NDAK WIRIDNAK WENE 24:3 - Nanduk Ngget Tul Pidnak Wene

³ ’An-e Nagawan Indo Mbal Pem Nagawan mbal min nggweyak min tena woraso owag-o. Kat kambara Isak amanggim kwe-ge o Kanaan yu kweyab-e mondok kore yimin pug-o’ luk yi-o.

NDAK WIRIDNAK WENE 24:3 ပူးပေါင်းရင်းမြစ်များ

NDAK WIRIDNAK WENE 14:19

Abaram na imbiringgat tak obosolat-nen yosolar-e: ”Mbal Pem Nagawan Mondok Kek tak mbal min nggweyak min ndak worak pid iri na-nen Abaram kimbiringgat tak kubuwag-o!

NDAK WIRIDNAK WENE 14:22

Alat nde, Abaram-nen wene erep nggarosolar-e: ”Mondok Kek tak Mbal Pem Nagawan, mbal min nggweyak min ndak wirid Nagawan Indo iri na imbiri bem yak kurusu-o.

NDAK WIRIDNAK WENE 21:23

Iri bem-e kat-nen-e an min an nilirak min an-nen wigarak min-e ’Mondok mot mot nag-et kwat konposolat woramin-o’ luk Mbal Pem Nagawan imbiri bem-et owak mbari-o. An-nen kat kimin nindi konak woragi iri na nggal-et kat-nen na an min yu me woragwi nap ennggendumu kat worasu nap yeba min-e konak nak irit kwat nonposolat wolmomtag-o” luk yak tij-o.

NDAK WIRIDNAK WENE 24:7

Nagawan Indo mbal tena worasu Mbal Pem Nagawan yu-nen an neid ama-nen na irit, an nowe nowot woragwi sa-nen wok nuburuk lobok yarik, ’O yu-ge kat-nen wigarak wok indimin-o’ luk owak mbara pamu-o. Iri yid Nagawan Indo iri-net at-nen yidnak aid nap misik lenak puwama, yongga korosola, kar-e an nambara amanggim kwe-ge ndag-et nak ndurumsa wanugun-o.

NDAK WIRIDNAK WENE 27:46

Yak turuk, Iripka-nen Isak yak tosolar-e: ”An-e Esau ogwerak erem nin kweyap wanid yeba yik iniyudtag-e mondok nisili kwarat yusu-o. Iri ala, Yakup min-et Et kweyap ndugum yeba wanurak ala-ge, an-e no manggim nuruk wolmomtag-o? Mondok wat yeg-o” luk yij-o.

NDAK WIRIDNAK WENE 28:1

Iri luk, Isak-nen Yakup wene mbo buruk, imbiringgat tak puruk-nen yak tosolar-e: ”Kar-e Kanaan kweyap ndugum yeba-ge mondok wanurak pug-o.

NDAK WIRIDNAK WENE 28:8

Esau-nen yebet kasolar-e: ”E! An neid na-ge Kanaan kweyap na-ge isili eneyaso kagi” luk yenggerak pij-o.

NDAK WIRIDNAK WENE 34:9

Nab-o. Yawo-ge nit nenmbereg-e wene mbarak puruk, nit nennggendumu kwe-ge wok kerak mbuwag-o.

NDAK WIRIDNAK WENE 38:2

Iri me woralar-e, Yewura iri na-ge Kanaan nap Sua ara ndugum iri na ebem indi mbinggirik purug-e, wanij-o.

NDAK WIRIDNAK WENE 47:31

Yosoloma, Yakup-nen yosolar-e: ”Iri ala-ge, iri kwarimin-o luk mondok owak mbari-o” yak tij-o. Yosoloma-ge, Yusup-nen-e mondok owak mbarij-o. Mbarosoloma, Yakub-e nene yoso sa-nen: ”Wiwa-o” luk, erembel wanij-o.

NDAK WIRIDNAK WENE 50:25

Iri yak unduruk yarig-e, owe owot yak ondosolar-e: ” ’Mondok irit mul-o’ luk owak mbarer-o. Kit nde Mbal Pem Nagawan-nen lit kunpuruk o iri me nde mborogolar-e, an norogag-e mondok waruk mbururag-o” yak indij-o.

NDAK WIRIDNAK WENE 6:2

Mbal Pem Nagawan elirak-nen yik eneyagolar-e, mondok ndugum kigirik nak yik eneyagoluk, it Mbal Pem Nagawan elirak ereba na-nen-e it inndi-nen nak nggweyak ma nap-nen ndiridnak ndugum ereba na yena wanogolat woraiga-o.

NDAK WIRIDNAK WENE 6:4

Nde, ereya tarem min ombol nggwe min-et ab-e, ap-net nde, ap nggal-e lak. Are, yok nggok mondok nggok pare terak minik woraiga ereba-ge, Mbal Pem Nagawan elirak-nen wanidnak nggweyak ma kweyap ereba-nen nderag-o. Nde, ap yok nggok ereba na-ge wim wari enanggu onpok worak irit nanduk-nen woraiga-o.

2 NAGAWAN NAGAWAN-NEN KWARIDNAK WENE 19:15

tepan yosolat-nen yosolar-e: ”Nagawan Indo Isarael nap Enmbal Pem Nagawan kerup aid nap ebem koreyak woraso wa-e. Nggweyakma wi o tena worali nagawan oboksa enanggul pem o tena woraso Mbal Pem Nagawan-e kat nak-nen yusu-o. Kat nak-nen mbal min nggweyak min-e ndak worak pigenma-o.

NEMIA 9:6

Iri yogola, Isarael nap-nen tepan-e yu nggal yiga-o: ”Kar-e Nagawan Indo-net yusu-o. Wonaru min mbal nggwe oboksa min yi koma min o yu min ebem worasu mende oboksa min-e kat-nen ndak worak puruk, ebem-e uruk urugup worak mende pigen-o. Mbal nggwe tena woragwi amawi worak-nen na kat keram endaru yunggusa koreluk kat nak kek tak kibili-o.

NDAWI ENGGA 115:15

Mbal min nggweyak min ndak worak pid Nagawan Indo-nen-e imbiringgat tak kunpuwag-o!

NDAWI ENGGA 136:26

Mbal Pem Nagawan mbal tena woraso kek tak iri nak erembel wanogolat wiwa-o yak turag-o. At-nen-e pem kundugu irit enabuwa yoso-nen yusu-o.

MBIRIGA WENE 20:7

An-e Kenmbal Pem Nagawan, Nagawan Indo me, kir-e an nunu-ge we ereba-t yurak pug-o. Ta-nen nde an nunu we kasa ereba-t yuwa nab-e enpem angin worak pimin-o.

MBIRIGA WENE 22:11

ap wam parugu woraso na-ge Mbal Pem Nagawan ama mbutluk-nen Nagawan Indo unu bem owak mbarosolar-e: ’An parugu wolmakluk neram pidnak wam-e an-e yariya wanigit lag-o’ luk owak mbarurag-o. Iri nde, ndemeret wanigit lak-nen-e at-nen wam ereba uwi yagurag-e lag-o.

MBIRIGA WENE 23:13

Nagawan Indo an-nen yak kindigi wene-ge kwara yebet ker-o. Kir-e Mbal Pem Nagawan nin mbi erembel wanurak pug-o. Mondok unnu anggambut tet yurak pug-o” yij-o.

MBIRIGA WENE 34:16

Kit kinlirak-nen nde erem nin kweyap wanogola-ge, onkwerak-nen ndowaga an keya nuburuk it unkugwiwak nde erembel wanuwa-o.

YESAYA 45:23

An-nen-e ’Irit kwat kinpimin-o’ luk urul pukmu-o. Nde, an-nen urul yigi iri na-ge lugud tak pimin pug-o luk, an nondomok nunu bem owak mbarosolar-e, ap oboksa ondomoktak-nen enndaru yunggusa tud yogolat, it ondomok enne bem-net urul pogolar-e: ’Tugup lak, pem irit kat-nen yidnak yidnak kwarogolat wulmul-o’ luk urul yak nuruwa-o.

YESAYA 65:16

O iri me woragwi-nen ta-nen nde imbiringgat tak puwakluk nggi yuwa nap-nen-e tugup lag-et kwaroso Mbal Pem Nagawan iri na-nen imbiringgat tak ubuwakluk nggi yuwa-o. Ta-nen nde owak mbarosolar-e, tugup lak kwaroso Mbal Pem Nagawan iri na unu luk, owak mbaruwa-o. Iri kwaruwa iri-ge nanduk-nen andi bandi kagwi iri na-ge lak tak puruk, meme rak pidnak iri bem-nen kwaruwa-o” luk yij-o.

TEPAN OMBO-NEN KWARURAK WENE 19:12

Kwarigit lak yurak peragolar-et nde, ’Iri kwarimin-o’ luk an nunu bem owak mbatluk, urul purak pug-o. Iri nde yugup ala-ge, an nunu mbilaro ngin tak pugub-o. An-e Nagawan Indo kit Kenmbal Pem Nagawan-nen yusu-o.

1 KORINTUS 7:39

Un uruk worasola-ge, ogwe-ge un panggarak worasu-t nde, un na wat yosola-ge, at-nen indi nin nap ebem puruk, wanurag-e op-nen yusu-o. Alat nde, Nagawan Indo ebem indi angin tubu yidnak nab-et wanurag-o.

TUGURUK YIDNAK WENE 10:20

Nagawan Indo Kenmbal Pem Nagawan nak kek tak obogolat, at erembel nak wanurag-o. Mondok tugup lak pempa at-nen yidnak nak kwarogolar-e, at unu bem nak owak mbarogolat wolmer-o.

TUGURUK YIDNAK WENE 6:13

Nagawan Indo Kenmbal Pem Nagawan kek tak obogolat, at nak erembel wanurag-o. Nde, ’Irit kwarimin-o’ luk tul pogolar-e, at unu bem nak tul purag-o.

IBERANI 6:16

Nde, ap-nen owak mbarogolar-e, at ombol pem terak minik kek tak woraso nap na unu luk owak mbaroso-o. Nde, ap-nen ngguno pidnak na-ge owak mbaridnak iri na-nen-e wene lak tak poso-o.

YOSUA 2:12

Iri ala-ge, an-nen kit kwat kunpusu yu nggal-et kit-nen na an neid niya inmin kwat kunpul-o luk Nagawan Indo unu bem owak mbarer-o. An neid niya min nowe nowot min it winde oboksa min ’Mondok undul pug-o. Inmiri-t yul-o’ luk owak mbarer-o. Kit-nen ndemeret ninmiri-t yuwa-o luk naru worayek-nen an-nen tena wolmomtak yenggerak purak misik wok nerer-o” luk yak indij-o.

WENE MBENARUGWI NAP-NEN KWARIDNAK WENE 14:3

Alat nde, eid min ija min-nen yogolar-e: ”Pilisin nab-e Nagawan Indo ilirag-e lak yu-t nde, noluk-nen Pilisin nap endam mbutluk-nen kwe imin lobok yurak yusu-o? Nit nenlem nap ennggendumu min Isarael nap ennggendumu min kwe kat wanurak ndak ndag-e lak ala-n wanugun-a?” luk yak tiga-o. Iri yogola, Simson-nen eid onggo yak tosolar-e: ”An-e Pilisin kwe irit nindi ebem pigirik me, neid kar-e irit wok niril lobok yurak perasu-o” luk yij-o.

1 SEMUEL 20:17

Yonatan-nen Ndaut na-ge at ambik abuwa kaso nggal irit abuwa kaso me, mberen pem tak poaolar-e, Yonatan-nen Ndaut yak tosolar-e: ” ’Kabuwa-t kamin-o’ luk owak mbari-o” luk yak tij-o.