NDAK WIRIDNAK WENE 4:16 - Nanduk Ngget Tul Pidnak Wene

¹⁶ Wirik obosola-ge, Kain na-ge Nagawan Indo eram-nen mberarik, Eren nggweyak pem-nen mo luwaso ambigit o unu-ge Waring Tenak Nak Woragwi sa iri me woragij-o.

NDAK WIRIDNAK WENE 4:16 ပူးပေါင်းရင်းမြစ်များ

NDAK WIRIDNAK WENE 3:8

Nuruk worakmu-ge, keyama nggwe-ge Nagawan Indo Mbal Pem Nagawan-e yapmu iri na me onkore yil nosolat ene kuliga-o. Kuluruk yigarig-e, iniyujwa naru e ereba na ndumu kurak yil mbiriga-t nde,

NDAK WIRIDNAK WENE 4:14

Yawo-ge kat keram yu me-nen sera wirik nibigenma, an-e nggweyak ma yu me-ge nondoro lak, we waring tenak nak woramin-o. Worasoma, ta-nen nde nimin lid pid yogolar-e, nuruwa-o” luk yij-o.

NDAK WIRIDNAK WENE 4:17

Kain ogwe min-e la misik ndaguruk, unu-ge Enok yariga-o. Iri luk woragolar-e, o misik e pela ngguruk o siri nggok tak purug-e, o iri na unu-ge ambara iri na unu bem para yarij-o.

2 NAGAWAN NAGAWAN-NEN KWARIDNAK WENE 13:23

Alat nde, Nagawan Indo-nen-e at ilirak enabuwa karuk, it-nen meya kwarugwi-ge amberam tak posolat woragij-o. Ar-e ilirak lak tak unpuwakluk keya unpurak iri-ge imbit-nen yongga-t ondosolat woragij-o. Iri yid iri-ge Abarakam min Isak min Yakup min ”Irit kwat kinpimin-o” luk urul yak indid iri na bem-net kwarij-o. Yawo-nen na at ilirag-e meme rak unpusu bug-er-o.

2 NAGAWAN NAGAWAN-NEN KWARIDNAK WENE 24:20

Iri kwarosola-ge, Nagawan Indo-ge Yerusalem woragwi nap min Yewura nap min ereba na enpem isilepma puruk, mondok yongga indigit lak keya inpij-o.

AYUP 1:12

Yosoloma, Nagawan Indo-nen Sere iri na yak tosolar-e: ”Iri ala-ge, ob-o. At arengge mende ereba oboksa kat-nen-e kindi-nen pidnak ereba kwari-o. Alat nde, at ebe perak marig-et tet andi bandi rak purak pug-o” yosoloma, Sere iri na-ge Nagawan Indo eram-nen mbirij-o.

AYUP 2:7

Yosoloma, Sere iri na-ge Nagawan Indo eram-nen mborosolar-e, Ayup iri na ebem-e marigot ebem yela, ijok abis kuri-nen ereltel kuri irit woroksa yela keya bij-o.

MBIRIGA WENE 20:18

Nde, it-nen-e o nggu min mbapu ene pu min kologolat, obinel yosolat ndobo iri na kule lasolat, yosola karug-e, ir-e kwiye-nen yot kot mbogolar-e, erepma mboksa ereba-t mendak wiriga-o.

YEREMIA 23:39

an-nen-e it iri-ge pendaga wanimindik, mondok erepma mbising mbesang eneyamin-o. Iri kwarosolar-e, it enpe min-et unuwi siri it min onmborak min wok indigi o siri min-et iri kwarak inpimin-o.

YEREMIA 52:3

Nagawan Indo-nen-e Yerusalem woragwi nap min Yewura nap min enpem isilepma kwarat posolar-e, tuguruk nggetlel inpigit lak, at eram-nen abu sera wirik inpij-o. Nde, Sendekia iri na-ge Mbabel nap Nagawan Nebukatnesat iri na imin eyak worosola-ge,

YUNUS 1:3

Iri yak tij-et nde, Yunus iri na-ge Nagawan Indo aye-nen nin nggwe mbirij-o. Mborosolar-e, Yopa nggwe mborosoma-ge, koma misig-e o Sepaniol nggwe mbereyekluk yosoma, kagaij-o. Karug-e, at mbururak koma iri na onggo purug-e, koma iri na arem ngguruk, koma waruk nugwi nap inmin Sepaniol mborosolat, Nagawan Indo eram-nen kwiye mbirij-o.

MATIUS 18:20

Nde, ap mberen ala na, ap kenan ala na, an nunu bem ndok worogola-ge, an-e it ennggendumu-t woramin-o” luk yij-o.

LUKAS 13:26

Yosola, kit-nen yogolar-e: ’Lag-o. Nir-e totno mburu nilik, yi nilik kwarige-o. Nde, nit nenma-nen tula nggwe waring kasolar-e, mul nindigen nar-o!’ luk yugub-o.

YOANES 1:10

Nde, Wene na-ge nggweyak ma woragaij-o. Mbal Pem Nagawan-nen at ebem-net o yu ndak wirij-et nde, nggweyak ma nap-nen-e at yenggerak kagit lak yiga-o.

YOANES 1:3

Mbal Pem Nagawan-nen at ebem-net yi mende ndi mende oboksa ndak worak pij-o. Nde, at lak nggal-nen-e ndak worak pidnak mende yeba-ge misiger-o luk tet ndak worak pelep pug-o.

1 TESALONIKA 1:9

Are, iri wene kuliga nap it ondomok-nen kenggera yak nondogolar-e, nir-e kit kendam wok yogola-nen wok ninpigep wene min kit nanduk kugiwak kwarugwi keya buruk, nden karuk Mbal Pem Nagawan ambigit nggwe lobok yigep wene min ndemeret uruk nak woraso Mbal Pem Nagawan ndegel ibili wene min