NDAK WIRIDNAK WENE 6:9 - Nanduk Ngget Tul Pidnak Wene

^9-10 Nu woraidnak wene-ge yu-o. Nde, Nu elirak ap nak kenan unnu-ge Sem min Am min Yapet min woraiga-o. Nde, Nu na woralar-e, meya mbi kwarigit lak irit woralar-e, at woragid tarem ereya-ge at arig-et nak konak nap irit woragij-o. Woralar-e, Mbal Pem Nagawan imin panggarak irit woragij-et nde,

NDAK WIRIDNAK WENE 6:9 ပူးပေါင်းရင်းမြစ်များ

NDAK WIRIDNAK WENE 17:1

Nde, Abaram na woralar-e, olengen sembilan pulu sembilan (99) pem worasoma-ge, Nagawan Indo at imbiri bem nam yosolat-nen yak tosolar-e: ”An-e Mondok Namawi worak Mbal Pem Nagawan-nen yusu-o. Kar-e an-nen yidnak yidnak nak kwarosolat, pempa an nindi-nen pidnak nak kwarosolat wolmin-o.

NDAK WIRIDNAK WENE 48:15

Iri rak unpuruk, Yusup na imbiringgat tak onposolat-nen yosolar-e: ”Mbal Pem Nagawan iri-ge nomborak Abaram min Isak min-nen erembel wanugwi Nagawan Indo-nen yusu-o. At iri-net an-e pem lit niyuruk noso-net, yawo na lit niyuruk nusu-o.

NDAK WIRIDNAK WENE 5:1

Aram-nen wigarak wonarag-e yu-o. (Mbal Pem Nagawan-nen nandug-et ap ndak worak inpid iri na-ge at Mbal Pem Nagawan ondomok abage ndak worag-e ndak wat enpamu-o.

NDAK WIRIDNAK WENE 5:22

Ambara iri ndaguruk woralar-e, indi-ge Mbal Pem Nagawan imin kundik woralar-o. Nde, olengen tiga ratus (300) iri woralar-e, elirak erep na ndagij-er-o.

NDAK WIRIDNAK WENE 5:24

Eid Mbal Pem Nagawan imin panggarak woraso me-ge, Mbal Pem Nagawan-nen wanosolat, lak agaij-o.

NDAK WIRIDNAK WENE 7:1

Nagawan Indo-nen Nu yak tosolar-e: ”An-nen kasolar-e, kat karik karag-et nak an nindi-n pidnak kwarosola keyasu-o. Iri bem-e kat kogwe min kelirak onkwela inmin-e kit nak ndigi ndegesa e koma wi wirigen iri arem nggwer-o.

2 SEMUEL 22:24

An-nen lugud tak kwarugwi keya buruk, lugud tak kwarigit lak woraso iri-ge ar-e arur-o.

1 NAGAWAN NAGAWAN-NEN KWARIDNAK WENE 3:6

Yosoloma, Salomo-nen yosolar-e: ”Kat-nen ndegel koboso nap an neid Ndaut abuwa mondok kwarat kaigen-o. At-nen tugup lak woralat, ndemeret mot mot kat keram-nen kwarosolat worala me, kat-nen pempa abuwa kasolat wolmomtak pem yenggerak purak pem-e kat-nen ambara misik wok tigenma, yawo ondolma men yigirik o tena unpurak worasu yur-o.

AYUP 1:1

Nde, o Us nggweyak pem iri me-ge ap misik woragij-o. Iri unu-ge Ayup. At iri-ge Mbal Pem Nagawan imin kundik worasolar-e, imin tugup lak irit woragij-o. Nde, ar-e konak nap woralat, indi nggat nggat worak, meya na marig-et tet kwaroso buk irit woragij-o.

AYUP 1:8

Yosoloma, Nagawan Indo-nen kin wok obosolar-e: ”Kar-e an ndegel noboso nap Ayup-nen worasu abage iri-ge kwara kaigen, lak? Yi wi ndi wi oboksa-nen mbi at Ayup iri nggal indi tugup lak, konak iri nggal mbi worali bug-o. At iri-ge an nak kek tak nobosolat, meya mbi mondok kwarusu bug-o” luk yak tij-o.

NDAWI ENGGA 37:37

Konak nap, ondomok indi-net mot mot kwaroso nap iri na kwara lombot pi-o. Ap kona lambuk tak wolmomtak yebet kasu nab-e at-nen wigarak wolma-t nde,

NDAWI ENGGA 37:39

Nagawan Indo-nen-e ap at indi aye worak woragwi nab-e anggun panggun enpem mbidnak tarem-e inmiri yosolat nggetlel unpuruk woraso-o.

ABAKUK 2:4

Kenaru wolmer-o. Meya kwarugwi nab-e inmiri yuwa bug-o. Alat nde, Mbal Pem Nagawan indi-nen pidnak kwat tenak worasu nab-e at-nen tugup lak Mbal Pem Nagawan-nen yidnak yidnak kwat tenak worasu bem-et mondok urug-et wolma-o” luk yij-o.

LUKAS 1:6

Nagawan Indo-nen ”Irit kwarurag-o” yidnak min imiri mbarak pidnak wene min iri-nen yidnak yidnak nak kwarogola-ge, Mbal Pem Nagawan-nen it enmberek eneyasolar-e, it enmbereg-e mot mot kwarugwi irit eneyagaij-o.

LUKAS 2:25

Nde, iri tarem-e ap misik unu-ge Simeon iri-ge Yerusalem woragaij-o. At iri-ge Mbal Pem Nagawan indi aye worak konak nap woralar-e. Mbal Pem Nagawan-nen Isarael nap inmiri yurak iri na yik karok woralar-e, Konak Indi at imin irit woragaij-o.

LUKAS 23:50

Ap mbi unu-ge Yusup irit woragaij-o. At iri-ge Yawuri nap enma Arimatea-nen lobok yidnak nab-o. Ar-e konak nap, lud tak nak kwaroso nap, Mbal Pem Nagawan-nen tenagaidnak wi lobok yuwa-o luk yik karok woraso nap irit woragaij-o. Ar-e wene mbaroso nab-et nde, it-nen wene mbarogolat, it-nen Yesus kwat obogolat kwarogola-ge, ar-e ennggendumu nggwigit lag-o.

YIDNAK YIDNAK WENE 10:22

Yak ondosoloma-ge, it-nen yogolar-e: ”Nir-e san winde wari Korenelius eram-nen lobok yige-o. Nde, Korenelius iri-ge mot mot kwaroso nap, Mbal Pem Nagawan aye worak nab-o. Nde, Yawuri nap pidsa-nen erembel wanugwi nab-o. Marak aid nap-nen Korenelius na yak tosolar-e: ’At-nen yak kuruwa wene kolonok-nen an nama lobok yi-o luk Peterus na yonggo bi-o’ luk yak tamu-nen lobok yige-o” luk yiga-o.

OROMA 1:17

Aid wene na-nen-e Mbal Pem Nagawan-nen at ondomok imin ap mot tak onposo wene iri nam tak pij-o. Mot tak onposolar-e, it inndi angin tubu yidnak kuri-net woroksiyem-e inndi angin tubu yidnak pem nak wolma nab-e Mbal Pem Nagawan engga mbarak pem-nen yosolar-e: ”Inndi angin tubu yidnak pem Mbal Pem Nagawan-nen lud tak nak inpidnak nab-e unlug-et wolma-o” luk yid iri nggal-nen yusu-o.

NGGALATIA 3:11

Nde, imiri mbarak pidnak wene bem-e Mbal Pem Nagawan-nen-e ap lud tak nak onposo bug-o luk nam-et kali-o. Mbal Pem Nagawan engga mbarak pem-nen yosolar-e: ”At indi angin tubu yidnak pem-nen Mbal Pem Nagawan imin lud tak nak ibidnak nab-e urug-et wolma-o” luk mbarij-o.

IBERANI 11:7

Nde, Nu na indi angin tubu yidnak pem-net Mbal Pem Nagawan-nen-e abok-nen kwat momtak wene yak tosola, kuluruk, indi kwiye luk, at erengen-nen kagit lak mende-t nde, Mbal Pem Nagawan-nen yidnak yidnak kwarosolar-e, at min ogwela min inmiri yurak e koma wirij-o. Iri kwarosolat-nen-e nggweyak ma woragwi nap oboksa enpem wene mbarosola, at indi angin tubu yidnak pem-e Mbal Pem Nagawan-nen at lud tak nak tak ibij-o.

1 PETERUS 2:5

Kir-e kunlug-et woragwi kerep-nen yili me, kit wok kunpuruk Mbal Pem nagawan uwi indi amanggim o iri wat momtak kerep iri kinndi mer-o. Iri nggal kwarogolar-e, kir-e tepan ombo marak kwat luk, Yesus Kerisut ebem kir-e Mbal Pem Nagawan amanggim wam wosa kan pogola-ge, Mbal Pem Nagawan-nen-e kit-nen pidnak mende bem-e alen kujwa-o.

2 PETERUS 2:5

Nde, nanduk woraiga nap na irit, Mbal Pem Nagawan-nen keya inpigit lak, are, yidnak yidnak kwarigit lak nap enpem wene mbarosolar-e, yi tu kuwarak pamu yi-nen nok inpij-o. Mbal Pem Nagawan-nen inmiri yosolar-e, lud tak kwarugwi wene tomboroso nap Nu min ap enpe tuju min nak inmiri yij-o.