NDAK WIRIDNAK WENE 20:9 - Nanduk Ngget Tul Pidnak Wene

⁹ Yak undurug-e, Abimelek-nen Abarakam wene mbo buruk, kin wok obosolar-e: ”Kar-e noluk-nen iri nggal kwat ninpigen-o? An-e no meya kwat kubukmu-nen kar-e an min an-nen tenagidnak wi woragwi nap min lak tak nunpuwakluk nenare bigen-o? Ndemeret iri mende-ge kwarugwi bug-et nde, noluk kwat nibigen-o?

NDAK WIRIDNAK WENE 20:9 ပူးပေါင်းရင်းမြစ်များ

NDAK WIRIDNAK WENE 12:18

Iri ala karuk, nagawan-nen-e Abaram wene mbo buruk kin wok obosolar-e: ”Kar-e an nimin ngge kwarigen-o? Nde, kat-nen nam-et nak: ’Kwe yu-ge an nogwer-o’ yurag-et nde,

NDAK WIRIDNAK WENE 20:10

Noluk-nen kar-e iri nggal kwarigen-o?” luk yak tij-o.

NDAK WIRIDNAK WENE 20:8

Iri yak tamu nene luk kuplila-ge at eyabu wanugwi nap ereba na yonggo unpuruk, ndok worogola-ge, Mbal Pem Nagawan-nen at yak tid wene ereba na enaru rak pij-o. Iri yosola-ge, ir-e kwiye kwarat kaiga-o.

NDAK WIRIDNAK WENE 26:10

Yak tosoloma, Abimelek-nen yak tosolar-e: ”Kar-e noluk iri nggal kwat nonposolat woraigen-o? Ap an nuwokma yeba-nen nde kogwe iri imin nene nde yelepnggal-nen-e meya-ge erem-e kat kebem-o” luk Isak met ibij-o.

NDAK WIRIDNAK WENE 29:25

Kub-e Yakup-nen piridnggal-e kwe-ge Lea na nde wok tidnak karug-e, Yakup na-ge Laban eram mberarik yak tosolar-e: ”Nimi kar-e noluk-nen yu nggal kwat nibigen-o? An-e Arakel wanurak pem-et yabu kan wok korosolat woragi na-t nde, noluk nimi kar-e namberam laigen-o?” luk yak tij-o.

NDAK WIRIDNAK WENE 34:7

iri na tarem-et Yakup ilirak lomba wam tusuangge mak togolat woraiga ereba na-ge lobok yiga-o. Lobok yogolar-e, wene iri na kulurug-e, wendet luk-nen yogolar-e: ”Noluk-nen Yakup ara na-t nde, Sikem iri-ge amawi bem nak Ndina iri na tenabosolat Isarael nap unnu marak iri na kopkap tobok tak pij-o?” luk mondok insilepma kwarat yiga-o.

NDAK WIRIDNAK WENE 38:24

Nde, waneya kenan woraruk ombol nggwe Yewura-nen wene kolel kagaidnggal-e, at ambararak onkwe togwe iri na-ge tup tup yogolar-e: ”Terak waring kasolat abila yarik worasu-o” yidnak wene irit kulij-o. Kuluruk, Yewura-nen wene wirik posolar-e: ”At iri-ge kan-nen nuruk lak tak puwakluk, kudsa kan purag-o” luk yak indij-o.

NDAK WIRIDNAK WENE 39:9

Nde, o ma yu me yi mende ndi mende oboksa-ge at-nen tena woraso ndak ndag-et tena worasu-o. An-nen tena bigit lak misik mbi worasu-ge lag-o. Alat nde, kwe kat perak nde, kun ondomok inggem worasu-o. An-nen-e noluk-nen meya yu kwarosolat Mbal Pem Nagawan imin meya kwarimin-o?” luk yak tij-o.

2 SEMUEL 12:5

Iri yosola, ap arengge kwarat iri na-nen kwaridnak wene iri na kulurug-e, Ndaut na-ge isilepma kwarat yosolat-nen yosolar-e: ”Ap arengge kwarat iri-ge abur-e mondok meya-t kagi-o! Mondok Nagawan Indo Uruk nak Woraso owag-o. Ap iri-ge lomba marik iri onggo posolar-e, empat pem nambena puruk, ebe-ge mondok wururag-o” luk yij-o.

MBIRIGA WENE 32:21

Iri yosolat-nen Arun yak tosolar-e: ”It-nen-e kar-e no kwat kobogola-nen keya inpigenma, meya nggok yu-ge kwariga-o?” yak tij-o.

MBIRIGA WENE 32:35

Iri lug-e, it-nen enne amawi bem watsa Arun yak togola, Arun-nen emas-nen konidnak sapi iri ndak wiridnak me, it ap ereba na-ge Nagawan Indo-nen-e lak tak unpurak mende enpem mbarak pij-o.

OROMA 2:11

Nde, Mbal Pem Nagawan-e ap enpage lombonoso bug-o.

TITUS 1:11

Ap iri nggal yugwi iri-ge mondok enmende nggulurag-o. It-nen mul undugwi yugwi buk wene iri bem-nen-e ap kwarat onkwe la ndomok inmin nari wari rak inpili-o. Nde, it iri kwarugwi iri-ge uwang lesa terak mena wanurak pem-nen iri yili-o.

IBERANI 13:4

Ap oboksa-nen wok kerak mbugwi iri-ge konak-net yusu-o luk pururag-o. Nde, un min ogwe min-e mbabi kwarogolat wolmomtak pug-o. Nde, terak ye unpugwi min mbabi yugwi min enpem-e Mbal Pem Nagawan-nen wene mbaruwa-o.

YOSUA 7:25

Iri rak puruk, Yosua-nen Akan yak tosolar-e: ”Noluk-nen kar-e anggun panggun nit nenpem pil lobok yigen-o? Nde, yawo-ge Nagawan Indo-nen angin worak mende kebem puwa-o” yak turug-e, Isarael nap oboksa-nen Akan iri na ogwela inmin-e kerep pem nak unduruk, arengge mende oboksa min yariya wanidnak silobulo oboksa min oboksa kan mbela lak tak inpiga-o.