NDAK WIRIDNAK WENE 41:57 - Nanduk Ngget Tul Pidnak Wene

⁵⁷ Nde, yi wi ndi wi oboksa-nen nogoro mondok kwiye worak mbud yosola-ge, Yusup eram nunggwi mende onggo pil panggonogolat woraiga-o.

NDAK WIRIDNAK WENE 41:57 ပူးပေါင်းရင်းမြစ်များ

NDAK WIRIDNAK WENE 12:10

Abaram na o Kanaan worasoma-ge, nogoro nggok mbi mbud yosoloma-ge, ereba me woraruk, nogoro na lak yosola-n lobok yurak puruk, Abaram na-ge abare ena nggwe ambigit Mesira mbirij-o.

NDAK WIRIDNAK WENE 41:54

Yusup-nen yid iri na ndak ndag-et olengen tuju iri arem-e nogoro mbud yij-o. Nde, yi wi ndi wi oboksa nogoro worala-t nde, o Mesira wi nak perak nde nunggwi mende lid lud tak pidnak irit woragij-o.

NDAK WIRIDNAK WENE 41:56

Nde, nogoro iri na mbud yosolat, mondok nere kwarat Mesira wi oboksa kagola-ge, Yusup-nen-e mbato ndok wosa pil nggwid o ereba na tu kuwararik, Mesira nap enpem onggo wanosolat woragij-o.

NDAK WIRIDNAK WENE 42:1

Nde, Yakup-nen kolel kagaidnggal: ”Mesira iri me-ge mbato worasu-o” yogola kulurug-e, at-nen ilirak yak ondosolar-e: ”Noluk kir-e kindi abu nak worali-o?

NDAK WIRIDNAK WENE 42:5

Nde, o Kanaan iri me nogoro mbud yidnak me, Yakup ilirag-e ap erep inmin-et mbato onggo bil Mesira mbiriga-o.

NDAK WIRIDNAK WENE 42:6

Nde, yi wi ndi wi-nen lobok yidnak nap enpem mbato onggo wanoso nab-e Mesira iri me ese (Ngguberenot) Yusup iri-net onggo wanosola me, owerak na eram wok yogolar-e, yud tud mbiga-o.

NDAK WIRIDNAK WENE 43:1

Mesira-nen mbato waruk lobok yiga ereba na oboksa-ge Yakup elirak onkwela inmin-nen nuruk, o Kanaan wi nere mondok kwarat alama-ge, Yakup-nen elirak yak ondosolar-e: ”Kir-e tuguruk Mesira mburugupndik, mbato siyak nenmanggim onggo bil mberer-o” luk yij-o.

NDAK WIRIDNAK WENE 47:14

Iri yogolar-e, ap-nen nggandum mbato ereba na onggo bogola-ge, Yusup-nen mbato onggo pidnak tol-e nagawan woraso sa ndok wosa posolat woragij-o.

NDAK WIRIDNAK WENE 50:20

Kir-e an meya rak nubuwakluk wene mbarigeb-et nde, ap yawo worali yeba inmiri yuwakluk, Mbal Pem Nagawan-nen-e meya kwarigep iri na-ge nden yaga konak kwarurak nde kwarak pij-o.

TUGURUK YIDNAK WENE 9:28

Kat-nen nde kelem nap lak tak unpugunmu-ge, Mesira nap-nen yogolar-e: ’Ar-e ndegel unpuruk, o urul yak indid iri na me mbururak amawi lak ala karuk, isili rak unpuruk-nen nembaga ereba-nen lak tak inpij-o’ luk yak kuruwa-o.