NDAK WIRIDNAK WENE 39:9 - Nanduk Ngget Tul Pidnak Wene

⁹ Nde, o ma yu me yi mende ndi mende oboksa-ge at-nen tena woraso ndak ndag-et tena worasu-o. An-nen tena bigit lak misik mbi worasu-ge lag-o. Alat nde, kwe kat perak nde, kun ondomok inggem worasu-o. An-nen-e noluk-nen meya yu kwarosolat Mbal Pem Nagawan imin meya kwarimin-o?” luk yak tij-o.

NDAK WIRIDNAK WENE 39:9 ပူးပေါင်းရင်းမြစ်များ

NDAK WIRIDNAK WENE 13:13

Nde, o Sorom iri me-ge ab-e Nagawan Indo imin-e yi meya ndi meya, kwarugwi buk mende ereba na nak kwarogolat woraiga-o.

NDAK WIRIDNAK WENE 20:3

misik tarem-e nabi bem Mbal Pem Nagawan Abimelek eram wok yosolat-nen yosolar-e: ”Kwe iri-ge un worag-et nde, kar-e wanigendik me, mondok wat yugun-o” luk yak tij-o.

NDAK WIRIDNAK WENE 20:6

Yosoloma, Mbal Pem Nagawan-nen nabi bem yak tosolar-e: ”Ndemerer-o. Kar-e kwe iri-ge kindi mbek tak pem waneyek nak kwasa wanigen iri bem-nen kwe iri imin nene yugun naru kesari tenaguruk worala, kar-e an nimin meya kwarigit lak yigen-o.

NDAK WIRIDNAK WENE 20:9

Yak undurug-e, Abimelek-nen Abarakam wene mbo buruk, kin wok obosolar-e: ”Kar-e noluk-nen iri nggal kwat ninpigen-o? An-e no meya kwat kubukmu-nen kar-e an min an-nen tenagidnak wi woragwi nap min lak tak nunpuwakluk nenare bigen-o? Ndemeret iri mende-ge kwarugwi bug-et nde, noluk kwat nibigen-o?

NDAK WIRIDNAK WENE 24:2

Nde, misik tarem-e Abarakam aringgi arengge oboksa inggem pidnak nap ndegel oboso indi worak iri na yak tosolar-e: ”Kinggi-ge an nawak ponok ponok enggendumu iri me puruk, owak mbarosolar-e:

NDAK WIRIDNAK WENE 39:10

Nde, kwe na-nen-e pempa ”totno nene yuwog-o” luk emengen mbal tenak woragij-et nde, Yusup na-ge at imin nene yurag-e mondok isili irit woragij-o.

NDAK WIRIDNAK WENE 41:40

Nde, yawo kar-e an-nen tenagidnak wi worali nap oboksa-nen kat kene nak kuluruk, kwarogolat wolmakluk kar-e ese (Ngguberenot) mendak kibimin-o. Alat nde, an narig-et nak perak nde kat kombol pem terak minik nagawan-nen yusu-o” yij-o.

NDAK WIRIDNAK WENE 42:18

Nde, mberen pem woraruk kenan tak pogolat tarem-e Yusup-nen it yak ondosolar-e: ”An-e Mbal Pem Nagawan indi aye worak, at-nen yidnak yidnak kwaroso nab-er-o. Kit-nen nde kunluk wolmomtak peragolar-e, wene misik yu nak kwarer-o.

2 SEMUEL 11:27

Nde, tabun puruk woragwi tarem woraruk ombol nggwe-ge Ndaut-nen-e kwe Mbatseba iri na-ge inggi wil ap wirik enpamu, waruk at woraso sa lobok yikma-ge, kwe iri na-ge Ndaut-et wanij-o. Wanuruk, waneya siyak worasoma-ge, liap misik ndagij-o. Alat nde, Nagawan Indo-nen-e Ndaut-nen kwarid iri na-ge mondok isili rak puruk irit woragij-o.

2 SEMUEL 12:13

Yosoloma-ge, Ndaut-nen Natan yak tosolar-e: ”Ndemeret an-e Nagawan Indo imbiri bem mondok meya-t kwarigirig-o” luk yij-o. Yosoloma, Natan-nen yosolar-e: ”Nagawan Indo-nen-e kat-nen meya yidnag-e amberam tak pij-o. Kar-e wat yugun pug-o.

AYUP 31:23

Mbal Pem Nagawan-nen an nebem kwarat wene mbaruwa iri na kwiye-nen an-nen-e iri nggal-e mondok kwatlep pug-o.

NDAWI ENGGA 51:4

Ndemeret kat kimin, kat kimin nag-et meya kwarigi-o. An-e kat-nen meya-o luk yik kaso mende irit kwarigi-o. Iri bem-e kat-nen ap enpem wene konoso-ge mot mor-et mbenaroso me, kat-nen nebem angin worak pugun iri-ge il pem-et pugun-o.

MBIRIGA WENE 20:14

Ap onkwe min nene yurak pug-o.

NGGOMO WENE 6:29

Mondok lag-o. Ap onkwe min nene yugwi iri-ge iri nggal-net yusu-o. Ta-nen nde ap onkwe min nene yosola-ge, mbela mburuwa bug-o.

NGGOMO WENE 6:32

Alat nde, ap-nen ap onkwe tenaguwa nab-e ambikpebe erengenwak lak tak pusu-o. At iri-ge indi lak wid-nen yusu-o.

LUKAS 12:48

Alat nde, ndegel oboso nap-nen-e at eid indi-n pidnak mende aru buk me, nggambu andi warat kudtak mende nde kwarosola-ge, nggambu andi marik nggal kujwa-o. Ta-nen nde kwarat at inggem pidnak nap ebem-e at-nen kwaridnak iri-ge mondok kwarat lumbunuwa-o. Nde, ’At yu ndak-net yusu-o’ luk eberaidnak nap ebem-e at-nen kwaridnak iri lombonosolar-e, ija-t kwaruwa-o” luk yij-o.

1 KORINTUS 4:2

Nde, ap insilobulo inggem pidnak nab-e mot mot nak kwaroso irit mag-o.

TITUS 2:10

enarengge yariya wanogolat yurak pug-o. Are, Ninmiri Yoso Mbal Pem Nagawan-nen yidnak wene iri-ge kek tak nak pogolat wolmakluk, ir-e pempa yi mende ndi mende kwarogolar-e, konak nak kwarogolat, mot mor-et kwarogolat mag-o.

IBERANI 13:4

Ap oboksa-nen wok kerak mbugwi iri-ge konak-net yusu-o luk pururag-o. Nde, un min ogwe min-e mbabi kwarogolat wolmomtak pug-o. Nde, terak ye unpugwi min mbabi yugwi min enpem-e Mbal Pem Nagawan-nen wene mbaruwa-o.

1 YOANES 3:9

Mbal Pem Nagawan ambara kwat yidnak nab-e at arem-e Mbal Pem Nagawan abage-t worasu me, meya kwat tenak worasu bug-o. Nde, Mbal Pem Nagawan iri-ge at Eid me, at-nen-e meya kwat tenak wolmomtag-e meya-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.

NAM PARA WENE 22:15

Alat nde, kwarugwi buk mende kwarugwi nap min kwal ombo min terak terak ye unpugwi min ap wurugwi nap min kugiwak erembel wanugwi nap min ininggi-nen kwarugwi mende bem-nen na, enne bem-nen na ennesiget yugwi nap it oboksa ondoro-ge mbepme nggwe wolma-o.