NDAK WIRIDNAK WENE 6:2 - Nanduk Ngget Tul Pidnak Wene

² Mbal Pem Nagawan elirak-nen yik eneyagolar-e, mondok ndugum kigirik nak yik eneyagoluk, it Mbal Pem Nagawan elirak ereba na-nen-e it inndi-nen nak nggweyak ma nap-nen ndiridnak ndugum ereba na yena wanogolat woraiga-o.

NDAK WIRIDNAK WENE 6:2 ပူးပေါင်းရင်းမြစ်များ

NDAK WIRIDNAK WENE 12:11

At na mberarik, Mesira nggweyak kuri worak iri na me nggweyekluk-nen ogwe Sarai na yak tosolar-e: ”Nogwe kar-e mondok kerare na konak me,

NDAK WIRIDNAK WENE 24:3

’An-e Nagawan Indo Mbal Pem Nagawan mbal min nggweyak min tena woraso owag-o. Kat kambara Isak amanggim kwe-ge o Kanaan yu kweyab-e mondok kore yimin pug-o’ luk yi-o.

NDAK WIRIDNAK WENE 26:35

Nde, kweyap mberen ereya enpage-nen ndowaga Isak min Iripka min-e indi abi kala keya bogolat woraiga-o.

NDAK WIRIDNAK WENE 27:46

Yak turuk, Iripka-nen Isak yak tosolar-e: ”An-e Esau ogwerak erem nin kweyap wanid yeba yik iniyudtag-e mondok nisili kwarat yusu-o. Iri ala, Yakup min-et Et kweyap ndugum yeba wanurak ala-ge, an-e no manggim nuruk wolmomtag-o? Mondok wat yeg-o” luk yij-o.

NDAK WIRIDNAK WENE 3:6

Yak tosoloma, kwe na-nen e konak iri na yik kasolar-e: ”Engen konak irit undu kayeg-o” luk perasolar-e: ”An-e oboksa naru yosolar-e ob-er-o” luk peragij-o. Perarug-e, e iri na engen mbararik, ninggij-o. Nuruk, ereb-e un wok tamu, un iri na ninggij-o.

NDAK WIRIDNAK WENE 4:26

Nde, Set na-ge ambara misik ndaguruk, unu-ge Enos yarij-o. Nde, ereya tarem-e ap-nen Nagawan Indo kek tak pogolat, at unu yugwi tel kwiriga tarem-o.

NDAK WIRIDNAK WENE 6:1

Ap kwarat luk, yi wi ndi wi nggweyak urugwe ombol wigak luk woragolar-e, li kwami ndet onpogolat worakmu-ge,

NDAK WIRIDNAK WENE 6:3

Iri kwarogola, Nagawan Indo-nen yosolar-e: ”Nggweyak ma nap yu-ge unluk nak woralik nalik wolmomtak iri-ge an-e mondok nisili-o. It yu-ge urugup worak mende mondok wat momtak mende-net nde yili-o. It yu-ge yawo kuri-nen it unluk woragolat olengen seratus dua pulu ombol nggwe nggal wolmomtag-e mondok lag-o” yij-o.

2 SEMUEL 11:2

Nde, misik tarem-e keyama nggwe-ge Ndaut na nene luk men yosolar-e, at uwi ngguwa mbirik yamuk tak ereba na bem waring kil nosolat-nen yik kagaidnggal-e, kwe mondok konak mbi aboro marosola, yik kagaij-o.

ESERA 9:12

Mbal Pem Nagawan kene lomboksa yugwi nap ereba-nen yak nondogolar-e: ’Kir-e enlem nin kweyap min ap min mondok wok kerak mburak pug-o. Nde, kit nde kenmawi kondogolat, nggweyak iri bem yagidnak mende na nonggolat, nggweyak iri na kit-nen wigarak-nen winde luk pempa woragolat makluk, kit-nen-e o iri me woragwi nab-e yi mende ndi mende bem ndak woragolat, yamuksa woragolat yurak pem yongga undurak pug-o’ luk yak nindiga-o.

AYUP 1:6

Nde, misik tarem-e aid arem woragwi ereba na Mbal Pem Nagawan eram ndok worogola-ge, at Sere na inmin-et wok yij-o.

AYUP 31:1

An-nen mondok watsa owak mbarosolar-e: ”Kweyap ndugum yik eneyasolar-e, mondok nindi-nen nok inpimin pug-o” luk owak mbarigi-o.

MBIRIGA WENE 34:16

Kit kinlirak-nen nde erem nin kweyap wanogola-ge, onkwerak-nen ndowaga an keya nuburuk it unkugwiwak nde erembel wanuwa-o.

YESAYA 63:16

Kar-e nit nineid-net yusu-o. Abarakam min Yakup min-e nir-e enaru bug-et nde, Nagawan Indo wa-e. Kar-e nit nineid, o nanduk ereba-net nit ninmiri yoso-nen yusu-o.

MALEAKI 2:11

Nde, Yewura nab-e Mbal Pem Nagawan-nen it inmin urul pid wene iri na kwid togolar-e, Yerusalem min iri me oboksa min ereba na me-ge meya unmunggum pil kagwi mende kwatli-o. It-nen Nagawan Indo uwi at indi kundik iri na emben to rak pogolar-e, erem nin nap unkugwiwak erembel wanugwi kweyap ereba na inmin wok kerak mbogolat kwatli-o.

MALEAKI 2:15

Mbal Pem Nagawan misiget iri na-net kit min konkwerak min-e kenpe min kinndi min-e misiget tak kinpid iri na-ge lag-a? Iri kwasa kinpid iri-ge Nagawan Indo indi-ge no peraruk-nen kinpij-o? Iri kwarid iri-ge nin pem-nen-e lag-o. Kit-nen kinlirak ndakola, kinlirak ereba na-ge ndemeret Mbal Pem Nagawan ilirak kwat makluk-nen kwarak kenpamu-o. Iri ala-ge, kit kennggendumu-nen konkwerak inmin tugup lak woragit lak yugub-o luk, kit na kit-net kondomok tak kinndi towarak wolmer-o.

1 KORINTUS 7:39

Un uruk worasola-ge, ogwe-ge un panggarak worasu-t nde, un na wat yosola-ge, at-nen indi nin nap ebem puruk, wanurag-e op-nen yusu-o. Alat nde, Nagawan Indo ebem indi angin tubu yidnak nab-et wanurag-o.

2 KORINTUS 6:18

An-e kit Kineid yosolat, nde, kir-e an nilirak li ap nde, li kwami nde tugub-o luk Amawi Kwarat worak Nagawan Indo-nen yij-o.”

2 PETERUS 2:14

It inndi kundig-e mbabi yugwi kwami iri na enpem enlengen yumburugwi me, ir-e meya kwarurak pem insili yoso bug-o. It iri-nen-e kwara inndi angin tubu yigit lak nap na enare pili-o. It inndi-nen ukwe akwe bem mbarak purak puk mamarak pidnak me, it iri-ge Mbal Pem Nagawan-nen inmbiri lamut tak inpidnak-nen yili-o.

1 YOANES 2:16

Nggweyak ma woraso mende pidsa-ge yu-o. Enaboro-nen ukwe ukwe yugwi mende min enlengen-nen karuk ukwe ukwe yugwi mende min nggweyak ma mende bem ap-nen ondomok entembel wanugwi mende min iri-ge Nineid eram-nen lobok yidnak mende-nen yusu-ge lag-o. Nggweyak ma-nen idnak mende-net yusu-o.