NDAK WIRIDNAK WENE 48:5 - Nanduk Ngget Tul Pidnak Wene

⁵ Nde, wene na erep kundig-et yosolar-e: ”An o yu me wok yigit lak ma o Mesira yu-nen nderak kat kilirak Eperaim min Manase min ya-ge an nilirak-net yili-o. An nambararak Uruben min Simeon min nggal-net yili-o.

NDAK WIRIDNAK WENE 48:5 ပူးပေါင်းရင်းမြစ်များ

NDAK WIRIDNAK WENE 48:1

Nde, misik tarem-e Yusup-nen kolel kagidnggal, ”Eid na-ge kugwi meya sa worak worasu-o” yogola kulurug-e, ambara mberen Manase min Eperaim min inmin lug-e Yakup kil lobok yij-o.

NDAK WIRIDNAK WENE 48:6

Nde, kat-nen tuguruk kilirak ndet unpugun iri-ge an nilirag-e lag-o. Iri-ge kat kondomok kilirag-er-o. Nde, it-nen mining angge wanogolar-e, Eperaim min Manase min-nen wok unduwa-o.

YESAYA 43:1

Isarael wa-e. Nagawan Indo-nen yak kondosolar-e: ”An-net kwarak kobosolat, ndak wat kobosolat kwarukmu-o. Kar-e kwiye yurak pug-o. An-net mondok kimiri yimin-o! An-nen-e kat kunu luk, wene mbo kubukmu-o. Kat yu-ge an narengge-nen yusu-o.

MALEAKI 3:17

Nagawan Indo Mondok Amawi worak iri na-nen yosolar-e: ”It iri-ge an nilirak kwat ma-o. Nde, an-nen kwarimin tarem-e it iri-ge an nindi kundik irit kwat ma-o. Nde, ap misik-nen at ndegel oboso ambara abuwa kaso nggal, iri nggal-et it enabuwa kamin-o.

2 KORINTUS 6:18

An-e kit Kineid yosolat, nde, kir-e an nilirak li ap nde, li kwami nde tugub-o luk Amawi Kwarat worak Nagawan Indo-nen yij-o.”

EPESUS 1:5

Ar-e nit nenabuwa kaso bem-net Yesus Kerisut ebem ala, Mbal Pem Nagawan-nen-e nir-e at ilirak tak nunpurag-e nanduk-net iri mondok lud tak puruk woragaij-o. Iri rak nonposolar-e, at alen min-et at indi-nen puruk kwarij-o.

IBERANI 11:21

Nde, Yakup na indi angin tubu yidnak pem-net at wat eyekluk yosolar-e, ereya na-net Yusup ilirak na enarik tak inmbiringgat tak unpuruk, at owangun erep pem imbiri kundugu puruk, nggulal yosolat-nen Mbal Pem Nagawan emengen mbarij-o.