NDAK WIRIDNAK WENE 47:4 - Nanduk Ngget Tul Pidnak Wene

⁴ Nde, o Kanaan iri me-ge nogoro mbud yarik me, wam norak tusuangge abu umbuk yidnak ala karuk, nir-e o yu me wolmomtak abu lobok yige-o. Iri ala-ge, nab-o. ’O Nggosen irit wolmer-o’ yak nindi-o” luk yak tiga-o.

NDAK WIRIDNAK WENE 47:4 ပူးပေါင်းရင်းမြစ်များ

NDAK WIRIDNAK WENE 12:10

Abaram na o Kanaan worasoma-ge, nogoro nggok mbi mbud yosoloma-ge, ereba me woraruk, nogoro na lak yosola-n lobok yurak puruk, Abaram na-ge abare ena nggwe ambigit Mesira mbirij-o.

NDAK WIRIDNAK WENE 15:13

Iri yosoma, ereya na-net Nagawan Indo-nen yak tosolar-e: ”Karu wolmin-o. Kat-nen wigarag-e o nin me ereba me ap sal kwat luk woragola-ge, iri me woragwi nap-nen-e mumnggup manggi rak unpuruk yemndak unpuruk woragolar-e, olengen empat ratus (400) irit wolma-o.

NDAK WIRIDNAK WENE 43:1

Mesira-nen mbato waruk lobok yiga ereba na oboksa-ge Yakup elirak onkwela inmin-nen nuruk, o Kanaan wi nere mondok kwarat alama-ge, Yakup-nen elirak yak ondosolar-e: ”Kir-e tuguruk Mesira mburugupndik, mbato siyak nenmanggim onggo bil mberer-o” luk yij-o.

NDAK WIRIDNAK WENE 45:10

Neid kat kilirak komborak inmin nde, konlomba wam nde kenkambing wam nde kensapi wam nde kenaringgi kenarengge oboksa min-et lobok yugupndik an neram panggosa o Nggosen yu me worabok-nen.

NDAK WIRIDNAK WENE 46:34

’Nir-e mondok marik pem ereba-net wam nak ndogorogolat woragwi-o. Nde, iri-ge, nanduk nonmborak-nen mamarag-er-o’ luk yurag-o. Kit-nen iri nggal yugup pem-e, kir-e o Nggosen-et winde rak kunpuwa-o” yak indij-o. Nde, Yusup-nen iri nggal yurag-o yid iri-ge it Mesira nap-nen-e wam ndugurugwi nab-e teberak nggal yik eneyaruk, inmin are kundugwi buk ala-n yij-o.

NDAK WIRIDNAK WENE 47:5

Yak togolikma, nagawan-nen Yusup yak tosolar-e: ”Yawo-ge keid min kowerak min o yu me nde worali-o.

NDAWI ENGGA 105:23

Iri yamu worala-ge, Yakup iri na-ge Mesira mberarik, ap sal nggal irit Mesira woragij-o.

YESAYA 52:4

Nandug-e Mesira mbirigepndik, ap sal nggal iri me woraigeb-o. Iri luk, imbirig-e, Asiut nap-nen erem lak ma-t nde, kit yemndak kunpuruk woraiga-o.

YIDNAK YIDNAK WENE 7:11

Iri lug-e, Mesira wi pidsa min Kanan wi pidsa min mburu nere kwarat nggosola-ge, nere-nen pabok pogolar-e, nit nenlawingga-nen norak mende-ge mondok lak yamu-o.

YIDNAK YIDNAK WENE 7:6

Iri lug-e, Mbal Pem Nagawan-nen wene yu yak tosolar-e: ’Kat ndakun lolo iri-ge nin nap enma woragolar-e, ap ngguru irit wolma-o. Woragola-ge, o iri nap-nen-e it ndegel unpugwi nap tak onpogolat, lel mberel onpogolar-e molengen lasolat mbosolat empat ratus (400) irit wolma-o’ luk yak tij-o.

TUGURUK YIDNAK WENE 26:5

Iri yosola-ge, kat-nen Nagawan Indo imbiri bem wene-ge yu nggal yurag-o: ’Nagawan Indo wa-e. Nombo-ge Aram nap, we yeba nak waring kaso nab-o. Elirak inmin Mesira mberarik, iri me ap sal nggal irit woragij-o. Mondog-et iri me mborosolar-e, enpe-ge marig-et mbiriga-t nde, ap enlem mondok nggok enmawi worak irit kwat yiga-o.