NDAK WIRIDNAK WENE 6:3 - Nanduk Ngget Tul Pidnak Wene

³ Iri kwarogola, Nagawan Indo-nen yosolar-e: ”Nggweyak ma nap yu-ge unluk nak woralik nalik wolmomtak iri-ge an-e mondok nisili-o. It yu-ge urugup worak mende mondok wat momtak mende-net nde yili-o. It yu-ge yawo kuri-nen it unluk woragolat olengen seratus dua pulu ombol nggwe nggal wolmomtag-e mondok lag-o” yij-o.

NDAK WIRIDNAK WENE 6:3 ပူးပေါင်းရင်းမြစ်များ

NDAK WIRIDNAK WENE 6:2

Mbal Pem Nagawan elirak-nen yik eneyagolar-e, mondok ndugum kigirik nak yik eneyagoluk, it Mbal Pem Nagawan elirak ereba na-nen-e it inndi-nen nak nggweyak ma nap-nen ndiridnak ndugum ereba na yena wanogolat woraiga-o.

NEMIA 9:30

Iri kwarogola-t nde, kat-nen mamak puruk worasolar-e, nggomo ondosolar-e, yi olengen ndi olengen lak tak pigenma-o. Iri kwarosolar-e, kat kindi-nen it yak ondosolat-nen kat kene lomboksa yugwi nap enemndam tak posolar-e, nggomo kwarat yak indiga-t nde, kilirak iri-ge eneyanggo nggitlik puruk kwarogola-ge, ap enlem lombok yi wi ndi wi worali nap ereba na ininggem kegera keya inpigen-o.

NDAWI ENGGA 90:10

Nit nunluk woragolar-e, olengen tuju pulu (70) nak worali-o. Nde, nit nde siyak nenmawi woragolat-nen-e olengen-e delapan pulu (80) nak worali-o. Alat nde, ereya woragolar-e, anggun panggun min andi bandi min nak worali-o. Nunluk marig-et worarug-e, nir-e mondok lak yili-o.

YESAYA 5:4

An-nen idnak anggut yabu yu-ge an-nen kwat oboso bug-e no nggal kwat uburak kali-o? An-nen-e engen undu konag-et yuwa-o luk nindi ebem worasoma-t nde, noluk-nen engen-e amak worak nde yij-o?

YESAYA 63:10

it-nen-e Nagawan Indo imin wim mbarogolat, indi abi kalak pogolat woraiga-o. Iri yogola-ge, ar-e it inmin sirid nap kwat yosolar-e, it inmin wim mbarosolat woragij-o.

WONARIDNAK WENE 11:17

Nde, an-e iri me mbuwamindik, wene mbarul-o. Amawi kat wok kirigi ereba na-ge ereb-e menggesa it enpem pimin-o. Nde, kat karig-et nak angin pangin iri-ge meya-o. Ap kwarat yu ndegel unpurak yabu iri-ge kat yongga korogolat ereb-e it-nen wanurag-o.

YOANES 3:6

Ki nap-nen ndet onpogolar-e, ki nab-et ndet unpugwi-o. Nde, Konak Indi-nen ndet onposolar-e, inndi-t ndet onposo-o.

YIDNAK YIDNAK WENE 7:51

Kit kinndi tulubuk nap wa-e. Kinndi ambasap wabigit lak, keneyanggo al wabugwi buk nap kir-e noluk-nen Konak Indi ene-ge pempa kuligit lak nak yili-o? Kit kenlawingga-nen kwarogolat woraiga na nggal-et kit na iri nggal-et kwatli-o.

1 TESALONIKA 5:19

Konak Indi-ge nigirik purak pug-o.