NDAK WIRIDNAK WENE 40:8 - Nanduk Ngget Tul Pidnak Wene

⁸ it-nen yogolar-e: ”Lag-o, nab-o. Yawo kubu nabi kaige-t nde, ap-nen nabi iri ebe-ge iri nggal-o luk yak nindigit lak woragola-nen yili-o” luk yiga-o. Yogola karuk, Yusup-nen yosolar-e: ”Mbal Pem Nagawan nak-nen perak nde yak ondosola, nabi iri ebe-ge iri nggal-o luk yurag-e ndag-o. Iri ala-ge, kit nabi kaigep kerengga yer-o” luk yak tij-o.

NDAK WIRIDNAK WENE 40:8 ပူးပေါင်းရင်းမြစ်များ

NDAK WIRIDNAK WENE 40:9

Yosoloma, nagawan yi kenang toso nap iri na-nen yosolar-e: ”An nabi-ge anggut erem misig-e an nerarem ya kagi-o.

NDAK WIRIDNAK WENE 41:25

Yosoloma, Yusup-nen nagawan iri na yak tosolar-e: ”Nabi mberen kaigen ereya-ge ebe-ge misiget erep nak kaigen-o. Nde, iri-ge Mbal Pem Nagawan-nen kwarurak irit mirik kibij-o.

YESAYA 8:19

Alat nde, ap-nen kit yak kondogolar-e: ”Kugwi tu mbarugwi endam mburugupndik, yagap yagap wene mbarogolat enemnde lumuk lumuk pem yugwi ereba na endam mburugupndik, tu mirik kunpuwakluk kin wok enper-o” luk yak kunduwa-o. It iri-nen yak kondogolar-e: ”Nit-nen-e ap unluk worali enmanggim kugwi tu mbarugwi min ap wat yidnak ereba na muk iniyudtag-e ndag-a?” luk yak kunduwa-o.

NDANIEL 2:11

Nde, nap nagawan kat-nen yak nerer-o yusu yu-ge mondok angin worak nggesa nggal irit yosola me, ap misiger-o luk mbi-nen nagawan kat yak kururag-e meya-t yusu-o. Alat nde, nit-nen erembel wanugwi nenmbal pem nagawan-nen nak perak para yurag-e ndak-nen yusu-o. Alat nde, nit-nen erembel wanugwi ereba-ge nit ap nennggendumu-ge worali bug-o” luk yak tiga-o.

NDANIEL 2:27

Yosoloma, Ndaniel-nen onggo yosolar-e: ”Nagawan wa-e. Yi mende ndi mende enaru nap min kwiye worak kwarugwi enaru nap min yari min wonaru mbenarugwi enaru nap min-nen nabi iri kat yak kururag-e meya-o.

NDANIEL 2:28

Alat nde, aid arem woraso Mbal Pem Nagawan iri nak-nen kura wene oboksa-ge para nam tak poso-o. At iri-net abok-nen kwat momtak wene-t nde, yak kirij-o. Nde, nagawan kat nene yosoma, nabi bem kaigen iri-ge an-nen iri nggal-o luk yawo-n yak kirimin-o.

NDANIEL 2:3

nagawan-nen yosolar-e: ”An-e nabi mbi kagirik, ’Nabi iri-ge ngge kagi-o?’ luk yamuksa woragwi lak, nindi nak mbel tenak worasu-o. Iri ala, ebe-ge iri nggal-o luk yak nururag-o” luk yij-o.

NDANIEL 2:47

Iri luk, nagawan-nen yosolar-e: ”Ndaniel wa-e. Ndemeret kat Kembal Pem Nagawan iri-ge mbal pem nagawan erep ereba enggendumu-nen mondok nggok lombok-nen yusu-o. At iri-ge nagawan ereb-e teberag-et nde, ar-e mondok terak minik kek tak-net yusu-o. Kura wene oboksa kilara nam tak poso-nen yusu-o. Kar-e kura wene-t nde, ebe-ge iri nggal-o luk nam para yigen pem-e kat Kembal Pem Nagawan-e an-e mondok naru yusu-o” luk yij-o.

NDANIEL 4:8

Alat nde, abok nggwe-ge Ndaniel an nugugwiwak unu nggal Ndaniel unu misig-e Mbelsasat iri lobok yij-o. Nde, marak mbal pem nagawan ereba na arem kobong yidnak nap iri na imbiri bem-e nabi iri na ndindirigi-o. Ndindorosolat-nen yosolar-e,

NDANIEL 5:16

Nde, yanem an-nen kolosolar-e, kar-e wene mondok kura wene-t nde, pugara nam tak posolat, wene mondok nil kil tag-et nde, konosolat kwaroso-nen yusu-o yogola kuligi-o. Kat-nen nde engga yu wonatluk, ebe-ge iri nggal-o luk para nde yak norosola-ge, nagawan-nen yurugwi sum lorok sum ungu min emas-nen konidnak engen nggal yurugwi min kek tak kobosolat yirik kibimin-o. Nde, erep kwat kobosolar-e, an-nen tenagidnak wi yu arem o tena wolmakluk, nit mberen nentalu mendak kibimin-o” luk yak tij-o.

AMOS 3:7

Nagawan Indo Mondok Kek tak iri na-nen-e at-nen kwarurak piridnak iri na-ge at ndegel ubugwi ene lomboksa yugwi nap ereba kirimbi yak indigit lak-nen-e mondok kwaroso bug-o.