NDAK WIRIDNAK WENE 27:4 - Nanduk Ngget Tul Pidnak Wene

⁴ an nindi-nen ukwe perasu ndak ndag-et kona saguruk lobok yugunmu, an-e nasoluk, nuruk woralat ya-net imbiringgat wok kutluk wat yuwom-o” luk yak tij-o.

NDAK WIRIDNAK WENE 27:4 ပူးပေါင်းရင်းမြစ်များ

NDAK WIRIDNAK WENE 14:19

Abaram na imbiringgat tak obosolat-nen yosolar-e: ”Mbal Pem Nagawan Mondok Kek tak mbal min nggweyak min ndak worak pid iri na-nen Abaram kimbiringgat tak kubuwag-o!

NDAK WIRIDNAK WENE 27:14

Yak tosoloma, Yakup na mberarik, kambing wam ereya na waruk ija eram lobok yij-o. Lobok yosoloma, kwe Iripka-nen-e wam ereya na-ge Isak-nen norak indi-n perasu ndak ndag-et konak nak sagij-o.

NDAK WIRIDNAK WENE 27:17

Iri rak purug-e, Iripka-nen-e wam kona sagid iri na min oroti mburu konid iri na min Yakup wok tij-o.

NDAK WIRIDNAK WENE 27:19

Yakup-nen yosolar-e: ”Kambara manggiya Esau an nar-o. Kat-nen nebem pigen na-ge waruk lobok yigi-o. Kar-e men luk, kore yosolat uno saguruk lobok yigi yeba min-o. Nasoluk, imbiringgat tak nobonog-o” yij-o.

NDAK WIRIDNAK WENE 27:23

Nde, inggi il-e usu worak Esau inggi nggal-et karuk, Isak-nen-e: ”Yu-ge Yakub-er-o” luk yenggerak pigit lag-o. Alat nde, Yakup na imbiringgat tak peyekluk-nen

NDAK WIRIDNAK WENE 27:25

Yosoloma-ge, Isak-nen yak tosolar-e: ”Kat wam saiken iri mak niri-o. Nuruk, imbiringgat tak kibimin-o” luk yij-o. Yosoloma, Yakup-nen-e uno sagid ereba na eram posolar-e, anggut engen amburu siyak mbi min nujwakluk mak tij-o.

NDAK WIRIDNAK WENE 27:27

Yosoloma-ge, Yakup na Isak paluk turuk wa yak tosola-ge, Isak-nen-e Yakup usum emben sing kasolat, Yakup na imbiringgat tak posolat-en yosolar-e: ”Nambara, kat kububu emben-e Nagawan Indo-nen imbiringgat tak pidnak wal ububu emben nggal-er-o.

NDAK WIRIDNAK WENE 27:31

Nde, at-nen na uno-ge undu konak nak saguruk, eid eram lobok yarik-nen yosolar-e: ”Neid wa-e. Kar-e men luk, kore yosolat uno waruk lobok yigi yeba min-o. Nurug-e, imbiringgat tak nobonog-o” luk yak tij-o.

NDAK WIRIDNAK WENE 27:5

Nde, wene iri na Isak-nen Esau yak tosola-ge, kwe Iripka-nen-e kulij-o. Nde, wene na yak tosoloma-ge, Esau na-ge wam wiril patma mberamu-ge

NDAK WIRIDNAK WENE 27:7

’Kar-e nggwija misik wiril mbiri-o. Wutluk undu kona sak niril lobok yugunmu, nasoluk, an-e awo wat yigit lak ma-net Nagawan Indo imbiri bem imbiringgat kebem puruk wat yuwom-o’ luk yak tosola kuligi-o.

NDAK WIRIDNAK WENE 27:9

Kar-e nit nenlomba wam woraso sa mburugundik, kambing wam mondok usul nggok mberen waruk lobok yi-o. An-nen-e keid indi norak perasu nggal ndak ndag-et sagumu,

NDAK WIRIDNAK WENE 28:3

Mbal Pem Nagawan mondok amawi worak iri na-nen kat kogwe min wok kerak mbugup iri na imbiringgat tak kobosolar-e, kar-e ap kwarat onmbo irit kwat yonokluk kilirak kwarat wok kuruwag-o.

NDAK WIRIDNAK WENE 48:9

Iri yosola, Yusup-nen yosolar-e: ”Ya-ge an nilirak Mbal Pem Nagawan-nen an o Mesira yu worala wok nirij-e yar-o” luk yij-o. Yosoloma, Yakup-nen yosolar-e: ”An-nen imbiringgat tak enpeyek-nen neram panggosa inpil lobok yi-o” yak tij-o.

NDAK WIRIDNAK WENE 49:28

Nde, iri-ge it Isarael nap enlem duabelas iri-net yili-o. Nde, wene yeba-ge ineid Yakup-nen mbereyekluk wene nanu bem elirak wiwa-o yak ondosolat, at elirak enarik tak lombok yak endamu-o.

LUKAS 2:34

Iri lug-e, Simeon na-nen it imbiringgat tak onposolat-nen la iri ija Maria yak tosolar-e: ”Isarael nap ap kwarat lak tak onposolat, ap kwarat na inmiri yosolat maklug-e, Mbal Pem Nagawan-nen la yu-ge len ibij-o. At yu-ge Mbal Pem Nagawan eram-nen lobok yidnak-nen yusu-o luk yenggerak purug-e, ap kwarat-nen at insili rak puwa-o.

LUKAS 24:51

Imbiringgat tak onposolat ereya na-net it na keya unpuruk, aid arem lek karuk lagaij-o.

IBERANI 11:20

Nde, Isak na indi angin tubu yidnak pem-net abok woragolat-nen inmbiringgat tak unpurak wene-ge Yakup min Esau min urul paga yak indij-o.