NDAK WIRIDNAK WENE 5:22 - Nanduk Ngget Tul Pidnak Wene

²² Ambara iri ndaguruk woralar-e, indi-ge Mbal Pem Nagawan imin kundik woralar-o. Nde, olengen tiga ratus (300) iri woralar-e, elirak erep na ndagij-er-o.

NDAK WIRIDNAK WENE 5:22 ပူးပေါင်းရင်းမြစ်များ

NDAK WIRIDNAK WENE 17:1

Nde, Abaram na woralar-e, olengen sembilan pulu sembilan (99) pem worasoma-ge, Nagawan Indo at imbiri bem nam yosolat-nen yak tosolar-e: ”An-e Mondok Namawi worak Mbal Pem Nagawan-nen yusu-o. Kar-e an-nen yidnak yidnak nak kwarosolat, pempa an nindi-nen pidnak nak kwarosolat wolmin-o.

NDAK WIRIDNAK WENE 24:40

Yosolakmu-ge, at-nen yosolar-e: ’An-nen idnak Nagawan Indo pempa an-e at-nen yidnak yidnak kwaroso Nap iri-nen idnak aid nap-nen-e kat yongga korosola, kat-nen yabu wanugun iri-ge ebe worak ma-o. Nde, an nambara amanggim kwe-ge an nerem nap an neid owe owot-nen nderak ennggendumu-net kagun-o.

NDAK WIRIDNAK WENE 48:15

Iri rak unpuruk, Yusup na imbiringgat tak onposolat-nen yosolar-e: ”Mbal Pem Nagawan iri-ge nomborak Abaram min Isak min-nen erembel wanugwi Nagawan Indo-nen yusu-o. At iri-net an-e pem lit niyuruk noso-net, yawo na lit niyuruk nusu-o.

NDAK WIRIDNAK WENE 5:21

Enok na olengen enam pulu lima (65) worarug-e, li ap mbi ndagid iri unu-ge Metusala.

NDAK WIRIDNAK WENE 5:23

Nde, at nggweyak ma yu me woralar-e, olengen tiga ratus enam pulu lima (365) woragij-o.

NDAK WIRIDNAK WENE 5:24

Eid Mbal Pem Nagawan imin panggarak woraso me-ge, Mbal Pem Nagawan-nen wanosolat, lak agaij-o.

NDAK WIRIDNAK WENE 6:9

Nu woraidnak wene-ge yu-o. Nde, Nu elirak ap nak kenan unnu-ge Sem min Am min Yapet min woraiga-o. Nde, Nu na woralar-e, meya mbi kwarigit lak irit woralar-e, at woragid tarem ereya-ge at arig-et nak konak nap irit woragij-o. Woralar-e, Mbal Pem Nagawan imin panggarak irit woragij-et nde,

1 NAGAWAN NAGAWAN-NEN KWARIDNAK WENE 2:4

Kat-nen nde Nagawan Indo-nen yidnak yidnag-et kwarosola-ge, at-nen an nimin urul posolat: ’Kat-nen wigarak-nen-e Isarael nap tena unpuruk wolma-o. Mbigija-ge it-nen inndi min enpe min ebis-et tugup lak pempa-nen an-nen yidnak yidnak kwat tenak wolma iri nag-o’ luk yid iri na-ge kwaruwar-o.

2 NAGAWAN NAGAWAN-NEN KWARIDNAK WENE 20:3

”Nagawan Indo wa-e. An-e nondomok nindi-net kat kerembel tugup lak wanosolat, pempa kat-nen nebem pidnak nak kwarurak namawi kondoso-o” luk tepan yosolar-e, Isikia iri na-ge yip kondok lud mbij-o.

NDAWI ENGGA 116:9

Iri kwarosola, an-e Nagawan Indo erengen pem waring kasolar-e, ap woragwi sa nggweyakma yu me waring kasu-o.

NDAWI ENGGA 16:8

An-e pempa Nagawan Indo ebem nindi mbung mbung tak worasu-o. Ar-e an neram worala karuk, an-e tugup lak woramin-o.

MBIRIGA WENE 16:4

Yogola, Nagawan Indo-nen Musa yak tosolar-e: ”Yawo-ge an-nen kit pidsa kenmanggim nunggwi mende kwarat talme nggal nggilara pil mbuwamin-o. Iri yumu, kir-e pempa o misik tarem norak ndak wosa nak ndok worogolat wolmomtag-o. An nelem nab-e iri yak indigi iri bem an-nen yidnak yidnak kwaruwa, lak? luk enabut mbarimin-o.

OSEA 14:9

Nde, Isarael nap-nen-e unkugwiwak ndak wosa pidnak mende ereba na-ge abu mbo buwa-o. An-nen-e it ndegel onposolat, it-nen tepan yuwa-ge an-nen-e enne kulimin-o. E angga pempa miri ludtak woraso nggal, an-nen nindipma rak onposolat woramin-o. An-e it inmbiringgat tak poso elem-net yusu-o. Nagawan Indo an-net yusu-o” luk yij-o.

AMOS 3:3

Mberen nap-nen ”Iniksa mburul-o” luk enmberek wene mbarigit lak-nen-e enmberek lambuksa mburugwi-a?

MIKA 4:5

Nggweyakma yu me-nen-e ap enlem oboksa ondomoktak-nen it unkugwiwak lombog-et erembel wanogolat, unkugwiwak-nen yidnak yidnag-et kwarogolat woragwi-o. Alat nde, nir-e Nagawan Indo Nenmbal Pem Nagawan-nen yidnak yidnag-et kwarogolat, pempa at erembel wok tenak wulmul-o.

MIKA 6:8

Iri nggal-e lag-o. Nagawan Indo-nen-e konak kwarurak irit mirik ninpij-o. Nde, iri-ge nit-nen kwarurak nenpem pusu-ge yu-o: Nit-nen mot mot kwarogolat, pempa enabuwa kagwi nggok tak pogolat, ninndi tebe luk, Nenmbal Pem Nagawan iri na imin kundik woragolat kwarurak irit nenpem pusu-o.

MALEAKI 2:6

Iri-nen it-nen mul ondogolar-e, lugud tak nggwe mul indigit lak, ndemeret mot mor-et mul indiga-o. Ir-e an nimin mondok panggarak woragolat, mot mor-et an nindi-nen pidnak ndak ndag-et kwarogolat woraiga-o. Iri-nen it-nen ap kwarat meya kwarugwi iri na kwarigit lak makluk, yongga ondogolat woraiga-o.

LUKAS 1:6

Nagawan Indo-nen ”Irit kwarurag-o” yidnak min imiri mbarak pidnak wene min iri-nen yidnak yidnak nak kwarogola-ge, Mbal Pem Nagawan-nen it enmberek eneyasolar-e, it enmbereg-e mot mot kwarugwi irit eneyagaij-o.

YIDNAK YIDNAK WENE 9:31

Yurea-nen na irit, Nggalilea-nen na irit, Samaria-nen na irit, lambuk tak inpidnak nap inndi yamuksa woragolat, inndi ogore yogolat woraiga-o. Nagawan Indo aye worak woragolar-e, Konak Indi-nen it inndi yangonosolar-e, misik nambek, misik nambek tak puruk, ap kwarat yiga-o.

OROMA 8:1

Iri yidnak pem-e yawo-ge Kerisut Yesus imin kwin yidnak nap nenpem wene mbi mbaruwa bug-o.

1 KORINTUS 7:17

Ap pidsa-ge Nagawan Indo-nen it wolmomtak wok indidnak iri na bem-et woragolat, Mbal Pem Nagawan-nen wene mbo inpidnak iri na bem-et woragolat mag-o. ”Irit kwasa wolmer-o” luk an-nen-e lambuk tak inpidnak nap oboksa yak undusu-o.

2 KORINTUS 6:16

Mbal Pem Nagawan uwi min kugiwak min erep kundik wolma, lak? Nde, nir-e uruk nak woraso Mbal Pem Nagawan uwi-nen yili-o. Mbal Pem Nagawan-nen yosolar: ”An-e it inmin woralat, it ennggenggerak woralar-e, An-e it Enmbal Pem Nagawan kwat yosolat, Nde, ir-e an nelem nab-et kwat yogolat ma-o” luk yij-o.

EPESUS 5:15

Iri bem-e, kit-nen kwarogolat woragwi mende-ge kinndi kwara mbenarogolat wolmer-o. Wid-nen kwarugwi nggal kwarurak pug-o. Are, inndi nggat nggat worak-nen kwarugwi nggal kwarogolat wolmer-o.

TUGURUK YIDNAK WENE 13:4

Kit-nen kwarogolat wolmomtak tula Nagawan Indo-nen mirik kinpidnak tula iri na lugud tak kenpeyekluk-nen kwaruwa me, ap iri nggal-e mondok abu wururag-o. Ap iri-ge anggun panggun tak kunpugwi sa-nen wisirik kinpid Nagawan Indo Kenmbal Pem Nagawan iri na imin sirid mbaruwakluk kwat kunpusu iri-ge meya yoso nap-net yusu-o. Iri kwaroso nab-e meya iri nggal kit kennggendumu-nen lak makluk mondok wururag-o. Alat nde, kir-e Nagawan Indo Kenmbal Pem Nagawan imbirik nak mborogolat, at nak kek tak obogolat, at-nen kenpem pidnak nak kwarurag-o. Kir-e pempa mondok at imin nak panggarak wolmomtag-o.

KOLOSE 1:10

Iri rak konposola-ge, Nagawan Indo erengen pem kir-e ndak ndak yogolat, yi mende ndi mende bem at alen tak ubugub-o. Nde, kit-nen yi kwatlik ndi kwatlik kwarogolar-e, engen-e konak nak pogolat woragub-o. Nde, Mbal Pem Nagawan kenaru yogolat na, kwarat kenaru yuwa-o.

KOLOSE 4:5

It inndi angin tubu yigit lak nap inmin-e kinndi-n yebet karuk-net kwarurag-o. Kit kinmin woragola tarem iri-ge nanongga-nen yusu-o.

1 TESALONIKA 2:12

Mbal Pem Nagawan-nen tenagaidnak wi min at unu kek tak pidnak min at totno wanobok-nen wene mbo kinpid Mbal Pem Nagawan na alen tak pobokluk-nen nit-nen-e nggomo kondogolat, keneyak marogolat, kiri keresa yak kondogolat yige-o.

1 TESALONIKA 4:1

Nanggamirak wa-e. Nir-e Nagawan Indo Yesus unu bem wene misik kwarobokluk kenmengen mbatli-o. Mbal Pem Nagawan indingen tak purak pem kwarogolat wolmomtak mende kwarobokluk mirik kinpige nar-o. Nde, kit iri nggal kwatli-t nde, mondok kwara kwarogolat worabog-o luk nggomo kindili-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.