NDAK WIRIDNAK WENE 40:5 - Nanduk Ngget Tul Pidnak Wene

⁵ Nde, misik tarem kubu nene yukmu-ge, it mberen nagawan yi kenang toso min oroti worak toso min ereya na-ge nabi mbi kaiga-o. Alat nde, nabi ebe-ge enarik tag-et kaiga-o.

NDAK WIRIDNAK WENE 40:5 ပူးပေါင်းရင်းမြစ်များ

NDAK WIRIDNAK WENE 20:3

misik tarem-e nabi bem Mbal Pem Nagawan Abimelek eram wok yosolat-nen yosolar-e: ”Kwe iri-ge un worag-et nde, kar-e wanigendik me, mondok wat yugun-o” luk yak tij-o.

NDAK WIRIDNAK WENE 40:1

Nde, at na iri me worasoma, misik tarem-e Mesira nagawan iri na ndegel ubugwi nap mberen, misig-e nagawan yi kenang toso nap, nde, misig-e oroti woraga wok toso nap ereya na-ge nagawan iri na imin siyak lugud tak kwaridnak pem-e

NDAK WIRIDNAK WENE 40:4

Nde, it ereya-ge o kubu me inpikma, kwarat woraiga-o. It iri na ndegel unpuwakluk, o kubu me ombo-nen-e Yusup ebem-et pij-o.

NDAK WIRIDNAK WENE 40:6

Karuk worakmu, kub-e Yusub-e ap mberen ereya na endam mbiridnggal-e, entare-ge inndi puru rak entare irit eneyagaij-o.

NDAK WIRIDNAK WENE 40:8

it-nen yogolar-e: ”Lag-o, nab-o. Yawo kubu nabi kaige-t nde, ap-nen nabi iri ebe-ge iri nggal-o luk yak nindigit lak woragola-nen yili-o” luk yiga-o. Yogola karuk, Yusup-nen yosolar-e: ”Mbal Pem Nagawan nak-nen perak nde yak ondosola, nabi iri ebe-ge iri nggal-o luk yurag-e ndag-o. Iri ala-ge, kit nabi kaigep kerengga yer-o” luk yak tij-o.

NDAK WIRIDNAK WENE 41:11

nit mberensa kubu nene yukmu-ge nabi mbi kaige-t nde, nabi ebe-ge arik tag-et kaige-o.

ESET 6:1

Iri na tarem kubu-ge nagawan iri na-ge nene yurag-e meya irit yij-o. Iri ala karug-e, at-nen-e at-nen tenagidnak wi arem-nen kwaridnak wene mbarugwi engga iri na wok niril lobok yer-o yosola-ge, waruk lobok yogola-ge, ”Kuleyek-nen wonat nerer-o” luk yak indij-o.

NDANIEL 4:19

Ndaniel, unu misig-e Mbelsasat, iri na-nen wene iri na kulurug-e, wendet lug-e, kwiye-nen ene lak siyak woragij-o. Iri yosola, Nagawan Nebukatnesat-nen Ndaniel yak tosolar-e: ”Kar-e nabi iri min nabi ebe iri min pem-e kar-e kwiye kudtag pug-o” luk yak tij-o. Yosoloma, Mbelsasat-nen onggo yosolar-e: ”Nab-o. Nabi kaigen iri ebe kwat momtak mende ereba-ge kat kuwim nap enpem nggal mbosola, kat kebem mbigit lak yurak-nen-e ob-er-o.

NDANIEL 4:5

Alat nde, misik tarem-e an-e nene yosoma, kubu-ge nabi misik karug-e, wendet yosolar-e, nabi iri na bem nak nindi marok tenak worasolar-e, yamuksa woragit lag-o.

NDANIEL 4:9

Mbelsasat wa-e. Yi mende ndi mende enaru nap enanggul pem kek tak kar-e an-e naru-o. Kar-e marak mbal pem nagawan ereba na indi-nen yebet tak kibidnak-nen yusu-o. Iri bem-e kat kambigir-e kura wene misik kura wolmomtag-e meya-o. Iri ala-ge, an-nen nabi kagi yu kuluruk, nabi ebe-ge iri nggal-o luk nam para yak niri-o.

WONARIDNAK WENE 12:6

Nagawan Indo-nen yak ondosolar-e: An yak kindimin yu kwara koler-o! Kit kennggendumu nde an nene lomboksa yugwi nap nde woragola-ge, an-e nabi bem nggal at imbiri bem nam yaga mirik nobosolat, nabi nggal pem imin wene yosolat kwaroso-o.