NDAK WIRIDNAK WENE 3:1 - Nanduk Ngget Tul Pidnak Wene

¹ Nagawan Indo Mbal Pem Nagawan-nen ndak worak pidnak towe mena sil waro ereba na enggendumu-nen mondok indi nggat nggat kwiye worag-e waro irit woragij-o. Nde, waro na-nen kwe na kin wok posolar-e: ”Nde, Mbal Pem Nagawan-nen-e yapmu yu me worasu e yeba engen mbi-ge ’Norak pug-o’ luk yak kindid, lak?” luk kin wok ibij-o.

NDAK WIRIDNAK WENE 3:1 ပူးပေါင်းရင်းမြစ်များ

MATIUS 10:16

”Yu nde ker-o. An-nen wirik konposolar-e, lomba wam-e ndakngge enggendumu wirik pugwi nggal wirik kunpusu-o. Iri bem-e, kir-e kinndi tenggerak waro nggal woragolat, kinndi yanggonak towe merpati nggal woragolat mer-o.

MATIUS 4:3

Wok yarik worasoma-ge, Sere na at eram wok yarik-nen yak tosolar-e: ”Kar-e Mbal Pem Nagawan Ambara nde ala-ge, kerep yeba-ge mburu kwat min-o luk yak ti-o” luk yij-o.

MATIUS 4:6

at yak tosolar-e: ”Kar-e Mbal Pem Nagawan Ambara nde ala-ge, kud mboksa nggweyak ma mbi-o. Nde, Mbal Pem Nagawan Engga mbarak pem-nen yosolar-e: ’Mbal Pem Nagawan-nen-e at-nen idnak nap inpil lobok yuwama, kimiri yogolar-e, kat kijog-e kerep pem pijaksa mbugun naru, it ininggi mok pem tak kubuwa-o’ luk yij-o”.

MATIUS 4:9

Nde, iri luk, Sere-nen yosolar-e: ”Kat nde an neralu tud luk, an nerembel wanosola-ge, kat-nen kasu mende yu oboksa kat wok kirimin-o” luk yij-o.

2 KORINTUS 11:14

Iri kwatli iri bem-e wi yurak pug-o. Sere-nen na eyaya worak aid nap nggal kwat yoso-o.

2 KORINTUS 11:3

Alat nde, waro indi nggat nggat worak iri bem-nen Awa na ombol pem lagaid nggal, iri nggal kit kinndi kabak tak pogola, kir-e kinndi misiget nak luk Kerisut ariget abuwa kali iri keya bugup naru numud kwarat kasu-o.

1 PETERUS 3:7

Konkwe la worak nap wa-e. Iri nggal-et kit na konkwe la inmin woragolar-e, kwami yu-ge ndeyak-net yili-o enperaruk, Mbal Pem Nagawan-nen we wok ondoso unlug-et woralik nalik momtak elem iri-ge konkwe la inmin-et lambuksa winde rak kunpuwa me, kwara enabuwa kagolat wolmer-o. Iri kwarugup ala-ge, kit-nen tepan yugub-e abi sud mud yuwa bug-o.

NAM PARA WENE 12:15

Iri luk, waro na-nen-e kwe na yi-nen wanuwakluk, waro na emendam nggwe-nen yi-ge kwe na ambigit nggwe mbuk yaga wirik pij-o.

NAM PARA WENE 12:9

waro nggulok pare iri na-ge mbo bil mbuwagaij-o! Nde, at iri-ge nanduk-nen woraso unu misig-e Sere, are, Kugi oboksa onmbol pem laso iri nar-o. Ar-e at-nen idnak aid nap inmin-et nggweyak ma mbo bil mbuwagaij-o.

NAM PARA WENE 20:2

Mbuwasolar-e, nanduk woraso waro iri na-ge unu-ge Sere, are, kugi iri na tenasa olengen seribu wolmakluk kere kamarak ibij-o.