NDAK WIRIDNAK WENE 26:3 - Nanduk Ngget Tul Pidnak Wene

³ Nde, an-nen-e nggetlel kuburuk nosolat, imbiringgat tak kobosolat woramin-o. Nde, nggweyak yu-ge oboksa kat wok kurumu, kat-nen wigarak-nen winde yuwa-o. Nde, an-nen-e keid Abarakam ’Inik nggal kwat kibimin-o’ luk urul yak tigi iri na ndak ndag-et kwat kibimin-o.

NDAK WIRIDNAK WENE 26:3 ပူးပေါင်းရင်းမြစ်များ

NDAK WIRIDNAK WENE 12:7

Nde, Nagawan Indo na-ge Abaram imbiri bem nam luk-nen yak tosolar-e: ”Nggweyak yu-ge an-nen kat-nen wigarak wok indimin nggweyak-nen yusu-o” luk yak tosoloma-ge, Abaram-nen-e at anggarem nam yid Nagawan Indo iri na amanggim wam wosa kan purak ondoro kona ndama pil lagaij-o.

NDAK WIRIDNAK WENE 13:15

Nde, o nggweyak kat-nen kaigen ereba oboksa-ge an-nen kat min kat-nen wigarak min-et wok kindimin-o. Iri yumu, mondok pem kat karengge irit wolma-o.

NDAK WIRIDNAK WENE 13:17

O nggweyak yu-ge an-nen wok kirimin me, kar-e yawo-ge o nggweyak wok kirimin ereba oboksa limbinil waring ki-o” yak tij-o.

NDAK WIRIDNAK WENE 15:18

Ereya na-net Nagawan Indo-nen Abaram urul watsa yak tosolar-e: ”O Mesira nggweyak kuri mbarak iri kuri-nen yi Eperat kuri o nggweyak yu oboksa-ge kat-nen wigarak iri wok indimin iri-ge

NDAK WIRIDNAK WENE 17:19

Alat nde, Mbal Pem Nagawan-nen yosolar-e: ”Lag-o. Kat kogwe Sara iri-net li ap mbi ndaguwama, kat-nen-e unu-ge Isak yarugun-o. Nde, an-e la iri min at-nen wigarak min inmin urul yak kirigi na-ge mondok pem irit kwat tenak woramin-o. Nde, urul yak kirigi iri-ge pem irit wolma-o.

NDAK WIRIDNAK WENE 17:8

Yawo kat ap sal nggal worasu nggweyak yu-ge kat min kat-nen wigarak min winde rak kinpimin-o. Nde, an-e it Enmbal Pem Nagawan kwatluk, o Kanaan nggweyak oboksa-ge kat-nen wigarak wok undumu, pem irit winde wolma-o” luk urul yak tij-o.

NDAK WIRIDNAK WENE 20:1

Nde, Abarakam na o Mamere-nen mberarik abare (selatan) nggwe Kanaan nggweyak pem o Sut wok Kandes wok iri me-t woragij-o. Woraruk, imbirik Nggerat mberarik woralar-e,

NDAK WIRIDNAK WENE 25:11

Abarakam iri na wat yosola-ge, Mbal Pem Nagawan-nen-e imbiringgar-e ambara Isak iri na ebem posolat irit woragij-o. Ereya tarem-e Isak na-ge yi kenanggurak ondoro yalidnak misik unu-ge ”At iri-ge keya noboso buk” iri na eralu-t woragij-o.

NDAK WIRIDNAK WENE 26:12

Nde, Isak-nen yabu o iri me wanarik yagij-e olengen yagid iri na bem-e yabu wanarig-e uwi-ge mariget pil kagaij-et nde, olengen iri na bem-et ebe mbarosolar-e, mondok terak minik (seratus kali lipat) irit mbarij-o.

NDAK WIRIDNAK WENE 26:14

Iri nggal kwarosolat, at olomba wam min esapi wam min oro kwarat ligik lasolat, ndegel ubugwi nap min kwarat ala karug-e, ”At yu nak yi mende ndi mende ombo yusu-o” luk Pilisin nab-e enlengen ale ebem piga-o.

NDAK WIRIDNAK WENE 26:24

Mberarik, nene yosoma, kubu-ge Nagawan Indo at eram wok yosolat-nen yak tosolar-e: ”An-e keid Abarakam Embal Pem Nagawan-nen yusu-o. Kwiye yurak pug-o. An-e nggetlel kuburuk nosolat worasu-o. An-nen an ndegel noboso nap Abarakam urul yak tosolat: ’Yu nggal kwat kibimin-o’ luk urul yak tigi iri na ndak ndag-et an-nen imbiringgat kebem posolat, kat-nen wigarak kwarat tak kobosolat irit kwat kibimin-o” luk yak tij-o.

NDAK WIRIDNAK WENE 28:13

Nde, Nagawan Indo-ge eralu mendak-nen yak tosolar-e: ”An-e Abarakam min Isak min-nen nerembel wanugwi Mbal Pem Nagawan-nen yusu-o. Nde, o kat mbinggirik worasu sa yu-ge an-nen-e kat min kat-nen wigarak min wok kindimin-o.

NDAK WIRIDNAK WENE 28:15

Karu wolmin-o. An-nen-e kat nugun sa oboksa yongga korosolat, nggetlel kuburuk nimin-o. Nde, an-nen-e o yu me-t tuguruk kimin lobok yimin-o. An-e mondok keya kibimin pug-o. Urul yak kirigi oboksa-ge kwar-et kobosolat woramin-o” yak tij-o.

NDAK WIRIDNAK WENE 31:3

Iri ala-ge, Nagawan Indo-nen Yakup yak tosolar-e: ”Kar-e keid min kowe kowot worali sa-t tuguruk mbiri-o. Mborosola-ge, an-e kimin-et mbirimin-o” yak tij-o.

NDAK WIRIDNAK WENE 35:12

O nggweyak Abarakam min Isak min wok indigi nggweyak yu-ge kat min kat-nen wigarak min irit wok kindimin-o” luk yak tij-o.

NDAK WIRIDNAK WENE 39:2

Wanikma, Yusup na-ge iri me worala-ge, Nagawan Indo-nen-e at yongga worosola-ge, at-nen yabu wanidnag-e ebe nak yosolat irit woragij-o. Iri yosola-ge, ar-e onggo ibid Mesira nap Potipat iri na ama-t woragij-o.

NDAK WIRIDNAK WENE 39:21

Nagawan Indo-nen Yusup na yongga worosolar-e, abuwa kagaij-o. Iri yosola-ge, o kubu me ombo iri na-nen-e Yusup na indingen tak ibij-o.

NDAK WIRIDNAK WENE 48:21

Iri luk Yakup-nen Yusup yak tosolar-e: ”An-e abu wat yurak panggo yigirik neyasu yur-o. Alat nde, Mbal Pem Nagawan-nen yongga kondosolat tuguruk konmborak woragwi sa wok kunpuruk mburuwa-o.

NDAK WIRIDNAK WENE 50:24

Woralar-e, at-nen owerak yak ondosolar-e: ”An yawo-ge wat yurag-e panggorak worasu-o. Alat nde, Mbal Pem Nagawan-nen-e kir-e ndegel konposolat, o yu me-nen lit kunpuruk, ’Abarakam min Isak min Yakup min wok indimin-o’ luk urul yak ondosolat owak mbarid sa iri na me-t kinpil mburuwa-o” luk yak indij-o.

NDAWI ENGGA 105:8

Ar-e at-nen ”Irit kwarimin-o” luk urul pidnak wene-ge pempa indi yeberak wolma-o. At-nen urul pidnak wene-ge pem irit wolma-o.

NDAWI ENGGA 105:9

At-nen urul pid iri-ge nandug-er-e Abarakam imin urul puruk, imbirig-e Isak imin pij-o.

NDAWI ENGGA 32:8

Nagawan Indo-nen yosolar-e: ”An-nen-e kat-nen mbururak tula mirik kobosolat, an-nen nggomo korosolat-nen an nerengen-e kebem-et woramin-o.

MBIRIGA WENE 2:24

Kulurug-e, at-nen Abarakam min Isak min Yakup min urul yak indid ereba na yebet kagij-o.

MBIRIGA WENE 3:12

Yosoloma, Mbal Pem Nagawan-nen yosolar-e: ”An-e yongga-t kirimin-o. Mbal Pem Nagawan-net wirik kebamu-o luk yenggerak kubuwaklug-e, kat-nen Isarael nap iri Mesira-nen lit yaga mengga wok unpuruk lobok yosolar-e, ndobo yu bem-nen an nerembel wanugub-o” luk yak tij-o.

MBIRIGA WENE 6:4

An-e it inmin-e urul pi-net yak undukmu-o. An-nen urul yak ondosolar-e: ’Kit nanduk ap sal nggal woraigep sa o Kanaan iri-ge kir-e wok kindimin-o’ luk urul yak undukmu-o.

MBIRIGA WENE 6:7

Iri yosolar-e, kir-e an nilirak tak konposolat, nde, an-e kit Kenmbal Pem Nagawan kwat yimin-o. Nde, kit Mesira iri me-nen mumnggup manggi rak kinpili nap iri ininggem-nen wisirik konposola-ge, an nimin-e ”Ar-e nit-nen idnak Nagawan Indo Mbal Pem Nagawan-nen yusu-o” luk kenaru ma-o.

MBIRIGA WENE 6:8

An-nen Abarakam min Isak min Yakup min nggweyak yu wok kindimin-o luk owak mbara urul yak indigi nggweyak iri-ge kit wok kundumu pem mondok kit kunuwi nggweyak irit wolma-o. An-e Nagawan Indo-nen yusu-o’ yak ender-o” yij-o.

YESAYA 43:2

Yi yi ndi yi ereba mbaril mborosola-ge, an-e kimin-et mbirimin-o. Kar-e anggun panggun ereba arem yubuksa mbugun pug-o. Kanduk arem kuwok pugun-et nde, kan-e nunggun pug-o. Angin worak nggok kebem mbuwa-t nde, konak nak woragun-o.

YESAYA 43:5

An-nen nggetlel kuburuk worasu me, kwiye yusu-ge meyog-o. Kat kilirak-nen ndagidnak konmborag-e mo mboso (barat) nggwe-nen, mo luwaso (timur) nggwe-nen wirik inpil lobok yumu, ndok wiril lobok yuwa-o.

MIKA 7:20

Nanduk kwat nunpurak urul nonmborak yak indigen iri na ndak ndag-et kat-nen tugup lak kwat onposo min kat-nen kundugu enabuwa kaso min iri na-ge kat kilirak Abarakam min Yakup min-nen wigarak irit mirik nunpugun-o.

WONARIDNAK WENE 23:19

Mbal Pem Nagawan iri-ge ki nap nggal enesiget yoso bug-o. ’O! Niri nera-o’ na yoso buk. Mbal Pem Nagawan-nen nde ’Irit kwarimin-o’ yosolug-e, mondok iri na-t kwaroso-o. Nde, at-nen nde wene yosola-ge, mondok yidnak iri nat kwat yoso-o.

TUGURUK YIDNAK WENE 1:8

O ereba oboksa-ge Nagawan Indo an-nen konmbo Abarakam min Isak min Yakup min it-nen wigarak min ”Wok kindimin-o” luk urul yak undukmu-o. Iri yidnak me, kir-e mburugupndig-e, o ereba winde yer-o’ yij-o” luk yak indij-o. 1:9–3:29 Pasal 1 erep min Pasal 2 min Pasal 3 min ereya arem-e it Isarael nap Sinai ndobo bem-nen mbirigarik, nembaga ereba me waring kagolat-nen kwaridnak wene nggok nggal ereba na tuguruk Musa-nen ndindera yak indidnak wene mbarak worasu-o.

TUGURUK YIDNAK WENE 34:4

Mirik uburuk, Nagawan Indo-nen Musa yak tosolar-e: ”An-nen Abarakam min Isak min Yakup min it-nen wigarak wok undurak urul yak indigi nggweyak na-ge irir-o. Musa kar-e kanokluk mirik kibigi-t nde, kar-e iri me-ge mondok mbururag-e lag-o” yak tij-o.

PILIPI 4:9

An-nen mirik konposola kenaru yigep wene min nggomo kindigi wene min an-nen yosola kuligep wene min an-nen kwarosola kaigep mende min-e iri nak kwarogolat woragup na-e. Iri kwarogola-ge, lambuksa woragwi elem Mbal Pem Nagawan-e kit kinmin wolma-o.

IBERANI 11:9

Nde, Mbal Pem Nagawan-nen urul yak tidnak sa iri na me wok yarig-e, at indi angin tubu yidnak pem-net o iri me-ge ap sal nggal woragaij-o. Abaram iri-ge Isak min Yakub min-e o yu-ge kit kenma-t ma-o luk urul yak indidnak sa woragolar-et nde, unuwi-ge luru sum uwi nak worogolat woraiga-o.

IBERANI 6:17

Mbal Pem Nagawan indi-nen perasolar-e, at-nen urul yak indidnak iri na wanurak nap-nen-e at-nen urul pid iri-ge nden-e kujwa bug-o luk ndemeret enaru makluk-nen owak mbara urul pid irir-o.