NDAK WIRIDNAK WENE 47:9 - Nanduk Ngget Tul Pidnak Wene

⁹ Yakup-nen yosolar-e: ”An-e we waring tenak nak woralar-e, olengen-e seratus tiga pulu (130) nak worasu-o. Nde, an-nen nde nomborak-nen waring tenak woraiga olengen min nde ndak worosolar-e, it woraiga olengen-e ombol nggwe-t nde, an-e andi bandi nak woralat, olengen-e poro-t worasu-o” luk yak tij-o.

NDAK WIRIDNAK WENE 47:9 ပူးပေါင်းရင်းမြစ်များ

NDAK WIRIDNAK WENE 35:28

Nde, Isak iri na-ge olengen seratus delapan pulu (180) irit worasolat, indi worak luk irit wat yamu, ambararak Esau min Yakup min-nen yapma ibiga-o.

NDAK WIRIDNAK WENE 47:28

Nde, Yakub-e o Mesira mbarik woralar-e, olengen tuju belas irit woragij-o. Nde, lambuksa-ge olengen-e seratus empat pulu tuju (147) irit woragij-o.

NDAK WIRIDNAK WENE 47:8

Pirayon-nen Yakup kin wok obosolar-e: ”Kat ndesa mbigen kuri olengen-e nunggwirik worasu-o?” yosoloma,

NDAK WIRIDNAK WENE 5:27

Iri rak purug-e, olengen sembilan ratus enam pulu sembilan (969) woraruk, wat yij-o.

NDAK WIRIDNAK WENE 50:26

Wene iri yak unduruk woralar-e, Yusup na-ge Mesira-nen wat yij-o. Nde, Yusub-e olengen-e seratus sepulu (110) woraruk wat yij-o. Wat yamu-ge emben me naru, emben lak tak poso amburu ndara keya buruk ap wat yogola inpil nggurak ondoro labu mbara kona pidnak mbi arem pil nggwiga-o.

AYUP 14:1

Nggweyakma nab-e ndesa mbogolat-net ndeyak enmawi lak irit ndesa mbugwi-o. Unluk woragolat na poro bem-et woragolat, andi bandi nak woragwi-o.

MBIRIGA WENE 6:4

An-e it inmin-e urul pi-net yak undukmu-o. An-nen urul yak ondosolar-e: ’Kit nanduk ap sal nggal woraigep sa o Kanaan iri-ge kir-e wok kindimin-o’ luk urul yak undukmu-o.

MBIRIGA WENE 7:7

Musa-ge olengen-e delapan pulu (80) bem, nde, Arun-e olengen delapan pulu tiga (83) bem-nen woragolar-e, iri bem-e it enmbereg-e Mesira nagawan iri na eram wok luk wene yak tiga-o.

2 KORINTUS 5:6

Iri bem, nir-e pempa kwiye lag-et worali-o. Nit nenpe yu arem woragolar-e, Nagawan Indo imin-e erepma worali-o luk nenaru yili-o.

TUGURUK YIDNAK WENE 34:7

Nde, Musa-ge olengen seratus dua pulu (120) woraruk wat yij-o. Amawi na kundugu, erengen na kubulu yigit lak irit wat yij-o.

IBERANI 13:14

Nde, nggweyak ma yu me-ge nit nunuwi pem uwi-ge lak me, abok-nen lobok yuwa o siri iri na kore yili-o.

YAKOBUS 4:14

Kup-nen kenpem mbuwa mende-ge kenaru bug-o. Kit woragwi iri-ge o age yanem-et nam luk, lak yoso iri nggal-nen yusu-o.

YOSUA 24:29

Worarug-e, Nun ambara Yosua iri na-ge olengen seratus sepulu (110) woraruk, wat yij-o.

1 PETERUS 2:11

Nenggamirak kenabuwa worak wa-e. Kir-e nggweyak ma yu me woragolar-e, ap sal nggal, ap enma woragwi nap nggal yili me, ap-nen ukwe ukwe yugwi na-nen kinndi min wim poso iri-ge keya ber-o luk an-nen kiri keresa yak kundusu-o.