NDAK WIRIDNAK WENE 22:2 - Nanduk Ngget Tul Pidnak Wene

² Yosoloma, Mbal Pem Nagawan-nen yak tosolar-e: ”Kar-e kambara misiget nderak Isak kindi kundik iri imin luk, o Moria nggwe mbiri-o. Nde, ereba ma-nen an-nen-e ndobo misik mirik kibimin-o. Nde, ndobo iri bem-e kambara iri-ge an namanggim wosa kan pi-o” luk yak tij-o.

NDAK WIRIDNAK WENE 22:2 ပူးပေါင်းရင်းမြစ်များ

NDAK WIRIDNAK WENE 17:19

Alat nde, Mbal Pem Nagawan-nen yosolar-e: ”Lag-o. Kat kogwe Sara iri-net li ap mbi ndaguwama, kat-nen-e unu-ge Isak yarugun-o. Nde, an-e la iri min at-nen wigarak min inmin urul yak kirigi na-ge mondok pem irit kwat tenak woramin-o. Nde, urul yak kirigi iri-ge pem irit wolma-o.

NDAK WIRIDNAK WENE 21:12

Alat nde, Mbal Pem Nagawan-nen Abarakam yak tosolar-e: ”Kar-e ndegel koboso kwe Agat iri min ambara min enpem kumud kasu-ge meyog-o. ’Kat-nen wigarag-e kwarat ma-o’ luk urul yak kirigi na-ge Isak ebem-net kwat ma me, kar-e Sara-nen yak kurusu irit kwari-o.

NDAK WIRIDNAK WENE 21:3

Ndagosoloma-ge, Abarakam-nen la iri na unu-ge Isak irit yarij-o.

NDAK WIRIDNAK WENE 22:12

Yosoloma-ge, Nagawan Indo-nen aid nap yak tamu, Abarakam yak tosolar-e: ”La iri andi bandi rak posolat, ebem yi kwatlik ndi kwatlik kwarurak pug-o. Kar-e kambara misiget nderag-et nde, kar-e an-nen yidnak iri na-t kek tak posolat, an-nen yidnak yidnag-et kwarosolar-e, kambara kindi angin lag-et wosa an namanggim peyekluk yusu keyagi-o” luk yak tij-o.

NDAK WIRIDNAK WENE 22:16

”Nagawan Indo-nen yosolar-e: ’An nondomok nunu nggal-o’ luk owak mbarosolar-e: Kar-e yu kwarosolar-e, kindi angin yigit lag-et an namanggim kambara misiget nderak na-ge wosa peyekluk yigenma me,

NDAK WIRIDNAK WENE 22:3

Yak tosoloma, nene luk, kuplila-ge Abarakam na-ge kan nggara kelerai wam ombolwak pem kamasa puruk yarik, at ambara Isak min ndegel ubugwi nap mberen inmin luk, o Mbal Pem Nagawan-nen yak tid iri na nggwe mbiriga-o.

NDAK WIRIDNAK WENE 22:9

It na mbirigarik, Mbal Pem Nagawan-nen Abarakam yak tidnak iri na me wok yogolar-e Mbal Pem Nagawan amanggim wosa kan purak ondoro kona mendaga pil laruk yarik, kan waruk mbirid ereba na-ge ondoro konid na bem ndama keya buruk, ambara na kamasa kan ndamak pid iri na bem mbinggirik pij-o.

NDAK WIRIDNAK WENE 8:20

Nu-nen-e Nagawan Indo amanggim wam mbara kan purak ondoro konurug-e, yi towe ndi towe oboksa enggep lombok min wam nin tak nan tak nalma mende oboksa enggep lombok wosa mbara emben Nagawan Indo wok tosolat, mbara kan pij-o.

MIKA 6:7

Nit-nen-e lomba wam kwarat (beribu ribu) ala na, e saitun engen amburu kwarat kuruk kuruk mborosola ala na waruk mburulndik, Nagawan Indo amanggim pogola-ge, Nagawan Indo-ge indingen kujwa, lak? Are, nit meya yidnak onggo nit nenla manggiya wosa pul, lak?

YOANES 3:16

Mbal Pem Nagawan-nen ki nap pidsa nenabuwa nggulok karuk, at Ambara misiget nderak wok nendamu-o. Ta-nen nde at ebem inndi angin tubu yuwa nab-e lak yigit lag-et, are, pem-et unlug-et woralik nalik momtak elem irit wanuwa-o.

OROMA 5:8

Alat nde, nir-e meya yugwi nap woragola, Kerisut-e nenmanggim wat yamu me, iri bem-nen Mbal Pem Nagawan-nen nit nenabuwa kaso elem mirik ninpij-o.

OROMA 8:32

At ambik Ambara abuwa kagit lak, nit pidsa nenmanggim iminep wisirik pamu-o. Nde, at Ambara-t nde, wok nendarik me, yi mende ndi mende pidsa wok nundurak iri-ge nggog-a?

IBERANI 11:17

Nde, Mbal Pem Nagawan-nen-e Abaram na indi kayekluk yosola-ge, Abaram na indi angin tubu yidnak pem-net at ambara Isak na-ge wosa Mbal Pem Nagawan amanggim eyabi wirik peyekluk yij-o. Nde, Mbal Pem Nagawan-nen wene urul paga Abaram yak tij-et nde, at ambara misiget nderak iri-ge indi angin lag-et Mbal Pem Nagawan amanggim wosa peyekluk yij-o.

WENE MBENARUGWI NAP-NEN KWARIDNAK WENE 11:31

tuguruk nurug-et lobok yosolar-e, ta-nen nde nandug-et nama-nen wurungsa an nabuwok lobok yuwa iri-ge wosa Nagawan Indo kat kamanggim kan pimin-o” luk owak mbarij-o.

WENE MBENARUGWI NAP-NEN KWARIDNAK WENE 11:39

Iri kwaril nuruk, waneya mberen ereya na lak yosola-ge, la kwe iri na-ge eid eram tuguruk lobok yosola-ge, eid iri na-nen-e Nagawan Indo imin ’Irit kwarimin-o’ luk urul posolat owak mbarid iri na ndak ndag-et kwat ibij-o. Iri kwat obosola, la kwe ndugum iri na-ge awo ndugum pem irit wat yij-o. Elem iri kwaridnak pem-nen Isarael nap ennggendumu kweyap ndugum-nen-e yu nggal kwarugwi-o.