NDAK WIRIDNAK WENE 26:12 - Nanduk Ngget Tul Pidnak Wene

¹² Nde, Isak-nen yabu o iri me wanarik yagij-e olengen yagid iri na bem-e yabu wanarig-e uwi-ge mariget pil kagaij-et nde, olengen iri na bem-et ebe mbarosolar-e, mondok terak minik (seratus kali lipat) irit mbarij-o.

NDAK WIRIDNAK WENE 26:12 ပူးပေါင်းရင်းမြစ်များ

NDAK WIRIDNAK WENE 24:1

Nde, Abarakam na-ge abu indi worak irit yij-o. Nde, at iri-ge yi mende ndi mende bem-e Nagawan Indo-nen-e imbiringgat tak posolat woragij-o.

NDAK WIRIDNAK WENE 24:35

Nde, Nagawan Indo-nen-e an-nen ndegel oboso nap Abarakam iri-ge mondok imbiringgat wok tosolar-e, yi mende ndi mende kwarat ombo rak pij-o. Ombo rak posolar-e, lomba wam nde kambing wam nde sapi wam nde unta wam nde kelerai wam nde perak tol nde emas tol nde ndegel ubugwi nap kweyap nde ap nde mondok kwarat Nagawan Indo-nen ombo rak pij-o.

NDAK WIRIDNAK WENE 25:11

Abarakam iri na wat yosola-ge, Mbal Pem Nagawan-nen-e imbiringgar-e ambara Isak iri na ebem posolat irit woragij-o. Ereya tarem-e Isak na-ge yi kenanggurak ondoro yalidnak misik unu-ge ”At iri-ge keya noboso buk” iri na eralu-t woragij-o.

NDAK WIRIDNAK WENE 26:29

Iri ala-ge, nanduk nit-nen kat kimin meya kwarigit lak, konak nag-et woraruk, kondomok wene lag-et lobok yigen iri nggal-et kat-nen na ’Kit-nen kwat nibigep iri na nggal-et meya kwat kinpimin pug-o’ luk owak mbari-o. Nde, kat-nen konak nak nusu iri-ge Nagawan Indo-net nggetlel kuburuk nosola-nen kwarusu-o luk nir-e nam-et keyali-o” luk yak tiga-o.

NDAK WIRIDNAK WENE 26:3

Nde, an-nen-e nggetlel kuburuk nosolat, imbiringgat tak kobosolat woramin-o. Nde, nggweyak yu-ge oboksa kat wok kurumu, kat-nen wigarak-nen winde yuwa-o. Nde, an-nen-e keid Abarakam ’Inik nggal kwat kibimin-o’ luk urul yak tigi iri na ndak ndag-et kwat kibimin-o.

NDAK WIRIDNAK WENE 30:30

An lobok yigit lak ma-ge, nimi karengge-ge marig-et woragij-et nde, yawo-ge an nebem-nen Nagawan Indo-nen imbiringgat tak kobosolar-e, karengge kwarat tak pij-o. Nde, yawo-ge an-e nogwela enmanggim yabu wanimin-o” luk yak tij-o.

AYUP 42:12

Nde, Ayup iri na worala-ge, kwarat kobongsa irit imbiringgat tak posolat woragij-o. Nde, Ayup anggun panggun ebem mbigit lak ma-ge iri nggal-e imbiringgat tak pigit lag-et nde, yawo-nen wok tosolar-e, lomba wam-e 14.000, nde, unta-ge 6.000, nde, sapi-ge 2.000, nde, kelerai-ge 1.000 irit Ayup-e ombo yij-o.

NDAWI ENGGA 67:6

Mbal Pem Nagawan, nit Nenmbal Pem Nagawan iri na-nen-e imbiringgat tak nonposolar-e, nggweyak-nen-e yi mende ndi mende kwarat wok nundusu-o.

NDAWI ENGGA 72:16

At-nen tenagidnak wi iri me-ge nggandum mbato kwarat yosolat, ndobo ndobo oboksa yagidnak mende-nen yebet yosolar-e, o ndobo worak Libanon nggweyak nggal alim mag-o. Nde, at uwi siri arem woragwi nab-e tusuangge nggal kwarat mag-o.

AID WENE YOSO NAP 11:6

Kat-nen uwi pil kasolar-e, kuplila min-et kubu min-et pil kasolat wolmin-o. Ngge-nen nde konak mburuwa iri-ge nir-e nenaru buk me, nit-nen pil kul-e misik umbuk yosolat, misiget nak-nen mburuwa, lak? Are, mberensa-net mburuwa? Iri-ge nenaru bug-o.

MATIUS 13:23

Nde, nggweyak konak pem mbidnak uwi iri nggal-e ap-nen aid wene kuluruk, inndi-nen yebet karuk, engen pogolar-e, ereb-e seratus nggal pogolat, ereb-e enam pulu nggal pogolat, ereb-e tiga pulu nggal pogolat yili-o” luk yij-o.

MATIUS 13:8

Uwi ereb-e nggweyak konak pem mbid iri na-nen engen posolar-e, ereb-e seratus nggal posolat, ereb-e enam pulu nggal posolat, ereb-e tiga pulu nggal posolat yij-o.

MARAKUS 4:8

Nde, uwi ereb-e nggweyak konak pem mbid iri na-nen engen kwarat posolar-e, erep-nen-e tiga pulu nggal posolat, erep-nen-e enam pulu nggal posolat, erep-nen-e seratus nggal pij-o” luk yij-o.

1 KORINTUS 3:6

An-nen uwi yaki-o. Apolos-nen yi kilij-o. Alat nde, wirik poso-ge Mbal Pem Nagawan-nen nag-o.