NDAK WIRIDNAK WENE 41:32 - Nanduk Ngget Tul Pidnak Wene

³² Kat-nen nabi mberen pem kaigen iri-ge ebe-ge yu-o: Mbal Pem Nagawan-nen ’Irit kwat mag-o’ luk wat tak posolat, yanem-et Mbal Pem Nagawan-nen kwarak puwa-o.

NDAK WIRIDNAK WENE 41:32 ပူးပေါင်းရင်းမြစ်များ

NDAK WIRIDNAK WENE 37:7

An nabi-ge yu nggal kagi-o. Nir-e yapmu nggwigerik, nggandum mbato ereba na mbara ut kamasa pukmu, an nembato ut kamarak iri na-ge men yosola, nde, kit kenmbato ut kamarag-e lobok yogolat, an nembato ambigit lop lop wutluk, yud tud mbogola kagi-o” yak indij-o.

NDAK WIRIDNAK WENE 37:9

Misik tarem Yusup na nabi misik karuk, owerak yak ondosolar-e: ”An nabi tuguruk misik kasolar-e, mo min waneya min wonaru sebelas min oboksa an nambigit yud tud mburuk, an kek tak nobogola kagi-o” luk yak indij-o.

NDAK WIRIDNAK WENE 41:25

Yosoloma, Yusup-nen nagawan iri na yak tosolar-e: ”Nabi mberen kaigen ereya-ge ebe-ge misiget erep nak kaigen-o. Nde, iri-ge Mbal Pem Nagawan-nen kwarurak irit mirik kibij-o.

NDAK WIRIDNAK WENE 41:28

Nde, iri-ge ndegel koboso nap an yanem yak korosolar-e: ’Iri-ge Mbal Pem Nagawan-nen kwarurak irit mirik kibij-o’ yak kirigi nar-o.

NDANIEL 2:45

Nap kat-nen yik kaigennggal-e, kerep misik erambet abam nggwe-nen limbik lambik lobok yasolar-e, mbesi min mimi nggweyak min tembaga min perak min emas min pem-nen ap ndak worak iri na-ge ndamera yigisa keya bosola kaigen iri-ge Mbal Pem Nagawan Mondok Nggok iri na-nen abok-nen kwat momtak irit mirik kibij-o. Nde, nabi kaigen iri-ge ndemeret yak kutluk, nabi ebe na iri nggal-o luk ndak ndag-et yak kirigi-o” luk yij-o.

WONARIDNAK WENE 23:19

Mbal Pem Nagawan iri-ge ki nap nggal enesiget yoso bug-o. ’O! Niri nera-o’ na yoso buk. Mbal Pem Nagawan-nen nde ’Irit kwarimin-o’ yosolug-e, mondok iri na-t kwaroso-o. Nde, at-nen nde wene yosola-ge, mondok yidnak iri nat kwat yoso-o.

MATIUS 24:35

Mbal min nggweyak min-e lak ma-t nde, an-nen yidnak wene-ge lag-e ma bug-o.

MATIUS 25:34

Iri luk, Nagawan na-nen at inggi kigit nggwe wolma nap na yak ondosolar-e: ’An Neid-nen imbiringgat tak kinpid nap wa-e. Lobok yer-o. Nggweyak ma yu me ndak wirid kuri-nen kit kenmanggim lid lud tak pidnak nagawan-nen tenagaidnak wi yu winde yil lobok yer-o.

MATIUS 25:41

Iri luk, Nagawan na-nen-e at inggi kware nggwe wolma nap na yak ondosolar-e: ’Kit imbiri lamut tak kinpidnak nap yu-ge wa-e. Mberer-o. Sere min at-nen idnak aid nap min enmanggim lid lud tak pidnak nigi momtak puk kanduk arem iri me mberer-o.

MARAKUS 10:40

an ninggi kigit nggwe, kware nggwe kore yurak iri-ge an nebem-e lag-o. Iri me kore yurak iri-ge Mbal Pem Nagawan nak-nen koreyak unpuwa-o” luk yak indij-o.

1 KORINTUS 2:9

Alat nde, Mbal Pem Nagawan engga mbarak pem-nen yosolar-e: ”Ap enlengen-nen kagwi buk mende min eneyanggo-nen kulugwi buk mende min ap inndi-nen peragwi buk mende min iri perak nde Mbal Pem Nagawan-nen at abuwa kagwi nap enmanggim lid lud tak pamu-o” yij-o.

2 KORINTUS 13:1

Yawo kenan pem tak posolat kit kendam lobok yimin-o. Ap enpem pidnak wene-ge ap mberen ala na, ap kenan ala na-nen kinggiridnak wene bem-net wene iri luj-et yoso-o.

NAM PARA WENE 9:15

Yak tosoloma, aid nap empat iri na weserak inpij-o. Nde, it iri-ge iri tarem-nen, jam iri bem-nen, waneya iri bem-nen, olengen iri bem-nen nggweyak ma nap oboksa menggesa (sepertiga) iri undurak pem lid lud tak inpidnag-o.