NDAK WIRIDNAK WENE 7:13 - Nanduk Ngget Tul Pidnak Wene

¹³ Nde, iri tarem-e Nu ogwe min elirak kenan, Sem min Am min Yapet min it onkwela inmin-e e koma wi iri na arem ndegera nggwiga-o.

NDAK WIRIDNAK WENE 7:13 ပူးပေါင်းရင်းမြစ်များ

NDAK WIRIDNAK WENE 5:32

Nde, Nu na olengen lima ratus (500) worarug-e, elirak kenan, Sem min Am min Yapet min irit ndet inpij-o.

NDAK WIRIDNAK WENE 6:18

Alat nde, an-e kat kimin-e mondok mborok tak purak puk urul pimin-o. Nde, kat kogwe min kat kilirak onkwela min-e e koma wi iri arem nggwer-o.

NDAK WIRIDNAK WENE 7:1

Nagawan Indo-nen Nu yak tosolar-e: ”An-nen kasolar-e, kat karik karag-et nak an nindi-n pidnak kwarosola keyasu-o. Iri bem-e kat kogwe min kelirak onkwela inmin-e kit nak ndigi ndegesa e koma wi wirigen iri arem nggwer-o.

NDAK WIRIDNAK WENE 7:14

Nggogola-ge, towe mena sil waro oboksa erengen kege lak na irit, erengen kege worak na irit, nggok min marik min oboksa it inmin-et nggwij-o.

NDAK WIRIDNAK WENE 8:14

Nde, tanggal dua pulu tuju (27), waneya misik worak puruk, misik iri bem-e yi eberek yosolat, nggweyak oboksa amburu lorok luk keya bij-o.

IBERANI 11:7

Nde, Nu na indi angin tubu yidnak pem-net Mbal Pem Nagawan-nen-e abok-nen kwat momtak wene yak tosola, kuluruk, indi kwiye luk, at erengen-nen kagit lak mende-t nde, Mbal Pem Nagawan-nen yidnak yidnak kwarosolar-e, at min ogwela min inmiri yurak e koma wirij-o. Iri kwarosolat-nen-e nggweyak ma woragwi nap oboksa enpem wene mbarosola, at indi angin tubu yidnak pem-e Mbal Pem Nagawan-nen at lud tak nak tak ibij-o.

1 PETERUS 3:20

Inndi aid wene yak indid iri-ge Nu woragaid tarem-nen Mbal Pem Nagawan-nen yidnak yidnak kwarigit lak yiga inndi-o. Nde, Nu-nen e koma na worosola, Mbal Pem Nagawan-e indi luruk puruk woragaij-o. Yi kobong yil lagaij-et nde, e koma na arem-e enpe wonarak delapan nak inmiri yij-o.

2 PETERUS 2:5

Nde, nanduk woraiga nap na irit, Mbal Pem Nagawan-nen keya inpigit lak, are, yidnak yidnak kwarigit lak nap enpem wene mbarosolar-e, yi tu kuwarak pamu yi-nen nok inpij-o. Mbal Pem Nagawan-nen inmiri yosolar-e, lud tak kwarugwi wene tomboroso nap Nu min ap enpe tuju min nak inmiri yij-o.