NDAK WIRIDNAK WENE 21:3 - Nanduk Ngget Tul Pidnak Wene

³ Ndagosoloma-ge, Abarakam-nen la iri na unu-ge Isak irit yarij-o.

NDAK WIRIDNAK WENE 21:3 ပူးပေါင်းရင်းမြစ်များ

NDAK WIRIDNAK WENE 17:19

Alat nde, Mbal Pem Nagawan-nen yosolar-e: ”Lag-o. Kat kogwe Sara iri-net li ap mbi ndaguwama, kat-nen-e unu-ge Isak yarugun-o. Nde, an-e la iri min at-nen wigarak min inmin urul yak kirigi na-ge mondok pem irit kwat tenak woramin-o. Nde, urul yak kirigi iri-ge pem irit wolma-o.

NDAK WIRIDNAK WENE 17:21

Alat nde, an-nen urul yak kirigi na-ge kambara Isak iri imin-et kwarimin-o. Nde, yanem nggal-et olengen abok yu bem-e kat kambara Isak iri-ge Sara-nen ndaguwa-o” yak tij-o.

NDAK WIRIDNAK WENE 21:12

Alat nde, Mbal Pem Nagawan-nen Abarakam yak tosolar-e: ”Kar-e ndegel koboso kwe Agat iri min ambara min enpem kumud kasu-ge meyog-o. ’Kat-nen wigarag-e kwarat ma-o’ luk urul yak kirigi na-ge Isak ebem-net kwat ma me, kar-e Sara-nen yak kurusu irit kwari-o.

NDAK WIRIDNAK WENE 21:6

Nde, Sara-nen yosolar-e: ”Mbal Pem Nagawan-nen-e an-e nalen-nen ndowaga nda rak nibij-o. Nde, ap-nen nde an la ndaki yu kulurug-e, an nda tigi iri na nggal enalen-nen ndowaga nda tuwa-o” luk yij-o.

NDAK WIRIDNAK WENE 22:2

Yosoloma, Mbal Pem Nagawan-nen yak tosolar-e: ”Kar-e kambara misiget nderak Isak kindi kundik iri imin luk, o Moria nggwe mbiri-o. Nde, ereba ma-nen an-nen-e ndobo misik mirik kibimin-o. Nde, ndobo iri bem-e kambara iri-ge an namanggim wosa kan pi-o” luk yak tij-o.

NDAK WIRIDNAK WENE 25:19

Nde, yu-ge Abarakam ambara Isak woraidnak wene-o.

MATIUS 1:2

Abaram-nen-e Isak ndet ibid: Isak-nen-e Yakup ndet ibid: Yakup-nen-e Yewura min owerak owottak erep inmin ndet inpid:

YIDNAK YIDNAK WENE 7:8

Iri lug-e, urul posolar-e, iniye ambasap waburak wene wok tij-o. Iri ala-ge, Abaram na-nen Isak ndaguruk tuju nene luk, delapan pem-e iye ambasap wabij-o. Nde, Isak-nen-e Yakup ndagaij-o. Nde, Yakup-nen-e nit nenlawingga duabelas na ndet inpij-o.

OROMA 9:7

Nde, Mbal Pem Nagawan-nen Abaram yak tosolar-e: ”Isak-nen ndaguwa lolo iri nak kat-nen wigarag-o” luk yak tidnak me, Abaram-nen wigarak na rit oboksa Mbal Pem Nagawan ilirak-nen yili-ge lag-o.

IBERANI 11:18

Nde, Mbal Pem Nagawan-nen Abaram yak tosolar-e: ”Isak-nen wigaruwa iri inmin-et kat kilirag-o luk yuwa-o” luk yak tid nar-o.

YOSUA 24:3

Nde, an-nen-e konmbo Abarakam iri-ge o yi Eperat eyak ele bem-nen wanukmu-o. Wanurug-e, Kanaan nggweyak oboksa kibirik waring ki-o yak tigi-o. Yak turuk, an-nen-e at-nen wigarag-e kwarat tak pigi-o. Nde, nandug-er-e Isak at wok tigi-o.