NDAK WIRIDNAK WENE 4:26 - Nanduk Ngget Tul Pidnak Wene

²⁶ Nde, Set na-ge ambara misik ndaguruk, unu-ge Enos yarij-o. Nde, ereya tarem-e ap-nen Nagawan Indo kek tak pogolat, at unu yugwi tel kwiriga tarem-o.

NDAK WIRIDNAK WENE 4:26 ပူးပေါင်းရင်းမြစ်များ

NDAK WIRIDNAK WENE 12:8

Iri rak purug-e, Abaram na-ge abare ena (selatan) nggwe tu wanij-o. Mo luwaso ambigit abare ena nggwe ndobo worak o siri Mbetel nggwe mberarik, o lije sum-e Mbetel wok, o Ai siri wok, ereba me wirij-o. Nde, o Mbetel iri-ge mo mboso nggwe-o. Nde, Ai iri-ge mo luwaso nggwe-o. Iri me-nen na Abaram-nen-e Nagawan Indo amanggim wam wosa kan purak ondoro na misik kona mendaga pil laruk, Nagawan Indo erembel wanij-o.

NDAK WIRIDNAK WENE 26:25

Yak tosola, Isak-nen-e wam wosa kan purak ondoro kona mendaga keya buruk, iri na me Nagawan Indo erembel wanij-o. Iri na me o lije sum wi worak puruk worala-ge, at ndegel ubugwi nap-nen-e yi kenanggurak ondoro misik yaliga-o.

1 NAGAWAN NAGAWAN-NEN KWARIDNAK WENE 18:24

Iri rak purug-e, kugwi Mbaal ombo-nen-e Mbaal emengen mbarurag-o. An-nen na Nagawan Indo emengen-et mbarimin-o. Iri kwarukmu nde kanduk nde pil mbuwasola-ge, iri-ge ndemeret Mbal Pem Nagawan nag-e irir-o luk yebet kudtag-o” yak indij-o. Iri yak ondosoloma, ap oboksa-nen enne nggoksa onggo yogolar-e: ”Ob-er-o” luk yiga-o.

NDAWI ENGGA 116:17

An-nen-e kat wiwa-o yak korosolat, kat kamanggim wosa pugwi mende pimin-o. Iri yosolar-e, kat keram tepan yimin-o.

YESAYA 44:5

Ap ondomok tak ininggi bem engga mbarogolar-e: ’Nagawan Indo arengge-o’ luk mbaruwa-o. It-nen unnu yak koragolar-e: ’Mbal Pem Nagawan ilirag-o’ luk yuwa-o” luk yij-o.

YESAYA 63:19

Kat-nen nit kwat nonposolar-e, kat-nen tena nunpuruk woraso buk nggal tak nonposolat, nit na kat kilirag-e lak nggal nde yik neneyasolat kwarusu-o.

YOEL 2:32

Alat nde, ta-nen nde ’Yongga niri-o’ luk Nagawan Indo emengen mbaruwa nab-e inmiri-t yuwa-o. Ndobo Sion min Yerusalem min iri me-ge inmiri yurak elem-e wolma-o. Nagawan Indo-nen yid iri na ndak ndag-et Nagawan Indo-nen wene mbo unpuwa nab-e inmiri yuwa-o” luk yij-o.

LUKAS 3:38

Enos ambara, Set ambara, Aram ambara, Mbal Pem Nagawan ambara-o.

YIDNAK YIDNAK WENE 11:26

Mberarik, at iri na kasolug-e, Antiokia imin lobok yij-o. Imin lobok luk, lambuk tak inpidnak nap inmin lambuksa woragolar-e, ap kwarat nggomo ondogolar-e, molengen lasolat mbosolat misiget woraiga-o. Nde, Antiokia-nen-e Yesus ene wanugwi nab-e nanduk nandug-et unnu yarogolar-e, ”Kerisut nab-o” luk yariga-o.

YIDNAK YIDNAK WENE 2:21

Nde, ta-nen nde Nagawan Indo unu luk wene mbo buwa nab-e irit inmiri yaga wok unduwa-o” ’ yij-o.

OROMA 10:13

Mbal Pem Nagawan engga mbarak pem-nen yosolar-e: ”Nagawan Indo unu luk, at wene mbo buwa nap oboksa-ge inmiri yuwa-o” luk yij-o.

1 KORINTUS 1:2

Mbal Pem Nagawan-nen idnak lambuk tak inpidnak nap kit Korintus worali nap, Kerisut Yesus ebem-nen marak kunpuruk wene mbo kenpaga mbek tak kinpidnak nap kenmanggim na irit, ap pidsa o nin me nin me worali nap-nen Nenagawan Indo Yesus Kerisut unu bem wene mbo bili nap enmanggim na irit, Nagawan Indo iri-ge nit Nenagawan Indo na irit, it Enagawan Indo na irit kenmanggim mbatli-o.