NDAK WIRIDNAK WENE 3:18 - Nanduk Ngget Tul Pidnak Wene

¹⁸ Kat kamanggim-e egere isile worak min tusuangge min e erambet mbepme tanggal yoso mende-ge kat kamanggim nggweyak-nen ebe rak posola, nasolat wolmin-o.

NDAK WIRIDNAK WENE 3:18 ပူးပေါင်းရင်းမြစ်များ

NDAK WIRIDNAK WENE 3:17

Iri luk, Nagawan Indo-nen Aram yak tosolar-e: ”Kar-e kogwe ene kuluruk, an-nen ’Norak pug-o’ yigi engen iri na ninggen-o. Iri kwarigen iri bem-e, nggweyak yu-ge imbiri lamut mag-o. Nde, kat woralar-e, yabu-ge anggun panggunsa wanosoluk-nen nunggwi mende-ge nggweyak yu-nen ebe rak posola, nok tenak wolmin-o.

NDAK WIRIDNAK WENE 3:19

Kar-e nggweyak yu bem-nen yabu wanosolar-e, mondok pabik paboksa wanosolat, kirigak mburuk-net yi mende ndi mende ebe-ge kwat mag-o. Iri kwat tenak irit worasoma, kar-e tuguruk nggweyak kwat min-o. Kar-e nggweyak-net ngen mbara keya kuburuk ndak wat kibidnak me, tuguruk kerem eram mburugun-o” luk yak tij-o.

AYUP 1:21

yosolar-e: ”An ndet yosolar-e, ngenwa-t ndesa mbukmu-o. Wat yosolat na we ngenwa irit wat yimin-o. Nagawan Indo at-net wok niridnak me, wanosolat na at-net wanij-o. Iri ala, at unu nak kek tak wolmag-o!” luk yij-o.

AYUP 31:40

an neyapmu-ge jelai mbato min nggandum mbato min nde yak yugu-o. Are, egere isile worak min tusuangge min nde yak mag-o. Ayup-nen yid wene-ge irir-o.

AYUP 5:5

Nde, ap wid ereba na eneyapmu nen mbaridnak mende-ge nere woragwi nap-nen nuruk lak tak pugwi-o. Nggandum mbato isile worak enggendumu-t nde, nere woragwi nap-nen-e leraben nuruk, lak tak pugwi-o. Silobulo ukwe-nen inndi eberek yidnak nap-nen-e wid ereba enarengge mende-ge mondok ukwe-t yugwi-o.

NDAWI ENGGA 104:2

Kar-e keyaya nak-nen muruk tak worasu-o. Kat-nen mbal-e o lije sum wi nggal laruksa mbeyoksa pigen-o.

NDAWI ENGGA 90:3

Kat-nen ap yak tosolar-e: ”Kar-e tuguruk ndak wat kibidnak kerem nggal irit kwat min-o. Nanduk woraso nggal nggweyak kwat min-o” luk yak tigenma-o.

NGGOMO WENE 22:5

Lugud tak kwarugwi nap untulabiyem sabu min kapsuwe min worasu iri-ge kat-nen nde kimiri mbarak wolmomtak kindingen ala-ge, inggi mbarak wolmomtag-o.

YESAYA 32:13

An nelem nap onggweyag-e linggat min isile worak erep min nak ngguruk, larok yij-o. Kir-e kenma kenalen pem woragwi ereba na min kunuwi siri kenalin kenalen pem woragwi ereba na min ubud-nen mondok yip togolat wolmer-o.

YESAYA 5:6

An-nen keya bumu, yakwi buk mende nak yak ma-o. Nde, anggut ari ereba-ge nggarok na wanigit lak, umut na mbarigit lak keya bumu, isile worak min tusuangge min-nen kuraguwa-o. Iri-nen an-nen nggan nggan yak tosolar-e: ’Talme-ge ebem mberak purak pug-o’ luk yak timin-o” luk yij-o.

YESAYA 7:23

Nde, ereya tarem-e anggut yabu oboksa-nen yabu misik me-ge anggut ari-ge seribu ya worala, onggo pogolat na perak tol seribu pili ereba na-ge ondolma-ge isile worak linggat nak yak ma-o.

YESAYA 7:24

Ap nde o yanem iri me mborogolar-e, o iri me oboksa-ge isile worak egere yidnak me, san min mare min-et waruk mburuwa-o.

MATIUS 13:7

Uwi ereb-e linggat ndumu mbamu-ge, linggat iri na luwasolar-e, perena lak tak pij-o.

OROMA 14:2

Ap erep-nen peragolar-e, nunggwi mende pidsa norak nak perali-t nde, ap erep kwara inndi angin tubu yigit lak nap-nen-e we mburu mburungga nak norak perali-o.

IBERANI 6:8

Alat nde, nggweyak iri-nen-e tusuwangge min isile worak min nak wirik posola-ge, nggweyak na-ge meya me, Mbal Pem Nagawan-nen imbiri lamut tak puruk, worok tak posolar-e, kan nujwa-o.