NDAK WIRIDNAK WENE 3:20 - Nanduk Ngget Tul Pidnak Wene

²⁰ Nde, Aram-nen ogwe unu yarosolar-e, Awa yarid iri-ge kwe iri-ge yi ap ndi ap oboksa iniya eremwak kwat yosola-nen yarij-o.

NDAK WIRIDNAK WENE 3:20 ပူးပေါင်းရင်းမြစ်များ

NDAK WIRIDNAK WENE 16:11

Kar-e yanem yeba-t li ap mbi ndakun-o. Nde, kat-nen yip tigen iri-ge Nagawan Indo-ge abu kulidnak me, kat kambara unu-ge Ismael yari-o.

NDAK WIRIDNAK WENE 2:20

Iri nggal kwasa nggweyak nggwe noso min teram nggwe noso min oboksa-ge Aram-nen-e unu yarij-et nde, ereba na enggendumu misiger-o luk-nen mbi at yongga wururak anggam mbi mondok kwat yigit lag-o.

NDAK WIRIDNAK WENE 2:23

Pil mborosoloma-ge, Aram-nen yosolar-e: ”An nggal-e yu-t kagi-o. At owag-e an nowak erep-nen yusu-o. Nde, at uno-ge an nuno erep-nen yusu-o. Nde, kwe na-ge ap ebem-nen waga ndak worak pidnak ala karuk, unu-ge kweyab-o luk yarusu-o” luk yij-o.

NDAK WIRIDNAK WENE 3:21

Nde, Nagawan Indo Mbal Pem Nagawan-nen-e aboro nggurugwi wam mbi wosa aboro-ge sum nggal kwasa Aram ogwe min yirik inpij-o.

NDAK WIRIDNAK WENE 35:18

Alat nde, kwe Arakel iri na komo wat yekluk abu indisep worok yekluk yosolar-e, la iri na unu-ge Mbenoni yarij-et nde, eid-nen-e unu-ge Mbenyamin yarij-o.

NDAK WIRIDNAK WENE 5:29

Lamek-nen yosolar-e: ”Mbal Pem Nagawan-nen imbiri lamut tak pidnak nggweyak yu bem nit-nen yabu anggun panggunsa wanukmu, la yu-nen te yaga wok nunduwa-o” luk yij-o. Iri kwarurak ala karuk, Lamek-nen la na unu-ge Nu irit yarij-o.

MBIRIGA WENE 2:10

Nde, la na siyak nggok alama-ge, Pirayon ara na eram pamu, at ambara nggal kwarak woragij-o. Pirayon ara na-nen yosolar-e: ”La yu-ge yi ma-nen lit kagirik me, unu-ge Musa-o” luk yarij-o.

MATIUS 1:21

La kwe iri-nen-e li ap mbi ndaguwa-o. At elem nap-nen meya yogolat woraidnak iri na inmiri yaga wok unduwa me, unu-ge Yesus-o luk yarugun-o” luk yij-o.

MATIUS 1:23

”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.)

YIDNAK YIDNAK WENE 17:26

At-nen-e nggweyak yu ebem yi wi ndi wi pidsa wolmakluk, ap misiget ebem nak-net nde, ab-e ap enlem pidsa ndak worak inpij-o. Ndak worak unpurug-e, it wolmomtak tarem min it unuwi nggweyak min kuri wosa arik tak mbara wok indij-o.

2 KORINTUS 11:3

Alat nde, waro indi nggat nggat worak iri bem-nen Awa na ombol pem lagaid nggal, iri nggal kit kinndi kabak tak pogola, kir-e kinndi misiget nak luk Kerisut ariget abuwa kali iri keya bugup naru numud kwarat kasu-o.

1 TIMOTIUS 2:13

Aram nanduk ndak worak puruk, abog-e Awa ndak worak pidnak-nen yusu-o.

1 SEMUEL 1:20

Ana iri na-ge abila lug-e, liap misik ndagij-o. Ndaguruk unu yarosolar-e: ”La yu-ge an-nen Nagawan Indo ebem nggi yigi-o” yosolar-e, unu-ge Semuel irit yarij-o.