NDAK WIRIDNAK WENE 41:41 - Nanduk Ngget Tul Pidnak Wene

^41-42 Yurug-e, nagawan-nen manggo inggi ngga misik pem at-nen tenagidnak wi ut mimirik inggi bem na yonggorosolar-e, Yusup inggi ngga misik pem posolat-nen yosolar-e: ”Manggo yu bem-nen kar-e o Mesira wi yu oboksa enanggul pem woranokluk ese (Ngguberenot) mendak kubusu-o” luk yirik pij-o. Iri rak purug-e sum mondok konak misik Yusup yirik obosolat, emas posid kere misik Yusup umukmu yirik ibij-o.

NDAK WIRIDNAK WENE 41:41 ပူးပေါင်းရင်းမြစ်များ

NDAK WIRIDNAK WENE 39:22

Indingen tak purug-e, o kubu me ombo iri na-nen-e o kubu me inpidnak nap ereb-e Yusup-nen yik eneyarok wolmakluk ebem posolat, o kubu me iri me-nen kwarugwi murugwi yabu na-ge Yusup inggem pamu, at-nen kwarosolat woragij-o.

NDAK WIRIDNAK WENE 39:5

Ereba na oboksa Yusup inggem pamu, wanosola-ge, Yusup-nen ndowaga Nagawan Indo-nen-e Mesira nap iri na aringgi arengge ma nggwe-nen na irit, mbepme nggwe-nen na irit, mondok imbiringgat tak posolat woragij-o.

NDAK WIRIDNAK WENE 41:44

Pirayon-nen yosolar-e: ”An-e nagawan kek tak-nen yusu-o. O Mesira woragwi nap oboksa-nen-e Yusup-nen ’Ob-o’ yigit lak ma-ge mondok yi kwatlik ndi kwatlik kwarurak pug-o” luk wene wirik pij-o.

NDAK WIRIDNAK WENE 42:6

Nde, yi wi ndi wi-nen lobok yidnak nap enpem mbato onggo wanoso nab-e Mesira iri me ese (Ngguberenot) Yusup iri-net onggo wanosola me, owerak na eram wok yogolar-e, yud tud mbiga-o.

NDAK WIRIDNAK WENE 45:8

Iri ala, kit-nen kwarigep iri-nen ndowaga an-e yu me worasu-ge lag-o. Alat nde, Mbal Pem Nagawan-net nibil lobok luk, at-net Pirayon ndegel oboso nap kek tak nibij-o. Nde, an-e Pirayon ama woragwi nap oboksa min Mesira wi oboksa min tena unpuruk wolmakluk mendak nibij-o.

NDAWI ENGGA 105:21

Nagawan iri na-nen-e at woraso sa iri me yabu ereba na-ge Yusup inggem posolat, at-nen idnak isilobulo ereba na tena wolmomtak yabu-ge at inggem posolat irit kwarij-o.

NGGOMO WENE 22:29

Ab-e yabu-ge mondok enpam ndak wanogola, eneyaso, lak? Ap iri-ge we o ma yabu ereba wok turag-e lag-o. Are, yabu-ge nagawan woraso sa iri me wok turag-o.

NDANIEL 2:48

Iri lug-e, nagawan-nen-e Ndaniel iri na-ge kek tak irit posolat, silobulo konak nak kwarat we wok tosolat, Mbabilonia iri me ngguberenot irit mendak posolat, nagawan woraso sa iri na me nagawan nggomo wurugwi nap ereba na enanggul pem ene kulurak nap irit obosolat kwarij-o.

NDANIEL 6:3

Nde, at eyabu kona wanuwakluk, nagawan iri na-nen-e Ndaniel min ap mberen nap min-e it ngguberenot ereba na yik eneyarok wolmakluk lesa mendak inpij-o.

MATIUS 28:18

Nde, Yesus na it endam panggo yosolat-nen it yak ondosolar-e: ”Aid arem amawi min nggweyak ma amawi min oboksa-ge an ninggem pidnak-nen yusu-o.

YIDNAK YIDNAK WENE 7:10

at andi bandi kasoma, imiri yaga wok tij-o. Yusup na-ge Mesira nagawan Piraun eram wok yosola-ge, Mbal Pem Nagawan-nen-e we wok ondoso elem min indi nggat nggat elem min wok tidnak ala-ge, Piraun-nen-e Mesira uwi oboksa min at woraso sa oboksa min Yusup inggem pij-o.