NDAK WIRIDNAK WENE 41:16 - Nanduk Ngget Tul Pidnak Wene

¹⁶ Yosoloma, Yusup-nen onggo yosolar-e: ”Nab-o, ndegel koboso nap an-nen yoso-ge lag-o. Iri-ge Mbal Pem Nagawan nak-nen ebe-ge ndemeret ludsa para yoso-o” yij-o.

NDAK WIRIDNAK WENE 41:16 ပူးပေါင်းရင်းမြစ်များ

NDAK WIRIDNAK WENE 37:14

Eid-nen yosolar-e: ”Kat mburugundig-e, kowerak min wam min konak worali, lak? Are, nggesa worali? mbi mburugundik, eneyami mbatluk, an yak niril lobok yi-o” yosoloma, eid-nen wirik pamu, Eboron-nen Yusup na-ge mberarik, owerak endam Sikem wok yij-o.

NDAK WIRIDNAK WENE 40:8

it-nen yogolar-e: ”Lag-o, nab-o. Yawo kubu nabi kaige-t nde, ap-nen nabi iri ebe-ge iri nggal-o luk yak nindigit lak woragola-nen yili-o” luk yiga-o. Yogola karuk, Yusup-nen yosolar-e: ”Mbal Pem Nagawan nak-nen perak nde yak ondosola, nabi iri ebe-ge iri nggal-o luk yurag-e ndag-o. Iri ala-ge, kit nabi kaigep kerengga yer-o” luk yak tij-o.

NDAK WIRIDNAK WENE 41:17

Yosoloma, Nagawan na-nen yosolar-e: ”Nabi bem an-e yi Nil eyak pem mendak worasoma-ge,

NDAK WIRIDNAK WENE 41:25

Yosoloma, Yusup-nen nagawan iri na yak tosolar-e: ”Nabi mberen kaigen ereya-ge ebe-ge misiget erep nak kaigen-o. Nde, iri-ge Mbal Pem Nagawan-nen kwarurak irit mirik kibij-o.

NDAK WIRIDNAK WENE 41:28

Nde, iri-ge ndegel koboso nap an yanem yak korosolar-e: ’Iri-ge Mbal Pem Nagawan-nen kwarurak irit mirik kibij-o’ yak kirigi nar-o.

2 NAGAWAN NAGAWAN-NEN KWARIDNAK WENE 6:27

Yosoloma, nagawan iri na-nen onggo yosolar-e: ”Nagawan Indo-net nde yongga kirigit lak yusu yu-ge an-nen-e nggesa-nen yongga kirimin-o? An-e nenggandum mbato na lak, nengen anggut amburu na mondok lak-nen yusu-o.

NDANIEL 2:47

Iri luk, nagawan-nen yosolar-e: ”Ndaniel wa-e. Ndemeret kat Kembal Pem Nagawan iri-ge mbal pem nagawan erep ereba enggendumu-nen mondok nggok lombok-nen yusu-o. At iri-ge nagawan ereb-e teberag-et nde, ar-e mondok terak minik kek tak-net yusu-o. Kura wene oboksa kilara nam tak poso-nen yusu-o. Kar-e kura wene-t nde, ebe-ge iri nggal-o luk nam para yigen pem-e kat Kembal Pem Nagawan-e an-e mondok naru yusu-o” luk yij-o.

NDANIEL 4:2

Nde, an-e Mbal Pem Nagawan Mondok Kek tak, amawi worak iri na-nen kwiye worak kagwi buk mende an kwat nibid wene ndindel kindimin-o.

WONARIDNAK WENE 12:6

Nagawan Indo-nen yak ondosolar-e: An yak kindimin yu kwara koler-o! Kit kennggendumu nde an nene lomboksa yugwi nap nde woragola-ge, an-e nabi bem nggal at imbiri bem nam yaga mirik nobosolat, nabi nggal pem imin wene yosolat kwaroso-o.

LUKAS 19:42

Yip tosolat-nen yosolar-e: ”Yerusalem wa-e. Kar-e yamuksa wolmomtak yawo-nen karu nggal-nen-e konak lombog-et nde-o! Alat nde, yamuksa woragwi iri-ge yawo-nen-e kat kerengen-e kagun pug-o.

YIDNAK YIDNAK WENE 3:12

It ereba ndok worogola eneyaruk, Peterus-nen it yak ondosolar-e: ”Isarael nap wa-e. Kir-e noluk-nen wi langgu mbatli-o? Ap yu tula mburusu yu-ge nit mbek tak ninpidnak nap nit nondomok nenmawi-nen ki rak pidnak nggal tak puruk, noluk-nen nit yik neneyarok worali-o?

YIDNAK YIDNAK WENE 3:7

Iri lug-e, Peterus-nen at inggi kigit nggwe tenaburuk, lit yaga mendak pij-o. Mendak posoloma ereya na-net at ijok min ijok lengen min-e amawi lug-e

1 KORINTUS 15:10

Alat nde, an yawo worasu yu-ge Mbal Pem Nagawan-nen we wok ondoso bem-net worasu-o. Nde, we wok ondoso mende wok nirid iri-ge ebe lak momtak pem wok nirij-e lag-o. Are, it wirik inpidnak nap ereb-e yabu we marik nggal wanogola-t nde, an-e yabu kwarat wanusu-o. Alat nde, an-nen wanusu-ge lag-o. Mbal Pem Nagawan-nen we wok ondoso mende-ge an nimin worala-nen wanusu-o.

2 KORINTUS 3:5

Nit nondomok nenmawi bem-nen nit nenambik neneyabu nggal yabu yu wanili bug-o. Mbal Pem Nagawan at-net yabu wanurak nenpem tak poso-o.