NDAK WIRIDNAK WENE 39:3 - Nanduk Ngget Tul Pidnak Wene

³ Nde, at onggo ibid nap-nen yik kasolar-e, Nagawan Indo-nen Yusup yongga worosolat me, at-nen yabu wanidnag-e ebe nak irit kwat yosola kagaij-o.

NDAK WIRIDNAK WENE 39:3 ပူးပေါင်းရင်းမြစ်များ

NDAK WIRIDNAK WENE 21:20

Mbal Pem Nagawan-nen-e Ismael na imin irit woralar-e, la na-ge nggok irit yij-o. Nggok luk, la na-ge o lid Paran iri na me-t woralar-e, ar-e towe mena woroso inggi mbuk worak irit woragij-o.

NDAK WIRIDNAK WENE 21:22

Ereya tarem-e Nagawan Abimelek min at-nen idnak esan ombo ereba na onowe Pikol min-e Abarakam eram lobok yogolat-nen yogolar-e: ”Kat-nen yi kwatlik ndi kwatlik kwarusu ereba-ge Mbal Pem Nagawan-net yongga kurusu-o.

NDAK WIRIDNAK WENE 21:23

Iri bem-e kat-nen-e an min an nilirak min an-nen wigarak min-e ’Mondok mot mot nag-et kwat konposolat woramin-o’ luk Mbal Pem Nagawan imbiri bem-et owak mbari-o. An-nen kat kimin nindi konak woragi iri na nggal-et kat-nen na an min yu me woragwi nap ennggendumu kat worasu nap yeba min-e konak nak irit kwat nonposolat wolmomtag-o” luk yak tij-o.

NDAK WIRIDNAK WENE 26:24

Mberarik, nene yosoma, kubu-ge Nagawan Indo at eram wok yosolat-nen yak tosolar-e: ”An-e keid Abarakam Embal Pem Nagawan-nen yusu-o. Kwiye yurak pug-o. An-e nggetlel kuburuk nosolat worasu-o. An-nen an ndegel noboso nap Abarakam urul yak tosolat: ’Yu nggal kwat kibimin-o’ luk urul yak tigi iri na ndak ndag-et an-nen imbiringgat kebem posolat, kat-nen wigarak kwarat tak kobosolat irit kwat kibimin-o” luk yak tij-o.

NDAK WIRIDNAK WENE 26:28

Yak ondosoloma, it-nen onggo yogolar-e: ”Kar-e Nagawan Indo-nen nggetlel kuburuk nosola karuk, nit-nen peragolar-e, nir-e kat kimin kundig-et wolmog-o luk owak mbarurak irit perali-o.

NDAK WIRIDNAK WENE 30:27

Yosoloma, Laban-nen Yakup yak tosolar-e: ”Kwara kuli-o. An-nen mbenarosoma-ge, kat kebem-nen Nagawan Indo-nen imbiringgat tak nubusu-o luk naru yusu-o.

NDAK WIRIDNAK WENE 30:30

An lobok yigit lak ma-ge, nimi karengge-ge marig-et woragij-et nde, yawo-ge an nebem-nen Nagawan Indo-nen imbiringgat tak kobosolar-e, karengge kwarat tak pij-o. Nde, yawo-ge an-e nogwela enmanggim yabu wanimin-o” luk yak tij-o.

NDAK WIRIDNAK WENE 39:2

Wanikma, Yusup na-ge iri me worala-ge, Nagawan Indo-nen-e at yongga worosola-ge, at-nen yabu wanidnag-e ebe nak yosolat irit woragij-o. Iri yosola-ge, ar-e onggo ibid Mesira nap Potipat iri na ama-t woragij-o.

NDAK WIRIDNAK WENE 39:21

Nagawan Indo-nen Yusup na yongga worosolar-e, abuwa kagaij-o. Iri yosola-ge, o kubu me ombo iri na-nen-e Yusup na indingen tak ibij-o.

NDAK WIRIDNAK WENE 39:23

Nde, o kubu me ombo iri na-nen-e yabu iri me-nen kwarurak mururak Yusup inggem pid ereba na-ge at-nen mbi siyak erep tenakit lak, Yusup inggem nag-et keya bij-o. Nde, Nagawan Indo-nen-e Yusup kwara yongga worosola, at-nen yabu wanidnak iri-ge mondok konak nak irit wanij-o.

NEMIA 2:20

Iri yak nondogoloma, an-nen wene onggo yosolar-e: ”Aid arem tena woraso Mbal Pem Nagawan iri na-nen-e nit-nen yabu wanul iri-ge ebe-t kwarak puwa-o. Nir-e at ndegel ubugwi nap-nen yili-o. Nir-e kerep pak leget yu-ge wurul-er-o. Alat nde, Yerusalem nggweyak yu-ge kit kinmin kundig-e mondok lag-o. Nde, ap-nen Yerusalem obok yogolar-e, kit kunnu mondok yuwa bug-o” luk yak indigi-o. 3:1-32 Pasal 3 yu arem-e Yerusalem kerep pak leget iri na tuguruk worogolar-e, kuri wosa mbo mbal indil lobok yidnak nap unnu mbarak worasu-o.

NDAWI ENGGA 1:3

yi eyak pem yagidnak e misik yabosoma, engen poso tarem-net e na engen poso-o, angga na lera mboso buk e nggal-nen yili-o. It-nen kwarugwi mende iri-ge pidsa konak nak kwatli-o.

MATIUS 5:16

Nde, iri nggal-et kit-nen konak nak kwaridnak na karuk yuwarig-e, it-nen-e Kineid aid arem woraso iri erembel wanuwakluk, kit keneyaya-ge ap ennggendumu yaya yuwag-o.”

1 KORINTUS 16:2

An lobok yosola tarem nak-nen tol ndok wuru-ge lag-o. Are, pempa pempa Hari Minggu tarem ndok worogolar-e, kit kenarik tak-net kontol wanugwi ndak ndak tol ereb-e menggesa ndok worogolat wolmer-o.

YOSUA 1:9

An-nen kat yak korosolar-e: ’Kar-e kindi uwi yaga tugup lak, kwiye lak irit wolmin-o’ yak kirigi iri na kindi yeberak wolmin-o. Nagawan Indo Kembal Pem Nagawan an-e kat mburugun sa-ge pempa kimin nosolat woramin me, kar-e kwiye yosolat, kamawi lak yurak pug-o” luk yak tij-o.

NAM PARA WENE 3:9

Kenaru wolmer-o! Sere ilirak iri-ge ir-e Yawuri nab-e lag-et nde ennesiget: ’Nir-e Yawuri nab-o’ luk yili-o. An-nen it iri kwat onposolar-e, kit kendam lobok luk, kentalu tud luk, kentembel wanugwi nap tak inpimin-o. Iri kwarogolar-e, an-nen kit kenabuwa kaso iri-ge enaru yuwa-o.

1 SEMUEL 18:14

Nagawan Indo-nen Ndaut yongga worasola-ge, Ndaut-nen kwaridnag-e ebe nak yosolat woragij-o.

1 SEMUEL 18:28

Iri nggal kwarosola-ge, Saul-nen yik kasolar-e, Nagawan Indo-nen-e Ndaut na nggetlel obosolat, nde, at ara Mikal iri na-nen na Ndaut ebem-et indi kundik posolat kwarosola, irit yenggerak kagaij-o.

1 SEMUEL 3:19

Nde, Semuel na nggok yosola-ge, Nagawan Indo-ge at imin woralat ndemeret Semuel-nen yid ereba na-ge ndak ndag-et kwat yij-o.