NDAK WIRIDNAK WENE 22:4 - Nanduk Ngget Tul Pidnak Wene

⁴ Nde, mborogolar-e, mberen nene luk, kenan tarem tak posolat-nen yik kil mbiridnggal-e, ndobo Mbal Pem Nagawan-nen yak tid iri na-ge erepma-t yik kagaij-o.

NDAK WIRIDNAK WENE 22:4 ပူးပေါင်းရင်းမြစ်များ

NDAK WIRIDNAK WENE 22:3

Yak tosoloma, nene luk, kuplila-ge Abarakam na-ge kan nggara kelerai wam ombolwak pem kamasa puruk yarik, at ambara Isak min ndegel ubugwi nap mberen inmin luk, o Mbal Pem Nagawan-nen yak tid iri na nggwe mbiriga-o.

NDAK WIRIDNAK WENE 22:5

Yik karuk, Abarakam-nen at ndegel ubugwi nap mberen ereya na yak ondosolar-e: ”Kir-e kelerai wam yu min yu me-t wolmer-o. An-e nambara nenmberek ele me-t mburulndik, Nagawan Indo erembel wanuruk, lobok yul-o” yak indij-o.

2 NAGAWAN NAGAWAN-NEN KWARIDNAK WENE 20:5

”Nagawan Indo an nilirak-nen idnak Nagawan Isikia iri eram mburugundik, wene yu yak ti-o: ’Nagawan Indo Kembal Pem Nagawan kombo Ndaut-nen kek tak poso Mbal Pem Nagawan an-nen-e kat-nen yip tigen kasolat, tepan yigen na kolosolat yusu-o. Nde, kar-e ki rak kibimin-o. Iri yumu, kup woraruk, kup iri-ge an nama mburugun-o.

ESET 5:1

Nde, tepan yogolat woragolar-e, kenan pem tak pogolar-e, kwe Eset iri na-ge kweyap nagawan-nen yurugwi sum yutluk, nagawan woraso sa o mborom arem nggwe wok yij-o. Wok yarik, o mborom iri na me worasola-ge, nde, nagawan iri na-ge at koreyak woraso sa iri na me-nen erengen-e tu wirik koreyak worasoma-ge, Eset iri na-ge tumende bem men yil mbirij-o.

MBIRIGA WENE 15:22

Iri lug e, yi Nggelaga eyak pem-nen Musa-nen it Isarael nap ndegel unpurug-e Sut lid nggwe mbiriga-o. Lid nggwe mborogolar-e, yi mondok kagit lak nak irit mberen nene yiga-o.

MBIRIGA WENE 19:11

Kup woraruk, kup iri-ge ir-e mondok lid lud tak puruk wolmomtag-o. An-e ap oboksa-nen niyudtak sa Sinai Ndobo bem mbuwamin-o.

MBIRIGA WENE 5:3

Iri yosoloma, Musa min Arun min-nen yogolar-e: ”Iberani nap Enmbal Pem Nagawan-e nit ninmbiri bem nam yidnak me, ’Mberer-o’ yak nundugunmu, nir-e nit Nenagawan Indo amanggim wam wosa kan puwokluk mborogolat nembaga ereba me tundumu mberen nene yuwok-nen lerak ninpi-o. Nde, nit-nen nde iri kwarigit lak ala-ge, Nagawan Indo-nen-e kugwi bem-nen ala na, wim pem-nen ala na mondok nunduwa-o” yak togolikma,

OSEA 6:2

Nde, o mberen pem, lak, kenan pem, lak ya woragolar-e, at-nen ki rak nunpuwama, at indipma wulmul-o.

WONARIDNAK WENE 10:33

Nde, Isarael nap na Nagawan Indo woraso sa Sinai ndopo na keya buruk mbirigarig-e, mberen nene yiga-o. Mborogolar-e, Nagawan Indo-nen urul pidnak wene labu mbarak iri na-ge it o lije wiril lobok yurak sa mirik unpurak pem waruk nanduk anggul tak pogolat woraiga-o.

MATIUS 17:23

it iri-nen at wuruwama, mberen naruk, kenan tak purak pem-e ar-e uruk tak puwa-o” luk yak ondosoloma-ge, it iri na inndi puru kwarat yiga-o.

LUKAS 13:32

Yak togolikma, Yesus-nen it yak ondosolar-e: ”Wene yu waruk ndak-ge iri yak til mberer-o: ’Yawo min kup min-e kugi wirik posolat, ap ki rak onposolat woramin-o. Nde, kenan tak posolat-nen perak nde, neyabu wu rak pimin-o’ yij-o luk yak til mberer-o.

1 KORINTUS 15:4

Wat yosola-ge, yapma pikma mberen naruk, kenan tak purak pem-e Mbal Pem Nagawan engga bem-nen mbarak iri na ndak ndag-et at uruk tak pij-o.

YOSUA 1:11

”Kir-e Isarael nap-nen o lije wiril lobok yidnak sa waring kagolat, wene yu yak ender-o: ’Yi Yareren mbatluk, ndil laruk Nagawan Indo Kenmbal Pem Nagawan-nen wok kunduwa o iri na me kore yurak pem ndil lorag-e mberen-et nak nene yurak worasu me, tularo lid lud tak per-o’ luk yak indil nugup na-e” luk yak indij-o.