misiger-o luk keya buwama wolma bug-o.

MATIUS 24:39

Nde, iri tarem-e it enaru buk worakmu, yi na lobok yosolat ereya na-net it oboksa lak tak inpij-o. Nde, Ap Ambara na lobok yuwa tarem-e iri nggal-et kwat ma-o.

LUKAS 17:27

It pidsa-nen nunggwi mende min yi min nonggolat, kwe wok kerak mbogolat kwat tenak worakmu, Nu na o iri na arem nggosola-ge, yi wasolar-e, it pidsa lak tak inpij-o.

OROMA 8:20

Ndak worak inpidnak mende iri-ge ebe lak mende makluk, keya bij-o. It inndi-n pidnak pem ebe lak mende yusu-ge lag-o. Are, Mbal Pem Nagawan indi-n pidnak pem-ner-o. Iri rak inpidnag-et nde, it enmanggim inndi mbung mbung tak wolmomtak wene yu worasu-o:

OROMA 8:22

Ndak worak inpidnak mende oboksa-ge kwami-nen li ndaguwokluk yane wurugwi nggal, iri nggal nanduk-net yawo kuri yane wat tenak worali-o luk nir-e nenaru-o.

2 PETERUS 2:5

Nde, nanduk woraiga nap na irit, Mbal Pem Nagawan-nen keya inpigit lak, are, yidnak yidnak kwarigit lak nap enpem wene mbarosolar-e, yi tu kuwarak pamu yi-nen nok inpij-o. Mbal Pem Nagawan-nen inmiri yosolar-e, lud tak kwarugwi wene tomboroso nap Nu min ap enpe tuju min nak inmiri yij-o.