NDAK WIRIDNAK WENE 45:3 - Nanduk Ngget Tul Pidnak Wene

³ Nde, Yusup-nen owerak yeba na yak ondosolar-e: ”An-e Yusup iri nar-o. Nde, neid iri na-ge uruk worasu, lak?” yij-et nde, owerak na-ge kwiye kwarat yogola, wene onggo yurag-e mondok meya agaij-o.

NDAK WIRIDNAK WENE 45:3 ပူးပေါင်းရင်းမြစ်များ

NDAK WIRIDNAK WENE 37:20

Mondok wosa yulndik, yi mbun emnde mbaridnak sa eberek yidnak arem mberak puruk, ’Lag-o. Singa ndakngge-nen nenggamu-o’ yuwog-o. At nabi kasu iri na mbi ebe kwat ma, lak? Kujwok-nen-o” luk yiga-o.

NDAK WIRIDNAK WENE 42:21

it nak yak kerak mbogolar-e: ”Naptag-o. Nit nanduk nonowot imin meya kwarige na bem-et angin worak nenpem mbusu-o. Ar-e andi bandi kasolat-nen: ’Yongga nerer-o’ yij-et nde, nir-e karuk nak eneyak nggal tak pige na bem-e nir-e yawo-ge angin worak mende nenpem mbusu yur-o” luk yiga-o.

NDAK WIRIDNAK WENE 42:22

Yogoloma, Uruben-nen yosolar-e: ” ’La iri ebem-e yi kwatlik ndi kwatlik kwarurak pug-o’ luk nanduk yak kindigi na-t nde, kir-e an nene-ge kuligit lak yigeb-o. Iri na bem emep onggo-ge nit nunduwa-o” luk yak indij-o.

NDAK WIRIDNAK WENE 43:27

Nde, Yusup-nen it woragwi wene ereba na kin wanosolat-nen yosolar-e: ”Kit kineid ap indi worak obok yak nirigep iri na-ge ngge kwasa worasu-o? Konak worasu, lak? Kona an nenggarem kerengger-o” luk yak indij-o.

AYUP 4:5

Alat nde, yawo-ge kat iri kwaroso iri na-t kebem mbud yosola, wendet yosolat kindi kabak yusu-o.

MARAKUS 6:50

It pidsa-nen at kagolug-e, yendet wendet mbiga-t nde, Yesus-nen ndag-et nak it yak ondosolar-e: ”Kondok yer-o. An-nen yusu-o. Kwiye kali-ge meyog-o” luk yak indij-o.

LUKAS 5:8

Nde, Simon-nen iri kwat yid iri na karug-e, Yesus eralu endaru yungguksa tud yosolat-nen yosolar-e: ”Nagawan Indo wa-e. An-e meya yoso nap me, keya nuburuk mbiri-o!” luk yij-o.

YIDNAK YIDNAK WENE 7:13

Nde, mberen pem tak pogolat mbirigarik pem-e, Yusup-nen-e at na nam yaga owerak enaru rak posola-ge, Piraun-nen-e Yusup lobok yidnak na elem aru yij-o.

YIDNAK YIDNAK WENE 9:5

Kuluruk, at-nen kin wanosolar-e: ”Nagawan Indo wa-e. Kar-e ta-nen yusu-o?” luk kin wanosoloma-ge, at-nen yosolar-e: ”An-e Yesus kat-nen lel mberel noboso iri na-nen yusu-o.

NAM PARA WENE 1:7

Yik ker-o. Ar-e nggan nggan arem lobok yusu-o! Ap oboksa-nen at kagolat, tege at arem mon kaidnak nap-nen na kujwar-o. Nggweyak ma nap enlem oboksa-nen-e at ubud-nen yip kwarat yuwa-o. Ndemerer-o! Amen.