NDAK WIRIDNAK WENE 3:16 - Nanduk Ngget Tul Pidnak Wene

¹⁶ Yak turuk, Nagawan Indo-nen Awa yak tosolar-e: ”An-nen kat kebem angin worag-e nambena kebem pimin-o. Kat kabila woralar-e, anggun panggun woralat, la ndagosolat na andi bandisa yane wosa-net ndagosolat wolmin-o. Nde, yane wosa ndakun-et nde, kindi-ge kun imin nene yurak pem-e mbarak pugun pug-o. Kar-e kun urugom tebe luk wolmomtag-o” luk yak tij-o.

NDAK WIRIDNAK WENE 3:16 ပူးပေါင်းရင်းမြစ်များ

NDAK WIRIDNAK WENE 4:7

Kat-nen nde konag-et kwarigennggal-e, kerare-ge yek tag-et woraleb-o. Alat nde, kat-nen meya kwarosola-ge, meya elem karem nggweyekluk mondok komo panggo rak worasu-o. Meya elem-nen inggiyapma rak kebeyekluk worasu-t nde, kat-nen-e iri-ge urugwe nggwe rak pi-o” luk yak tij-o.

ESET 1:20

Nde, nagawan kat-nen wene nggaruksa mbarak pugun wene iri nde kat-nen tenagidnak wi kwarat yeba me nde wigak yil mborosolar-e, ap enarengge lak-nen na irit, enarengge worak-nen na irit onkwerak-nen-e ununtak enne eyak wirigit lak, it-nen yidnak yidnag-et kwarogolat wolma-o” luk yij-o.

YESAYA 53:11

Iri ala karuk, Nagawan Indo-nen yosolar-e: ”At andi bandi kasolat worarug-e, at-nen andi bandi kagaid iri na ebe-t kwat yidnak karug-e, alen kasolat wolma-o. Ndegel noboso nap iri-nen an nalen tak pusu-o. Ap kwarat-nen meya yidnak pem onggo angin worak wanurag-e at ebem nde mbij-o. At ebem-nen an-e it-nen meya yidnag-e namberam tak pimin-o.

YEREMIA 6:24

Wene iri nggal kulurug-e, Yerusalem woragwi nab-e mondok enmawi lak yosolat, kwiye elem enarem nggosolar-e, ”Ngge kwarul-o?” luk, kweyap-nen li ndaguwokluk yane wurugwi nggal yane wiriga-o.

YOANES 16:21

Kwe mbi ela ndageyekluk woralar-e, yane wururak tarem panggo yosolar-e, kwe na andi bandi kaso-t nde, ela na ndaguruk nggwe-ge ’Nggweyak ma yu wolmomtak pem-e la mbi ndaki-o’ luk alen kasolar-e, andi bandi kaidnak na mid tak poso-o.

1 KORINTUS 11:3

Alat nde, wene yu-ge kit-nen kenaru yurak iri-ge nindingen-o: Ap pidsa enanggul-e Kerisut-nen yusu-o. Nde, kwe anggul-e un-nen yusu-o. Nde, Kerisut anggul-e Mbal Pem Nagawan-nen yusu-o.

1 KORINTUS 14:34

lambuk tak inpidnak nap ennggendumu-nen kwami-nen-e enne lag-et wolmag-o. Imiri mbarak pidnak wene arem-nen yid iri nggal-et, kwami-nen wene yurag-e mondok lag-o. Inndi teberak irit wolmag-o.

1 KORINTUS 7:4

Ogwe ebe-ge at winde-ge lag-o. Are, un arengge-nen yusu-o. Nde, iri nggal-et un ebe-ge at winde-ge lag-o. Ogwe arengge-nen yusu-o.

KOLOSE 3:18

Kununtak worak kwami wa-e. Kit kununtak unlugom tebeluk wolmer-o. Iri kwarugwi iri-ge Nagawan Indo ebem woragolat-nen kwarugwi-ge irir-o.

1 TESALONIKA 5:3

Nde, ap-nen yogolar-e: ”Lag-o. Pidsa yamuksa konak nak worali-o” luk yogola, ereya na-net it lak tak unpurak mende-ge mimo enpem mbuma-o. Kwami enabila-nen li ndaguwokluk, mimo yane witli nggal, iri nggal-et it enpem mbuwasolar-e, it na mengga mburuwa bug-o.

1 TIMOTIUS 2:13

Aram nanduk ndak worak puruk, abog-e Awa ndak worak pidnak-nen yusu-o.

1 TIMOTIUS 2:15

Alat nde, kwami-nen tebe luk woragolar-e, inndi angin tubu yidnak elem min ap enabuwa kagwi elem min marak woragwi elem min tena woragola-ge, inlirak ndakolat-net inmiri yaga wok unduwa-o.

TITUS 2:5

it kweyap ndugum-nen it ununtak min inlirak min enabuwa kagolat wolmakluk, kit-nen na kwara mul ender-o. Nde, mul undugup iri-ge ap-nen Mbal Pem Nagawan-nen idnak aid wene meya rak puwa naru, kweyap ndugum-e inndi pindong tak woragolat, marak irit woragolat, it enma woragwi kweyap kwara ndegel unpugwi kwami konak irit woragolat, ununtak enne nak kologolat makluk mul ender-o” luk yak indi-o.