NDAK WIRIDNAK WENE 4:4 - Nanduk Ngget Tul Pidnak Wene

⁴ Iri yosola-ge, at Abel-nen-e olomba wam ereba na enggendumu ija misik-nen nanduk ndagid misik wosa yarik, mbara keya buruk, mbarak op nggal ereba na-ge yena Mbal Pem Nagawan amanggim kan pij-o. Iri yosola-ge, Nagawan Indo-nen-e at Abel na irit, at-nen at amanggim pidnak mende na irit indingen tak pij-et nde,

NDAK WIRIDNAK WENE 4:4 ပူးပေါင်းရင်းမြစ်များ

NDAK WIRIDNAK WENE 15:17

Nde, mo wusa nggosolat abu ndamuk luk worala-ge, togolwak arem kan mabidnak kule ndugu yosola min tal amare min mimo nam luk, wam mbarak ereba na enggenggerak nggwe mborosola kagij-o.

NDAK WIRIDNAK WENE 4:3

Iri kwarogolat woragolar-e, mbi tarem-e Kain na-ge at-nen yagoso ereba na mbara Nagawan Indo amanggim pij-o.

1 NAGAWAN NAGAWAN-NEN KWARIDNAK WENE 18:24

Iri rak purug-e, kugwi Mbaal ombo-nen-e Mbaal emengen mbarurag-o. An-nen na Nagawan Indo emengen-et mbarimin-o. Iri kwarukmu nde kanduk nde pil mbuwasola-ge, iri-ge ndemeret Mbal Pem Nagawan nag-e irir-o luk yebet kudtag-o” yak indij-o. Iri yak ondosoloma, ap oboksa-nen enne nggoksa onggo yogolar-e: ”Ob-er-o” luk yiga-o.

1 NAGAWAN NAGAWAN-NEN KWARIDNAK WENE 18:38

Yosoloma-ge, Nagawan Indo-nen mbal pem-nen kanduk mberak pil mbuwasolar-e, sapi mbarak iri na min kan min mondok nuruk lak tak pij-o. Iri yosolar-e, kerep min yi pud arem iri min-et nuruk, nggweyak nak nderak pij-o.

MBIRIGA WENE 13:12

kinlirak manggiya nderak min konowam kusi mul mul ndagidnak min oboksa-ge Nagawan Indo arengge-nen yusu-o.

NGGOMO WENE 3:9

Kat-nen Nagawan Indo kek tak posolar-e, kat karengge mende kinggem woraso min kab-nen yagidnak min lena mondok konak nak irit Nagawan Indo amanggim purag-o.

IBERANI 11:4

Nde, Abel na indi angin tubu yidnak pem-net Mbal Pem Nagawan amanggim wosa posolar-e, Kain-nen pidnak nggal-e lag-o, are, terak minik konak mende Mbal Pem Nagawan amanggim pamu-o. At indi angin tubu yidnak na bem-e ”Kar-e lud tak nak kibidnak nab-o” luk Mbal Pem Nagawan-e Abel-nen pidnak mende na bem alen kagaij-o. Nde, Abel na wat yij-et nde, at indi angin tubu yidnak iri na-ge yawo-nen na nit mul nondosolat worasu-o.

IBERANI 9:22

Ndemerer-o. Imiri mbarak pidnak wene-nen yidnak yidnak kwarogolar-e, yi mende ndi mende oboksa-ge eyabi bem nak-nen mbek tak poso-o. Nde, eyabi wirik pidnak pem nak-net ap-nen meya yogolat woraidnag-e amberam tak poso-o.

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.

WENE MBENARUGWI NAP-NEN KWARIDNAK WENE 6:21

Nde, Nagawan Indo-nen idnak aid nap iri na-nen inggi mberak parik, erok inggem tena iri na-nen-e uno min oroti min iri na bem ndurum tak posoma-net kerep iri na pagosolar-e, uno min oroti min iri na-ge mondok nuruk lak tak pij-o. Iri yosola-ge, aid nap iri na-ge mondok lak nak yij-o.

1 SEMUEL 15:22

Yosoloma, Semuel-nen yosolar-e: ”Nagawan Indo-nen indingen kasu-ge at-nen yidnak yidnak kwarurak iri, lak? Are, at amanggim wam wosa kan purak iri-a? At amanggim wosa kan purak iri-ge marik-nen yusu-o. Alat nde, at-nen yidnak yidnak kwarurak iri perak nde mondok nggok-nen yusu-o. Lomba omok pugwi iri-ge marik-nen yusu-o. Alat nde, inndi-net at-nen yidnak nak kwarurak iri perak nde nggok-nen yusu-o.